Khaw tin 6h30, harei 16/4

# Dom baoh sang di palei Tân Phúc, xã Phúc Trạch (huyện Hương Khê, Hà Tĩnh) daok daok dalam duh hatai tuk ralo bingun aia di labik ini hu sambo màu kanjik katam, mbau menyek diezen. Bruk njauk biai nan lac,  aia menyek sok tagok meng bingun aia ini pandar thin cuh apui ye nyu khuah… Tapa pasang iek akaok mereip, gah chức năng mong mboh hu 6 bingun aia pandar di 6 baoh sang dalam palei daok njaom dầu hỏa. Karja palei hu kakei bhap bani anak meta juai pandar aia meng dom baoh bingun ini saong cang panuac di dom chuyên gia saong jabat hu thẩm quyền piah duah jalan langyah.

# Tui lambaok di karja phường Thuận Lộc (ban sit Huế), kuhria tal urak ini bhapbini dalam phường halan hatian rik daong jaik 200 triệu đồng piah caik camera pasang iek, tui iek tội phạm, tệ nạn xã hội. Dalam nan, hu 140 camera di urang bhapbini eng drei buh jien tabiak ngak saong 70 camera di dom libik công cộng, dom canah jalan hu rilo bhapbini kayua bhapbini puk palei rik  jien tame ngak.

 # Harei pataom ilamu daoh Then, capi Tính dom bangsa Tày-Nùng-Thái pakat negar mbang ka VI thun 2018, meda rah tabiak dalam dua harei 13-14/5/2018 pak tỉnh Hà Giang. Hu 16 tỉnh, bal hu ralo bhap bani bangsa Tày – Nùng - Thái hu mbaok tame, dalam nan hu: Hà Giang, Tuyên Quang, Cao Bằng, Bắc Kạn, Lạng Sơn, Thái Nguyên, Bắc Giang, Quảng Ninh, Yên Bái, Lào Cai, Sơn La, Điện Biên, Lai Châu, Đắk Nông, Đắk Lắk, bal raya Hồ Chí Minh.

# Tạp chí du lịch danei angan Rough Guide barau ba tabiak angan 20 taneh ia kheih abih di dunya kayua độc giả pilih ruah. Dom cảnh quan thiên nhiên kheih mekre di Việt Nam, hu dom mblang hamu kanyan di Sa Pa hu ba mai ka Việt Nam 1 libik dalam top 20 di Rough Guides. Dalam dom angan ini hu Indonesia, Ấn Độ, Peru, Nauy, Phần Lan,Croatia, Irelan, Thuỵ Sỹ, Mỹ, Anh Quốc… 

# Gah du lịch bal raya HCM brei thau, tukvak anak tal, gah du lịch bal raya daok brei ngak rilo jalan kak kajap haong dui pachreih urang buh jien tame patagok du lịch di dom bhum. Praong abih dalam tuk pambuak bruk, bal raya HCM jeng labik pasak, dom tỉnh, bal jaik taphia hu jeng dom “vệ tinh” daong pabak, ngak jeng dom chuỗi pandap du lịch biak chreih chrai, daong ba gauk ngak ka tuai damuai dalam saong langiu negar oh klaak tapa hu.  

Khaw tin dunya

# Hu pagap lac "Niagara di châu Á", thác Khone Phapheng (Khon Phạ-phêng), daok di huyện Khong (Khổng), tỉnh Champasak (Chăm-pa-xắc) di Campuchia, lac baoh thác praong abih di Đông Nam Á. Thun 2017 hu labaih 150.000 tuai mai ravang thác Khone Phapheng saong tui kuhria meda hu rilo jang dalam thun ini.  

# Parabha hu dom tế bào ung thư haong tế bào bình thường meda lac sa cuang kandah biak prong ngan haong dom bác sĩ dalam dom mbang blac riah ung thư. Taphia nan, bruk oh thau cambaih saong cakak klaak dom mô ung thư dalam tukvak blac riah jeng lac makna ngak ka dom tế bào ung thư cakrok patagok saong urang ruak njauk ngak veik dom ca blac riah bahrau. Yau nan min, dom kadha ndom angaok nan meda langyah hu meng công nghệ daong chẩn đoán hu siam dalam tukvak điều trị ung thư kayua dom urang ilamu Trung Quốc roh duah saong patagok. 

# Dom urang alamu Pháp barau tabiak mbaok baoh sang akaok meti di dunya hu dak padangmeng công nghệ in 3D, pabak ginup bruk di sa baoh sang di ban Nantes (Năng-tơ) di Pháp. Tui kuhria, dom urang po akaok meti di công trình kheih mekre ini meda mai daok di bilan 6 tal. Dom urang roh duah di Đại Học Nantes brei thau ini lac baoh sang akaok meti hu padang di libik bhapbini daok meng sa robot hu chức năng di sa máy in 3D, hu angan ieu BatiPrint3D.