# Mintri Lao động Thương binh song Xã hội bahrau hu harak payua ka  Ủy ban bhap bini dom  tỉnh, ban di  Trung ương ka bruk patagok dom jalan khik iek uranaih. Mintri Lao động Thương binh song Xã hội hu panuac ieu Ủy ban bhap bini dom  tỉnh, ban di Trung ương tagok bruk pato pakai ilamu, kỹ năng khik iek uranaih ka amaik, ame song dom urang dalam sang, gru pato, urang iek glang uranaih, urang ngak bruk song uranaih song ka uranaih piah pacang caga bruk tong paoh, xâm hại uranaih, abih di nyu nan lac  xâm hại tình dục uranaih.

# Cục khik ramik jru tavao (mintri Y tế) brei thau, urak ini dalam taneh ia hu 41.394 cơ sở pablei lẻ. Quy định di mintri Y tế, tal harei  1/1/2019, cơ sở pablei lẻ jeng njauk hu thiết bị saong peih bruk pandar công nghệ thông tin kết nối mạng khik kajap bruk pasang iek asal di nyu, yaom asal jru blei tame, pablei tabiak; hu jalan brei thau ka bruk pablei salih jru, chất lượng jru di dom libik pablei ka urang blei jeng ye bruk khan brei thau asal kadha ka jabat khik ramik pambuak tal tuk hu panuac caong thau.

     # Mesup harei 16/5, Uỷ ban Mặt trận negar  Việt Nam ban raya HCM peih bruk brei thau giải thưởng “Paprong jum pataom bangsa ban raya HCM”. Quỹ giải thưởng hu padang tabiak meng dom pok jien jak ba, dong brei di dom jabat, kapul nyaom, menuac urang halan hatain rik dong. Jien thưởng, yaok urang hu giải hu 20 triệu đồng, yaok kapul nyaom hu  30 triệu đồng. Muk Tô Thị Bích Châu, Chủ tịch Uỷ ban Mặt trận negar  Việt Nam ban raya HCM brei thau giải thưởng “Paprong jum pataom bangsa  ban raya HCM” hu  Ban Thường vụ Thành uỷ ban raya brei adat padang ngak  song dong  2 tỷ đồng.

#  Urang raong ikan pra di bhum taneran kraong CL daok duh hatai ka ikan pajaih oh siam. Meyah akaok thun dahlau, yaom ikan pra pajaih tok meng 27.000- 39.000 đồng/sa kg (janaih 30 drei sa kg), lac tal puac thun nyu tagok 45.000 tal 50.000 đồng/sa kg. Meng akaok thun tal ini, yaom ikan pra pajaih daok tagok biak glaong, meng 64.000 - 75.000 đồng/sa kg (janih 30 drei/sa kg) saong meng 70.000- 81.000 đồng/sa kg (janih 50 drei/sa kg).

 # Vụ khoai mỡ 2018, urang nong  Đồng Tháp Mười (Tiền Giang) pala njauk khang saong pablei hu yaom. Akaok  vụ, urang nong pablei hu yaom  meng  20.000 tal 21.000 đồng/sa kg, glong jang jiak 2 mbang dut song thun dahlau. Tui yaom ni, hadei di tuk kaoh abih phun jien, yaok ha urang nong liba hu jaik  100 triệu đồng yau nan ye biak bui sambai. 

Khaw tin dunya

# Kinh tế Nhật Bản dalam quý I/2018 meng blaoh nyu tagok âm mbang akaok mereip dalam 2 thun dalam tuk tiêu dùng cá nhân yếu kayua lingik jhak. Tui số liệu hu ramik pasiam tui tỷ lệ lạm phát di Văn phòng Nội các hu ba tabiak harei 16/5, Tổng sản phẩm quốc nội (GDP) di kinh tế praong ka 3 dunya  trun 0,6% duk saong dom bilan ini thun 2017. Dalam tuk nan, duk saong quý IV/2017, GDP di kinh tế Nhật Bản trun 0,2%. 

# Giám đốc điều hành danak dak padai brah dunya Đây-vit Bi-slây (David Beasley) harei 15/5 hu panuac ieu bruk dong di dunya ka uranaih Triều Tiên. Urang dang akaok danak dak padai brah dunya  ndom lac, Triều Tiên caong hu meng  6 tal 7 triệu tấn padai brah  min  dalam negar ini tok ngak hu 5 triệu tấn kayua bala meng lingik tasik, ia sua, pandiak bhang. Ong khan lac, bruk dong di dunya brei ka  Triều Tiên daok trun khang .

# Yaom menyek di darak pasal dunya daok tagok kayua huac nguồn cung gaok kan kandah kayua bruk srau kadau di Trung Đông. Yaom menyek tamo Mỹ WTI  bilan 6 di sàn Ny-mếch (Nymex) tagok 35 xen (cent), sumu 0,5%, tagok 71,31 đô la Mỹ sa thùng, tanut glaong abih kuhria meng 26/11/2014. Dalam harak pathau khan barau abih, jabat dom taneh ia pablei menyek tabiak taneh ia lingiu (OPEC) hu paglaong dự báo bruk pandar menyek di dunya thun 2018, tui nan, dunya pandar 98,85 triệu thùng sa harei, tagok 1 triệu 650 rabau thùng yaok harei duk saong thun bloh..