Khaw tin 6h30 harei 16/12

# Mesup harei 15/12, di ban raya HCM, Ban Công tác Đại biểu di Ủy ban Thường vụ Quốc hội saong Hội đồng bhap bini ban raya HCM peih nyaom biai Thường trực HĐNDdom tỉnh, ban bhum Đông Nam bộ mbang ka 2, nhiệm kỳ 2016-2021. Ủy viên Bộ Chính trị, akaok Quốc hội Nguyễn Thị Kim Ngân mai hu mbaok.  Angan ieu di nyaom biai lac “Ilamu saong jalan paglaong bruk ngak di HĐND pakat tỉnh dalam bruk brei adat ngak dom kadha praong di puk palei”, lambaok thường trực HĐND dom tỉnh, ban hu ba tabiak rilo jalan ngak gheih. 

# Biên phòng tỉnh Bà Rịa – Vũng Tàu bahrau brei thau, gah biên phòng huyện Côn Đảo pambuak bruk song Jabat pacang caga  ma túy song  tội phạm di  Biên phòng tỉnh peih ngak bruk tui iek bruk 2 kapal pajeng 64 ribau lít menyek DO oh thau asar di nyu.

  #Dự án pasiam, paglaong, peih praong jalan roya 1A labik nao tapa xã Phổ Châu, huyện Đức Phổ, Quảng Ngãi kayua Tổng công ty Vinaconex ngak bahrau ngak salah ba tame pandar . Min labik jalan roya ini daok khut nao, hu rilo lubang kluc sit praong. Ong Lê Nguyễn Tấn Phú, akaok jabat pasang iek, taong yaom di Sở jalan mbak pajeng ba tỉnh Quảng Ngãi brei thau: Hadei di tuk lingik siam, kol dahlak tacei dom gah thầu brei ramik pasiam abih dom labik khut angaok jalan ini)

 # Hadei di tuk rayo sap ndom VN brei thau ka bruk jalan  roya 1A labik nao tapa tỉnh Bình Định khut trak, po ngak jalan nan hu brei rilo menuac song pandap panda  piah pasiam veik. Dom harei tapa langik pandiak thu, Mban khik ramik jalan Hồ Chí Minh hu pachreih ba dom nhà thầu samar pasiam dom labik khut khat di angaok jalan roya  1A labik nao tapa ban sit  An Nhơn, huyện Tuy Phước, Phù Mỹ...

# Tui bruk ba tabiak di Ủy ban bhap bini huyện Chư Sê, tỉnh Gia Lai, dalam thun 2017, xã Chư Pơng meda ngak hu danak dak bruk ngak negar padang ngak palei pala bahrau, dalam nan hu bruk padang ngak labik am cuh hareik. Min labik bo Ủy ban bhap bini xã Chư Pơng pilih ruah piah ngak labik am cuh hareik nan hu dom sang bhap bini oh njauk hatai brei ngak. 

  # Tui kuhria mboh, dalam tỉnh Lâm Đồng trun pajaih hu labaih 2.000 ha bingu Tết dom janih, taeng bingu cúc labaih 1.000 ha, mboh rilo di ban Đà Lạt  song dom huyện jiak tapen yau: Đơn Dương, Lạc Dương song Đức Trọng. Min, urak ni, jit ruak layau hala sọc thân rah tabiak ngak khut khat labaih 50%  ngak ka sang bein duh hatai. Rilo urang nong pala bingu cúc pablei Tết 2018 di  tỉnh Lâm Đồng dok laik tame kan kandah tuk brei Buac klak rilo mblang taneh bingu anak jit ruak oh pasiam veik hu.

# Dalam harei pakacah puac abih di Giải nyuk ia vô địch châu Á 2017 drah tabiak di Trung Quốc, kapul Việt Nam mek hu 2 meda ameh, 4 meda pariak saong 3 medai ban.

    Patui di ni dom khau tin dunya:

# Bahrau ni, di pasak ilamu, pablei salih song  Khách sạn Hà Nội-Moskva (Incentra), Mintri ilamu, Thể thao song Du lịch Việt Nam, Đại sứ quán Việt Nam di LB Nga hu pambuak bruk peih ngak danak dak nghệ thuật uan thun bahrau 2018 hu angan “Xuân Quê hương”. Danak dak hu dom kadha doh tako hài kịch kayua labaih 20 nghệ sỹ  Nhà  hát Tuổi Trẻ parang me-in, ba mai bui sambai,  ba mik va urang  Việt Nam dok  di  LB Nga yau hu mai veik dom bhum palei siam mekre di negar Việt Nam. 

# Gah Khí tượng Hàn Quốc (KMA) brei thau, kraong Hàn labik nduac tapa ban ine Seoul hu mboh bruk ia kraong khang jeng ia patau mbang akaok meti dalam bilan brak thun ini di harei 15/12 tuk lingik li-an di tuk mesup lac ala -10 độ tdi rilo labik. Yau nan, ini lac tukvak labik kraong ini jeng ia patau aval di abih dalam thun kuhria meng harei 12/12/1946, aval jang 42 harei dut saong mbang jeng ia patau akaok miti di bilan brak thun bloh saong aval jang 29 harei dut saong yaok thun

# Tập đoàn Thuận Phong (SF Express) harei  14/12 hu mbaoh tangin song karja tỉnh Hồ Bắc (Hubei), di gah kreih negar  Trung Quốc,  ka bruk padang ngak mblang kapan haoh pajeng pandap  cemereip abih  di châu Á. Mblang kapan haoh bahrau,  hu phun jien buh ngak labaih 5 tỷ Nhân dân tệ (labaih 750 triệu USD), dok di ban Ngạc Châu (Ezhou).