# Page harei 16/4, Phaok Thủ tướng Vương Đình Huệ, Akaok Ban tacei pato dom danak dak pakat negar hu mboh tangin tame Quyết định pok brei huyện Giao Thuỷ, tỉnh Nam Định mek hu chuẩn huyện palei pala bahrau thun 2017. Ini lac huyện ka 50 dalam negar mek hu chuẩn palei pala bahrau, daok ngan haong tỉnh Nam Định ini lac huyện ka 5/10 huyện, bal dalam tỉnh mek chuẩn gam haong dom huyện Hải Hậu, Nghĩa Hưng, Trực Ninh, Xuân Trường hu hu pok brei angan tukvak dahlau.

# mBan jak ba kadung jien “ Ka urang kathaot” tỉnh Bình Thuận barau patabiak bruk jak ba, pandar kadung jien “ ka urang kathaot” dom pakat dalam tỉnh thun 2018. Tui nan, chỉ tiêu jao brei ka tỉnh kham merat jak ba kadung jien ka urang kathaot 9 tỷ đồng. Dalam nan, pakat tỉnh jak ba 2 tỷ đồng, hu jak ba daong 1 harei jien bilan atau jien mek tame di urang jakar công chức, viên chức saong urang ngak di dom jabat, doanh nghiệp, kapul par phao ndao 1 tỷ đồng; jak ba dom jabat, doanh nghiệp 1 tỷ đồng.

 # Harei 16/4 pak bal raya HCM, Bảo hiểm Xã hội Việt Nam peih nyaom biai pataom iek veik bruk thu saong cấp sổ bảo hiểm xã hội, thẻ bảo hiểm y tế thun 2018. Quý 1 thun ini, taong abih manuac urang blei bảo hiểm xã hội, bảo hiểm y tế hu jaik 80 triệu 900 ribau urang, trun 468 ribau urang dut haong thun 2017. Bruk patagok manuac urang blei bảo hiểm di ralo puk palei trun saong biar jang bruk ba tabiak. Kadha njauk ndom lac dalam quý 1 bruk tavak jien blei bảo hiểm tagok, ralo doanh nghiệp tavak jien  bảo hiểm xã hội di urang ngak, bruk tavak sre lac labaih 4%,  thun blaoh lac 3%.

# Jaik ini, tuk ar pacang kraong Tiền di ban sit Mỹ Tho, tỉnh Tiền Giang  ngak blaoh lac dom bến thủy tapeng kraong Tiền njauk padheih ngak bruk. Bruk ini ngak ka yaok ratuh kapal, gilai di dom sang bhapbini saong doanh nghiep oh hu libik katok tani tanat. Ông Trần Đỗ Liêm,  Phó Chủ tịch Hiệp hội vận tải Tiền Giang brei thau: Sà lan lac di ala kraong bo oh hu mblang katok lac biak kan kandah. Sà lan dak katok rilo lac dak gar, kayua tukvak cang ngak thủ tục. Pagap ye hu pandap panda mai lac njauk katok di libik halei piah mai trun libik ngak thủ tục tame tabiak bến, ngak harak ba ar piah bayan…dahlak gaok uy mban bhapbini tỉnh jeng brei thau lac oh thau ngak habal , yau nan ye biak kan kandah.

# Pak Festival Huế 2018 peih tabiak di harei 27/4 tal, danak dak adaoh tamia “Âm vọng sông Hương” lac kadha praong di Festival ini. “Âm vọng sông Hương” nan lac dalikan ndom ka sa vòng đời di bhap bani kraong aia palei Huế... Meng tuk ranam gauk, khin gauk, caih menek, tal tuk anek bhik prong jeng manuac jeng urang, patui veik ong akok ong kei di drei ngak bruk angaok kraong aia, blaoh tamat, bloh peih tabiak veik sa vòng đời karei, rairah karei. Tui nan, vòng đời di bhap bani pambuak pagam gauk yau sa jalan nduac di baoh kraong, kuan mek Huế, dak padang, khik ramik, pacang khik saong vang vin taom dhar Huế. “Âm vọng sông Hương” meda ba mai ralo  cảm xúc ka urang mong iek ngan haong bruk hu mbaok di yaok rituh diễn viên chuyên nghiệp pambuak pagam haong dom alat ragam daoh bhap bani Huế...

Khaw tin dunya

# Talei pambuak bruk kinh tế - pablei salih di Trung Quốc saong Nhật Bản daok mboh hu siam veik hadei di tuk urang jakar dua taneh ia pambuak veik ginum biai kinh te pakat glaong hadei di 8 thun padheih. Ginum biai Kinh tế pakat glaong Nhật Bản-Trung Quốc rah tabiak harei 16/4 di ban ine Tokyo di Nhật Bản. Ini jeng lac mbang akaok mereip sa akaok mintri ngoại giao Trung Quốc hu mbaok tame ginum biai dua gah di Nhật Bản kuhria meng thun 2009.

# Ủy ban kuhria caga di Hàn Quốc brei thau, dalam mbang taom gaok pakat glaong abih di dua gah Triều Tiên meda hu peih sa blah web papar binguk tapak mbang taom gaok di Tổng thống negar ini Moon Jae-in (Mun Chê In) saong urang pal akaok Triều Tiên Kim Jong-un (Kim Châng Un) dalam harei 27/4 anak tal. Nhà Xanh brei thau tapa blah web (www.koreasummit.kr), ủy ban kayua Chánh Văn phòng Nhà Xanh Im Jong-seok (Im Châng Xốc) dang akaok ini jeng hu brei thau chip dom kadha pambuak pagam tal mbang taom gaok ini.

# Dom gah chức năng Indonesia barau mek khik 26 kapal taong cap ikan brei thau lac ngak bruk suan hukum dalam bhum tasik di taneh ia ini. Dalam dom sruh kapal nan, hu 20 kapal di Indonesia, 3 kapal di Việt Nam, 2 kapal di Philippines saong 1 kapal di Malaysia. 

Thúy Linh/VOV -TPHCM