# Mesup harei 15/3, bruk taduan raok Thủ tướng Nguyễn Xuân Phúc saong diuk di ong haong kapul pakat glaong Việt Nam hu rah tabiak dalam praong prang di Tòa nhà Quốc hội, daok angaok Đồi Capitol, pak di pasak ban ine Canberra, negar Australia. Hadei di nan, Thủ tướng Nguyễn Xuân Phúc saong Thủ tướng Australia Malcolm Turnbull hu mbaoh tangin tame harak Tuyên bố chung ka bruk padang talei pambuak bruk chiến lược Việt Nam – Australia, sa kadha praong ndung bak sajarah dalam talei pambuak bruk di 2 taneh ia.

# Jeng dalam harei 15/3, di Hà Nội, jabat rajaei, mintri Kế hoạch saong Đầu tư pambuak bruk saong Gilang pariak dunya di Việt Nam peih nyaom biai pakat dunya ngan saong kadha “Pasiam glaong bruk ngak mbang pablei salih piah pagalong chat luong saong toc do patagok”. Nyaom biai pachreih hu 300 urang lambaok ka dom mintri, nganh, puk palei, hiep hoi doanh nghiep, doanh nghiệp, dom jabat di dunya…Phó Thủ tướng Vũ Đức Đam dang akaok nyaom biai. 

# Mintri Pato Megru bahrau tabiak Thông tư ka 07 pasiam, pabak angan saong dom paka di Quy chế p[ilioh ruah saih bac đại học hệ chính quy; pilih ruah saih bac cao đẳng gah bac ngak gru pato hệ chính quy, dalam nan hu dom salih bahrau praong. Yau ye gah bac megru ngak gru pato di dom trình độ đại học, cao đẳng, trung cấp: Iek tui bruk pakacah di mbang pakacah THPT pakat negar, Mintri Pato megru ba tabiak tanut khik caga chất lượng đầu vào piah ka dom sang bac padang jalan pilih ruah

   # mBan khik ramik libik Chứng tích Sơn Mỹ, xã Tịnh Khê, ban sit Quảng Ngãi, tỉnh Quảng Ngãi barau taduan mek baoh chuông ban kayua dom nghệ nhân palei đúc ban Phước Kiều, ban sit Điện Bàn, tỉnh Quảng Ngãi ngak. Baoh chuông nan trak labaih 1 tấn, glaong labaih 2 mét, praong 1 mét. Amuk Cao Thị Hồng Hạnh, Giám đốc mBan khik ramik libik chứng tích Sơn Mỹ, tỉnh Quảng Ngãi brei thau: Bruk đúc chuông ban ini hu makna biak praong dalam bruk pahadar dom urang gaok bala di mbang pametai bak darah di Sơn Mỹ. Ka dua lac hu makna caong khin ka hòa bình, ieu urang bhapbini grauk labik di dunya pambuak saong bhapbini Việt Nam ngak brei mboh bruk kanjah jhak di mesruh metak saong khik caga hòa bình.

# Dom harei tapa, urang blei salih meng tỉnh Đồng Nai mai tal bhum pala patei Tân Lâm, huyện Xuyên Mộc, tỉnh Bà Rịa – Vũng Tàu duah blei patei Cấy mô Nam Mỹ ba nao pablei di Trung Quốc tui yaom glaong, min urang pala di labik ini oh daok patei piah pablei. Urak ini yaom patei pablei nao Trung Quốc lac 15 ribau đồng//kg, tui yaom ini, urang pala patei hu labaih jaik meteh. Sa-ai Phan Văn Khang, ấp Bàu Hàm, xã Tân Lâm, huyện Xuyên Mộc brei thau: “Damen jeng damen lô min thau ngak habar ini, patei nyu oh siam. Thun anak drei ngak ka nyu siam jang kayua mboh yaom nyu daok tagok min oh thau yau habar kayua darak pasar tuk tagok tuk trun oh tani tanat.

   Khaw tin dunya

        # Hải quân Mỹ barau brei thau, sa sruh kapal ahaok mesruh F18 On-nít (Super Hornet) gaok laik tuk daok par pasram lingiu tasik Ki-oét Phlo-ri-đa (Key West, Florida). Bala nan ngak ka dua phi công metai. Urak ini, makna di di bala daok hu gah chức năng duah thau.

# Quốc hội Ma-lai-xi-a meda giải tán dalam tukvak meng harei 28 tal harei 30/03 tal piah peih jalan ka sa mbang tổng tuyển cử tui kuhria lac di bilan 8 tal.

    # Chủ tịch Trung Quốc Tập Cận Bình brei mboh hatai pachreih tui sáng kiến di Hàn Quốc dalam bruk khik hòa bình haong Triền Tiên saong bruk nan jeng hu rajaei Nga pachreih tui./.