# Tui Mentri Lao động Thương binh saong Xã hội, jalan ngak di bruk pato bruk ngak tukvak 2016 – 2020 lac pato bruk ngak ka jaik 12 triệu người.. Tui kuhria dahlau tal thun 2025, urang ngak Việt Nam meda hu bruk salih samar meng gah ngak nong tapa gah ngak kong saong dịch vụ, dalam nan mboh ralo lac salih tapa gah dịch vụ. Anak bruk yau nan njauk salih bahrau bruk pato bruk ngak, abih di nyu lac pato bruk ngak chất lượng glaong. 

# Biar harei 30/5, yaok rituh uraniah ruak ung thư di sang iek ruak Ung bướu TP.HCM hu bui sambai chreih chrai saong taduan hu dom pok pandap meng danak dak "Ước mơ của Thúy" kayua báo Tuổi Trẻ peih tabiak pa-aun harei Dunya uraniah 1-6.m Ban peih ngak danak dak “Ước mơ của Thúy” hu alin jien mbaok daong ka 170 uraniah ruak ung thư, yaok adei hu 1 triệu đồng..  "Phiên chợ 0 đồng" di sang iek ruak brei ka dom adei pilih ruah dom pandap bo drei takre yau muot, nduan, takhaok, dép, búp bê, pandap me-in…

 Meng harei 29/5 tal harei 31/5/2018, Ủy ban Ký ức Dunya bhum Châu Á – Thái Bình Dương di UNESCO peih nyaom biai mbang ka 8 pak Hàn Quốc. Nyaom biai njauk hatai vak angan hồ sơ “Hoàng Hoa sứ trình đồ” di but pajaih Nguyễn Huy, tỉnh Hà Tĩnh, Việt Nam tame dalam angan dom inem mek tư liệu của Danak dak Ký ức Dunya bhum Châu Á – Thái Bình Dương di UNESCO. 

# mBan Thường vụ Tỉnh ủy An Giang bahrau tabiak bruk điều động, luân chuyển ông Men Pholly, Bí thư Huyện ủy, Chủ tịch Hội đồng bhap bini huyện Tri Tôn nao taduan bruk di Ban cán sự đảng Ủy ban bhap bini tỉnh piah ngak Trưởng ban Dân tộc tỉnh. Dahlau di nan, mBan Chấp hành Đảng bộ tỉnh An Giang hu tabiak bruk kỷ luật tui jalan lac cảnh cáo ông Men Pholly, kayua nyim biak ralo jien, ameh di dom tổ chức tín dụng saong di menuac urang, oh daok bayar truh. Kuhria tal tukvak ini, abih tih yaom jien sraiy di sang ong Men Pholly lac labaih 40 tỷ đồng./.

  # Giải Pakacah ghe gilai vô địch pakat negar thun 2018 kayua Sở Ilamo padhih saong rivang ma-in Bình Thuận dang tabiak peih ngak meda hu peih tabiak dalam 2 harei 10 saong 11/6 angaok kraong Cà Ty, bal Phan Thiết. Hu mbaok tame pakacah hu dom kapul nyaom lakei kumei mai meng dom tỉnh, bal hu bruk pakacah ghe gilai khang yau Bình Thuận, Hải Dương, Quảng Bình, An Giang saong bal raya Hồ Chí Minh.

Khaw tin dunya:

# Akaok mintri jien padai Prang Bruy-nô Lơ Me (Bruno Le Maire) ndom lac, châu Âu meda khik caga dom kein laba di drei meyah Mỹ kak je  nhôm saong thép hadei di tuk lệnh miễn thuế di Mỹ ngan saong Liên minh châu Âu (EU) abih hiệu lực di harei 1/6 ini.  Urak ini EU daok kham merat thuyết phục Mỹ klak vĩnh viễn bruk kak je dom janih pandap nhôm saong thép di EU.

  # Page harei 30/5, karja bal Paris hu yah klaak sa khu trại tamuh eng, lac labik daok tạm thời di labaih 1000 urang di cư. Lực lượng cảnh sát hu ba 1.016 urang daok pak ini tal dom labik daok pataom bahrau. Urang di cư meda hu ba mai tal dom labik daok pataom bahrau nan lac dom labik thể thao hu ngak pasiam veik, ngan haong jaik 780 labik, dalam tuk jabat chức năng Pháp peih bruk pasang iek hành chính. Hadei di tuk yam tapa hu dom mbang pasang iek hành chính, dom urang di cư ini meda hu ba mai dom pasak taduan raok saong peih ngak dom thủ tục likau tỵ nạn atau likau tabiak truh labik ini.

# Harei 30/5, Thủ tướng Malaysia Mahathir Mohamad brei thau, bruk duah sruh kapal haoh MH370 di hãng kapal haoh Ma-lai-xi-a (Malaisia Airlines) lihik di thun 2014 meda hu peih veik meyah hu bằng chứng bahrau. Akaok mintri giao thông Ma-lai-xi-a An-thô-ni Lô-cơ (Anthony Loke) brei thau, Ma-lai-xi-a meda ginup ka bruk MH370 dalam bilan 7 ini../