# Harei 15/9, pak tỉnh Quảng Bình hu hajan prong, angin khang, ngak ka ralo phun kayau jaoh jaleih. Mbaok aia di dom baoh kraong ndik glaong, ngak dauk ralo puk palei. Pak dom puk palei, bhap bani daok samar panduan ba manuac sia nao plaih njaik ribuk ka 10.

# Piah caga plaih ribuk ka 10, ban Đà Nẵng daok pataom pren yava, pandap panda tame caga bala. Taong abih dom anek saih, sinh viên dalam ban hu padheih bac meng bair harei 15/9.  

# Harei 15/9, Hội đồng nghĩa vụ quân sự phường Xuân Trung, bal sit Long Khánh, tỉnh Đồng Nai peih bruk pasang iek pren yava ka urang dam nao nghĩa vụ quân sự. Tui bruk ba tabiak, meng ini tal harei 29/9, dom xã, phường dalam bal sit peih bruk pasang iek pren yava ka dom likei dam dalam umo nhập ngũ thun 2018.

# Harei 15/9, lambaok mban tacei pato Tây Nam bộ, gam urang dang akaok Tỉnh ủy, Ủy ban bhapnini, Ủy ban Mặt trận negar Việt Nam tỉnh Hậu Giang nao ravang, tadhau yuh dom ong bhik, mikva phật tử di 4 libik baha dalam ban sit Bảy Ngàn, huyện Châu Thành A. 

# Tết Trung thu si tal mai, pak bal Tây Ninh saong dom huyện jaik taphia, lồng đèn Trung thu hu parang pablei grauk labik. Tapa pasang iek, labaih 90% dom lồng đèn hu parang pablei di dom cửa hàng nan lac lồng đèn Việt Nam.

# Long An lac dalam klau  palei hu taneh pala phun thanh long praong abih taneh ia. Tui kuhria di Sở ngak nong saong patagok palei pala Long An, dalam tỉnh urak ini hu jaik 9.000 ha pala thanh long; dalam nan jaik 7.000 ha hu brei baoh. Barau ini, thanh long di Việt Nam hu brei adat pablei tapak tabiak darak pasal Australia.

# Harei 15/9, Sở Xây dựng bal raya Hồ Chí Minh peih nyaom biai pathau khan, tabiak bruk pakacah thiết kế chung cư saong daok xã hội thun 2017. Thiết kế mek hu giải đặc biệt hu pok brei 200 triệu đồng. Ong Trần Trọng Tuấn, akaok Sở Xây dựng bal raya Hồ Chí Minh brei thau: ”Sang daok xã hội atau saong daok tái định cư lingiu di bruk lac baoh sang piah daok, nyu daok lac labik paglaong chất lượng diuk rai, pambuak pagam tal hạ tầng kỹ thuật, hạ tầng xã hội jeng yau dom siam lagaihdi baoh sang dalam chung cư glaong tal ”.

  Khaw tin dunya

# Hội đồng bảo an Liên hợp quốc kuhria peih mbang nyaom chip ka bruk cuh tên lửa barau abih di Cộng hòa dân chủ bhapnini Triều Tiên. Tui dom urang dang akaok Liên hợp quốc, sa mbang nyaom kín meda rah tabiak di bair harei 15/9 tui panuac caong di Mỹ saong Nhật Bản.

# Raja-ei Vê-nê-xuê-la bahrau payua 300 tấn pandap panda tal Cuba piah daong ka rajaei negar ini dalam bruk kham merat pasiam veik hadei di ribuk Ơ-ma (Irma). Tui Akaok mentri Nội vụ saong Tư pháp Vê-nê-xuê-la Nét-tô Rê-vê-rôn (Nestor Reverol), dom sruh gilai pajeng pandap padang ngak sang yau pabah mbang, sơn, bồn rao mbaok, tabung sang haong dom janih pandap daong ka bruk ngak pasiam veik hu nao tal Cuba bloh.

# Hội đồng Bảo an Liên Hợp Quốc brei dui atah bruk ngak di  Phái đoàn daong Liên hợp quốc di Libi (UNSMIL) sa thun tra, nan lac dui atah tal harei 15/9/2018. Hội đồng Bảo an Liên Hợp Quốc hu njauk hatai bruk ini tapa nghị quyết 2376./.