Khaw tin 6h30 harei 17/8

# Mentri Jien padai caong kak je tiêu thụ đặc biệt ngan haong aia yamen hu ga di tanut 10-20%. Dalam tuk nan, ngan haong pakao hala, langiu di yaom kak je tui tỷ lệ, caong kak pabak jaik 1.000 đồng sa pok pakao hala. Lambaok Mentri Jien padai brei thau, piah điều tiết bruk blei pandar ngan haong pandap menyum hu saradang saong tui adat dunya, jabat ini caong pabak aia yamen tame gah njauk kak je tiêu thụ đặc biệt. 

# Giám đốc Sở Lao động, Thương binh saong Xã hội tỉnh Thái Nguyên Bùi Tuấn Thịnh brei thau: piah ngak hu bruk yaok thun trun takik abih 2% dom sang kathaot dalam tỉnh, dalam nan dom sang kathaot dalam xã kan kandah trun meng 3,5% yaok thun tagok, tỉnh Thái Nguyên daok peih ngak sumu gauk dom bruk trun kathaot khang kajap; pataom tame peih ngak siam danakdak 135, pambak praong bruk trun kathaot di dom xã kan kandah; daong dom huyện daok peih ngak dom bruk raong gang, pala drak lagaih saong bruk di sang kathaot, jak ba, ieu pataom bruk rik daong dalam bhapbini. 

# Piah kuhria caga siam gah cơ sở vật chất duh ka thun bac bahrau 2017 - 2018, tỉnh Ninh Bình daok peih ngak danak dak pakajap sang bac, tal bac ka bhum urang bangsa takik, bhum atah bayah, tukvak 2017 - 2020 ngan haong 4 sang bac Tiểu học saong yaom jien buh tame ngak abih tih labaih 16 tỷ đồng. 

# Công ty Trách nhiệm hữu hạn sa thành viên tapuk saong thiết bị sang bac  tỉnh Đắk Nông barau pambuak bruk saong Phòng pato megru dom huyện thị xã, Ban Giám hiệu dom sang bac dalam tỉnh ngak blaoh bruk brei tapuk giáo khoa saong katap ka anek saih thun bac 2017 – 2018. Tui nan, dalam tỉnh Đắk Nông hu labaih  30.200 anek saih hu brei tapuk, katap tui định mức yaok adei sa bộ tapuk saong katap meng 14 – 24 cuốn (tui yaok pakat bac). Dom anek saih hu brei dalam thun ini lac anek saih bangsa takik kathaot, jaik si kathaot dalam tỉnh. Abih tih jien brei ka danakdak brei tapuk jaik 14,4 tỷ đồng, kaoh meng kadung jien tỉnh .

# Thun bac 2017 – 2018, tỉnh Đồng Nai buh tabiak jaik 530 tỷ đồng padang ngak bahrau 64  sang bac hu abih tih labaih 600 duk bac saong dom hạng mục chức năng karei. Dom puk palei buh jien tame ka thun bac bahrau ralo nan lac huyện Xuân Lộc hu 14 công trình jaik 180 duk bac.

# Urak ini, 12 dalam abih tih 18 kapal kanduh thép khut ndih di ar meng rilo bilan tapa hu ba tagok piah ramik pasiam. Dom kapal ini hu ramik pasiam di Xí nghiệp đóng tàu Tam Quan, huyện Hoài Nhơn, tỉnh Bình Định. Urak ini, Công ty Trách nhiệm hữu hạn sa thành viên Nam Triệu (Bộ Công an) hu pagam tame blaoh 6 máy chính, hộp số barau ka kapal ikan kanduh thép di urang ngak ikan huyện Hoài Nhơn tui njauk sanya. Doanh nghiệp ini jeng hu sơn blaoh 4 kapal kanduh thép di urang ngak ikan. Tui bruk ba tabiak, dahlau harei 30/8 tal ini, Công ty Nam Triệu hu ngak blaoh bruk ramik pasiam 7 kapal kanduh thép.

# Piac pacang, caga ruak pandiak tabiak darah, gah Y tế Kiên Giang hu jhul pakhang bruk pathau khan tal bhap bani, peih bruk pametai lăng quăng, pruh jru pametai jamaok. Tui kuhria mboh di Pasak Y tế dự phòng tỉnh Kiên Giang, tal puac bilan 7/2017, dalam tỉnh hu 761 mbang urang njauk ruak pandiak tabiak darag, tagok 33,7% mbang dut haong tukvak ini thun 2016 (569 urang) ngan haong 78 sruh jit ruak pandiak tabiak darah sit; dalam nan, hu 44 urang ruak pandiak tabiak darah Dengue trak, oh ka mboh urang ruak halei metai.

Khaw tin dunya

# Dalam tuk pahadar 50 thun padang Hiệp hội dom taneh ia Đông Nam Á (1967 -2017) saong 72 thun padang rayo sap ndom Việt Nam (VOV) (1945-2017), rayo sap ndom Viet Nam VOV hu peih mbang pakacah“ sap daoh  ASEAN+3” dalam dua harei 19-20/8  ini. Mban peih ngak brei thau: hu abih tih 19 urang umo meng 18-35 mai meng dom taneh ia di  ASEAN hu mbaok tame vòng bán kết saong chung kết rah tabiak di tỉnh Thanh Hóa. Đoàn Lào hu dua urang daoh ranaih umo hu mbaok tame mbang pakacah ini.

  # Raja-ei Hàn Quốc harei kabroi 15/8, brei pataom mek veik saong brei am cuh klaak taong abih dom janih pandap hu ngak meng baoh di dom labik hu baoh njaom hóa chất dalam jru  halak, dalam tuk bruk huac ka an toàn pandap mbang menyum daok tagok glaong. Bruk nan hu ba tabiak hadei di tuk dom baoh di trang trại hu 80 ribau drei menuk di Nam-giang-chu (Namyangju), gah pai Xơ-un mboh lac njaom hóa chất hu dalam jru halak. Yau nan min dom urang jakar y tế Hàn Quốc jeng hu panuac trấn an bhap bani lac baoh njaom nerak jeng oh ka pambak tabiak abih dalam negar.

 # Jabat iek gah jalan hầm negar (NAT) di mintri Giao thông Vận tải Ai Cập saong sa liên doanh di Tập đoàn jalan radaih apui AVIC dunya saong Tập đoàn jalan radaih apui Trung Quốc hu mbaoh tangin tame thỏa thuận yaom 1,24 tỷ USD padang ngak  jalan radaih apui hạng nyun di dom quận barau tabhia ban ine Cairo. Jalan radaih apui hạng nyun ini meda nduc di jalan atah 66 km ngan saong  11 abik katok, pagam ban ione hành chính barau daok hu padang ngak saong dom quận bhum atah bayah di bhum Đại Cairo.