Khaw tin 6h30 harei 17/6

# Page harei 16/6, pak Hà Nội, Mentri Tư pháp peih ngak Nyaom biai brei thau ka Quyết định phê duyệt Danak dak bruk ngak negar di Việt Nam ka bruk đăng ký saong thống kê hộ tịch vaktu 2017-2024. Danak dak pataom tame peih ngak mục tiêu paglaong tỷ lệ đăng ký hộ tịch, pataom tame tỷ lệ đăng ký khai sinh, khai tử. Danak dak jeng ba tabiak bruk lac tal thun 2020, takik abih 75% dân số daok dalam Việt Nam hu đăng ký saong brei harak ba-ar khai sinh; tỷ lệ ini tal thun 2024 nan lac 85%. Tương tự tỉ lệ khai tử nan lac 80% dalam thun 2020 saong tal thun 2024 nan lac 90%.

# Mintri pato megru hu  padang 5 kapul pasang iek tapak di dom puk palei ka bruk kuhria caga peih mbang pakacah Trung học Phổ thông pakat negar thun 2017, dalam nan sangka tal  dom libik kan kandah. Tal tukvak ini, bruk sao in đề thi daok hu 63 tỉnh, ban pataom tame peih ngak piah khik caga ngak blaoh njauk tukvak. Thun ini dalam taneh ia hu abih tih 2.364 libik pakacah ngan saong 36.532 haduk pakacah hu kuhria caga piah duh jaik 870 rabau thí sinh. Jaik 90 rabau urang jakar, gru pato, nhân viên hu jak ba pataom tame duh dom bruk di mbang pakacah. 

# Meyah thun 2010 dalam negar Việt Nam tok hu 10 sang iek ruak  hu jabat công tác xã hội, tal urak ini hu labaih 80% sang iek ruak hu jabat ini, rik daong peih ngak siam bruk iek glang pren yava, daong ka urang ruak, gauk gar urang ruak. Tal thun 2020 hu 90% jabat y tế dalam negar peih ngak bruk ngak công tác xã hội dalam sang iek ruak. Piah mek hu mục tiêu ini, mentri Y tế hu ba bruk ngak công tác xã hội jeng sa dalam dom asal kadha chính dalam tiêu chí taong yaom salih bahrau phong cách, thái độ phục vụ di urang jakar gah y tế.

# Cục Viễn thông, mintri Thông tin saong Truyền thông brei thau, 23 tỉnh, ban dalam nan hu Hà Nội saong ban raya Hồ Chí Minh meda daok di tukvak salih  mã vùng điện thoại cố định tukvak ka klau meng harei 17/6.  Bruk salih mã vùng tukvak ka klau rah tabiak meng 0 tuk meng harei 17/6 tal abih harei 16/7. Tukvak khik âm báo lac meng 17/7 tal 31/8.

 # Urak ini virut ngak tabiak ruak xoắn hala angaok phun traong nde  daok ngak kanjah jhak trak tal ralo huyện, bal di tỉnh Lâm Đồng. Njauk duh hatai, 70% mblang bein ươm dalam tỉnh njaom mbak ruak ini ngak ka bruk njaom mbak dak harei dak prong. 

# Tui Thanh tra Sở ilimo, padhih saong Du lịch tỉnh Đồng Nai,  meng akaok thun tal ini tapa bruk dut iek di 145 libik pablei salih dịch vụ ilimo di tỉnh Đồng Nai hu duah mboh 106 libik ngak suan saong xử phạt hành chính ngan saong paok jien abih tih labaih 388 triệu đồng.

# Tui kuhria mboh dahlau di Sở Du lịch bal raya Hồ Chí Minh, dalam dua thun 2017-2018, tui kuhria dahlau tuai damuai mai rivang ma-in tui jalan aia tal bal raya mek hu 450 ribau mbang tuai yaok thun saong tagok 12% tal 15% dalam dom thun patui veik. Tui nan, jien mek tame meng bruk rivang ma-in jalan aia thun 2017 saong 2018 mek hu jaik 540 tỷ đồng yaok thun. Piah pacheih tuai damuai mai rivang ma-in, bal raya peih bruk đầu tư takik abih 7 danak dak rivang ma-in jalan aia meng ini tal thun 2020, khai thác angaok dom canah kraong Bei Gon, Nhà Bè, Soài Rạp, Lòng Tàu saong dom ribaong kraong dalam bal raya.

Khaw tin dunya

# Dom po sraiy praong di Hy Lạp hu Eurozone saong Quỹ Tiền tệ dunya hu njauk hatai brei ka Hy Lạp mesraiy 8 tỉ 500 triệu ơ-rô, daong taneh ia ini tabiak truh jalan patuh sraiy. Quyet dinh hu ba tabiak di mbang nyaom saong dom akaok mintri jien padai libik kadung jien chung Châu Âu hoang pataom mbaok di giám đốc điều hành Qũy tiền tệ dunya La-gác-đơ (Christine Lagarde), hadei tuk Hy Lạp ngak blaoh dom  salih bahrau tui panuac pandar di dom po sraiy piah pabak bruk pandar di danakdak daong.

#  Ca-na-đa bahrau peih ngak danak dak brei adat ngak bruk saong visa daok tạm thời dalam vaktu 2 adit. Bruk brei adat ngak bruk peih ka hadiuk, pasang nao gam atau xác nhận ka anek bhik nao tui hu tui bac di Ca-na-đa jeng hu xử lý dalam dua adit. Langiu di nan, dom urang ngak hu ilamu caong khin mai Ca-na-đa piah hu mbaok tame bruk roh duah dalam tukvak katut panak oh njauk likau harak brei adat ngak bruk.

# Tui dom urang jakar pakat glaong Nhà Trắng, tổng thống Đô nan Trăm (Donald Trump) harei 16/6 khan brei thau bruk kak catang dom quy dinh ka urang bhapbini nao Cuba saong brei takik công ty Mỹ ngak mbang saong dom doanh nghiệp Cuba ala bruk khik di bol bala taneh ia ini.