# Di gah langiu mbang tangi sua song javap jalei Quốc hội mbang XIV di mesup harei  16/11, Phó Chủ nhiệm Uỷ ban ilamu, pato megru, dam dara, Thiếu niên song uranaih di  Quốc hội Phạm Tất Thắng ndom lac: urak ni, tamuh tabiak bruk pablei salih bahrau yau pablei salih tapa mạng, min bruk khik ramik thuế dok tui jalan meng kan, yau nan ye khik ramik njauk salih bahrau, piah tui dar bruk patagok di xã hội. 

# Tui urang QH  Mai Thị Ánh Tuyết (An Giang) : dom bruk hu pilih ruah tanyi sua di mbang nyaom Quốc hội ini, lac dom asal kadha thời sự, hu cử tri dalam taneh ia sangka. Lac urang QH di bhum taneran kraong Cửu Long, amuk Mai Thị Ánh Tuyết sangka tal kadha piah patagok bruk ngak nong, cambaih laih lac bruk pandar công nghệ glaong tame gah ngak nong .

# Sở pato megru Quảng Bình  bahrau hu harak pandar dom sang bac dalam tỉnh bayar veik dom pok jien mek suan hukum (meyah hu mek); saong hu panuac ieu urang jakar, gru pato, nhân viên, amaik ame anek saih pasang iek, brei thau  dom pok jien halei mek suan hukum ka Sở pato megru, piah pasiam veik song langyah. 

# Tui Sở ngak nong saong patagok palei pala Đắk Nông, taneh phun mbang baoh dalam tỉnh urak ini hu jaik 5.600ha, tagok labaih 2.000ha  duk saong thun 2010. Dom phun mbang baoh meda patagok hu di Đắk Nông lac durieng, bơ, chanh dây, quýt saradang, măng cụt, patei, pa-ok… 

# Urak ni dok dalam tuk vak trun pajaih bilan bingu Tết Mậu Tuất 2018 min, phun pajaih bingu cúc – sa janih bingu pablei rilo dalam tuk Tết di ban  Đà Lạt (Lâm Đồng) dok kurang ngak ka po bein biak gleih glar duah labik karei piah blei pala. Dom pajaih hu urang takre dalam tuk tết lac cúc đại đoá, cúc kim cương song cúc chùm mai vàng. Min kayua langik tasik oh siam gam song rilo urang blei piah pala ngak ka phun pajaih ni dok kurang, yaom kaom tagok hasit meng 140 – 160 đồng/phun. 

# Tỉnh Ninh Thuận barau peih var ndom biai nao mai di gah chức năng dalam tỉnh saong lamabok 200 doanh nghiệp. Tapa nan, rilo doanh nghiệp ndom lac, sarak hukum pambuak tal bruk ngak, jien bilan, jien mek tame, bảo hiểm xã hội, bảo hiểm y tế saong bảo hiểm lihik bruk di urang ngak daok hu dom paka, dom khoản oh ka hu cambaih laih.

# Rilo bác sỹ chuyên khoa dang akaok di sang iek ruak Đại học Y dược ban raya  Hồ Chí Minh song sang iek ruak Chợ Rẫy hu trun tapak tal sang iek ruak Quận 2 piah iek ruak ka bhap bini. Ni lac asar kadha hu mbaoh tangin tame di harei peih pakak dự án Đầu tư padang ngak, patagok song peih prong sang iek ruak  Quận 2, ban raya Hồ Chí Minh, harei 15/11. 

Khaw tin dunya

# Di nyaom biai thượng đỉnh ka khik ramik hòa bình dunya hu peih tabiak di  Van-cu-vơ (Vancouver, Canađa), hu mbaok di akaok mintri quốc phòng jaik 60 taneh ia, Thủ tướng Ca-na-đa Tru-đô hu khan brei thau bruk peih ngak “Sáng kiến En-xi (Elsie) ka urang kumei dalam dom bruk ngak hoà bình”, piah daong dom phái bộ di Liên hợp quốc dalam bruk ba urang kumei tame dom bruk khik ramik hòa bình.

# Tổng thống Phi-líp-pin Rô-đri-hô Đu-téc-tê (Rodrigo Duterte) song Thủ tướng Trung Quốc Lý Khắc Cường bahrau chứng kiến bruk mbaoh tangin tame 14 thoả thuận pambuak bruk dalam rilo gah yau; dong ka dom cơ sở hạ tầng , padang ngak tatua, phát hành trái phiếu, cai nghiện ma túy, biến đổi khí hậu, khik ramik quyền sở hữu trí tuệ….

# Nhật Bản saong Mỹ harei 16/11 hu peih mbang pasram hải quân haong gauk dalam sa bruk kham merat piah paglaong pren khang quân sự anak Cộng hòa dân chủ bhapbini Triều Tiên. Gah hải quân Mỹ brei thau, mbang pasram dui atah 10 harei, rah tabiak di bhum tasik taphia Ô-ki-na-oa (Okinawa) di gah meraong Nhật Bản./.