Khaw tin 6h30 harei 17/7

# Pahadar 70 thun Harei Thương binh, liệt sĩ, meng harei 25-27/7 di pasak parang iek ilamo nghệ thuật Việt Nam meda peih mbang parang iek “70 thun bayar dhal phol”. Mbang parang iek kayua pasak parang iek Ilamo nghệ thuật Việt Nam dang tabiak ngak, pambuak haong Cục Ilamo cơ sở, dom jabat pambuak pagam tal dalam Mentri Ilamo – padhih saong rivang ma-in, Cục Urang hu công (Mentri Lao động, Thương binh saong Xã hội) saong dom jabat pambuak pagam tal peih ngak.

# Tỉnh Đắk Lắk kham merat tal thun 2020, kim ngạch pablei cà phê tabiak taneh ia lingiu hu 600-650 triệu USD/sa thun; meng hadei thun 2020 kham merat  hu meng 700-800 triệu USD/sa thun. Bruk njauk caik hatai tra dalam đề án lac tỉnh Đắk Lắk kham merat tal thun 2020 ngak blaoh bruk tut angan bảo hộ thương hiệu “Buôn Ma Thuột Coffee” di 17 taneh ia daok likau tut angan. 
     
 # Ủy ban bhap bani tỉnh Quảng Nam bahrau tabiak bruk brei tạm ứng jien phun ka dom puk palei daong panduan ba chip 42 baoh sang bhap bani tabiak truh labik mbuan glut jaleih. Tui nan, meda daong 20 triệu đồng sa baoh sang ka 42 baoh sang di 5 huyện, ban sit dalam tỉnh panduan ba tabiak truh labik mbuan glut jaleih, dalam nan hu dom huyện Đại Lộc, Thăng Bình, Núi Thành, Phú Ninh saong ban sit Điện Bàn. Dalam nan, huyện Đại Lộc hu baoh sang njauk panduan nao ralo di abih  ngan haong 31 baoh sang.

# urang bhapbini gaok bruk alam môi trường tasik hu daong 6 triệu đồng bac bruk ngak. Ini lac asal kadha dalam công văn 2687/LĐTBXH-VL bo mintri Lao động, Thương binh saong Xã hội barau payua 4 tình: Hà Tĩnh, Quảng Bình, Quảng Trị, Thừa Thiên Huế ka bruk tacei jalan peih ngak sarak daong pato bruk, ba brei bruk ngak saong daong urang ngak nao ngak bruk di taneh ia lingiu tui hợp đồng. Tui nan, urang bhapbini meyah bac bruk sơ cấp, takik jang 3 bilan hu daong jien bac rilo abih 6 triệu đồng yaok urang, jien mbang 30.000 đồng yaok harei, jien nao mai 300.000 đồng yaok khóa bac.

# “pambuak pagam cộng đồng –  klah rabha hatai ranam” nan lac angan di danak Team Building thun 2017 kayua Kapul Novaland peih ngak bahrau rah tabiak di bal Cần Thơ ngan haong ralo bruk ngak pamong tal bruk cakrok patagok khang kajap di xã hội. Tui nan, danak dak meda peih bruk pala phun saong puh ramik alam môi trường di dom labik dalam bal Cần Thơ piah pathau khan tal bhap bani hatai thau khik iek labik daok hijao – hacih – mekre. Tapa nan, danak dak jeng hu mai mong iek saong pok brei jaik 50 triệu đồng gam haong ralo pandap alin ka pasak Công tác xã hội bal Cần Thơ, labik daok bảo trợ raong glang labaih 90 uranaih jaoh jo bẩm sinh, bại não, suai prong.

# Di ấp Hòa Hưng, xã Hòa An, ban sit Cao Lãnh, tỉnh Đồng Tháp, Tập đoàn Novaland jeng hu daong 700 triệu đồng piah  padang sang ilimo. Tapa nan, daong bhapbini bhum atah bayah paglaong raidiuk ilimo, akaok sahaneng, patagok kinh te - xã hội.

# Dahlau di tuk mentri pato megru ok ka brei thau tanut điểm sàn xét tuyển dom khối sang bac, ralo sang bac Đại học, Cao đẳng gah meraong peih bruk tuyển sinh yaok ribau sinh viên ngan haong jalan ngak nan lac “palih ruah tapak”. Biak di nyu tuyển sinh urak ini lac dom sinh viên hu palih ruah tapak dak harei dak ralo. Hu ralo sang bac tagok tal yaok ribau sinh viên ngan haong dom điều kiện biak mbuan, yau tok khin hu học bạ, điểm bac dom thun pakat 3…Yau urak ini, tuk oh ka  mong iek tal dom yếu tố yau điểm thi, jaik abih dom sinh viên hu palih ruah tapak nan lac gah sang bac eng drei quyết định.

 Khaw tin dunya
        # Ben Conway, sa sinh viên nghệ thuật 19 thum mai meng London, Anh hu nao takai tagok ceik glaong abih taneh ia Anh meng dua gah takhaok glaong 5 inch (12.7 cm), ye sa bruk ngak nổi bật harak likau jien bac tame sang bac Truyền thông Nghệ thuật di Brixton di drei. Callum MacKenzie Allen hu quay abih video ka dua minit ngak Dự án ứng dụng di urang likei ini. Dalm mbang ndik ceik lihik 5 tuk dalam tuk lingik oh  lagaih, hajan biak rilo, angin khang tagok tal 40 - 50 dặm/1 tuk. Ben saong ayut di drei hu mai gilac hadei tuk tagok tal 900 m angaok ceik. 
 
# Umo  61, ong Francis Joyon mek hu gilac kỷ lục ka tukvak sa drei nao gilai tapa Đại Tây Dương dalam 5 harei, 2 tuk saong 7 minit, ngak tayah thành tích di  ong padang tagok atah di ini labaih 4 thun. Ngan haong suh gilai ralo tal IDEC atah 30 mét, ong Joyon tabiak meng New York, Mỹ tuk 23h30' harei 6/7 tui tukvak GMT (nan lac 6h30 harei 7/7 tui tukvak Việt Nam) saong mai tal mũi Lizard ở Cornwall, gah meraong negar Anh tuk 1h37' harei 12/7 tui tukvak GMT (nan lac 8h37 tui tukvk Việt Nam).

# Ung thư tuyến tụy, sa dalam dom ruak ung thư tamuh drak samal abih saong hu menuac metai glaong abih, meda hu chẩn đoán sớm meng dut iek darah. Ini lac bruk roh duah barau ba tabiak angaok tạp chí khoa học Translational Medicine (Mỹ). Tui nan, kapul roh duah hu pandar công nghệ tế bào gốc piah ngak tabiak sa chuỗi tế bào meng sa urang ruak gaok ung thư tuyến tụy tukvak puac piah brei mboh veik bruk tamuh ruak di urang ruak. Tapa nan, dom urang roh duah hu duah tabiak dua "yếu tố sinh học" hu huyết thanh thrombospondin-2 (THBS2) saong CA19-9 dalam darah di dom urang ruak, meda daong duah mboh ung thư tuyến tụy dalam yaok tukvak tamuh tagok di ruak.