Khaw tin 6h30 harei 18/12/2017

# Bưu điện tỉnh Ninh Thuận baharu peih labik ngak dịch vụ taduan mek hồ sơ saong bayar kết quả langyah harak ba-ar hành chính tapa jalan bưu chính công ích pak huyện Thuận Nam. Bưu điện tỉnh hu mbaoh tangin pambuak bruk ngak iek haong 19 jabat, đơn vị dalam tỉnh peih bruk taduan mek, ba brei chứng minh nhân dân, hồ sơ bảo hiểm, harak brei adat peih radaih, bayar jien lương hưu, bảo trợ xã hội,… pak 26 bưu cục saong bưu điện ilamo xã, ngan haong labaih 44 ribau bưu gửi, daong ka bhap bani patak pataom hu jien padai, tukvak nao mai saong taduan mek kết quả. 

# Kapul urang nong ban raya Hồ Chí Minh barau peih nyaom biai pataom iek vek veik danakdak "Tết ngak bruk kheih kayua urang nong kathaot", tukvak 2008-2017. Tapa 10 thun peih ngak, danakdak hu jak ba dom libik, dom urang hảo tâm daong jaik 80 tỷ đồng, daong ka labaih 45 rabau mbang hội viên urang nong kathaot, jaik si kathaot hu jalan tani tanat ngak mbang, rik daong patruh kathaot ka jaik 17 rabau sang tui chuẩn sang kathaot di ban raya. 

# Tỉnh Điện Biên bahrau brei pabak phun jien thun 2017 daong bruk bac  da-a  ngan haong uranaih, anek saih dom bangsa takik labaih 3,1 tỷ đồng. Dom jabat brei pathau khan ka Sở Jien padai, Sở Pato megru tỉnh thau dahlau di harei 31-1-2018 piah khan tagok UB bhap bani tỉnh pok tagok Mentri jien padai buh pabak yaom jien daok kurang. 

# Huyện bhum ceik Quan Hóa, tỉnh Thanh Hóa hu rilo bangsa ye Thái, Mường, Kinh, Mông, Hoa daok di 18 xã, ban sit. Meng sami samal, hadah krah dalam bruk par akaok,ba jalan tui dom siam lagaih di puk palei, ieu pataom pren khang  dalam bhapnini, Xuân Phú lac xã akaok mereip dalam huyện ngak hu chuẩn palei pala barau.

# UB bhap bani huyện Đa Krông, tỉnh Quảng Trị pambuak haong danak dak Patagok bhum Đa Krông saong Tập đoàn Kinh tế Group Hope Sharing Foundation (Hàn Quốc) bahrau peih bruk jao brei 104 komputer, sa máy chiếu saong 4 máy tính pan tangin, yaom abih tih jaik 1,1 tỷ đồng alin brei ka 3 sang bac dalam huyện. Bruk daong brei ini meda daong ka dom puk palei  langyah kan kandah ka trang, thiết bị duh ka bruk pato saong bac; palaghaih ka gru pato, anek saih taom gaok haong pandap pato saong bac bahrau, daong jhul bruk pato megru di bhum atah bayah, bhum urang bangsa takik dak harei dak cakrok patagok.

# Meng thun 1965, phun hồng oh asar Bảo Lâm hu bhapnini dom bangsa takik di dom xã jaik taphia negar ba mai pala di huyện Cao Lộc, tỉnh Lạng Sơn. Mboh yaom kinh te glaong, tal urak ini rilo xã dalam huyện hu peih praong taneh pala, jeng libik pala praong,  labaih 400 ha, năng suất hu meng 30 tal 35 tạ/ha. Phun hồng oh asar ini hu daong ka mikva bangsa takik dalam huyện patruh eik patrun kathaot, yam tagok ngak meda.

Khaw tin dunya

# Thủ tướng Thái-lan Pray-út Chan Ô-cha hu panuac lac, chính quyền quân sự negar meda yah klak njauk tukvak adat pakuac bruk ngak chính trị piah ka dom  chính đảng hu ginup tukvak kuhria caga ka mbang tổng tuyển cử di puac thun  2018. Yau nan min, raja-ei Thái-lan meda khik caga bruk samu gauk di dom chính đảng bahrau saong klaak tui adat hukum di đảng chính trị. Thủ tướng Pray-út Chan Ô-cha brei thau, bruk brei adat ka dom đảng kết nạpmenuac bahrai saong rik pataom padang kadung jien meda lac takai yam akaok mereip.

# Nga hu pok panuac tagok Hội đồng Bảo an Liên hợp quốc (HĐBA) brei adat pabak  vũ khí hạng njun saong đạn dược ka dom kapul par phao ndao di CH Trung Phi piah daong rajaei taneh ia ini paglaong pren pacang gah nổi dậy. Nga kuhria brei súng trường tự động, súng lục saong đạn dược ka dua tiểu đoàn di CH Trung Phi ngan saong jaik 1.300 binh sĩ. Ini lac dom kapul hu Liên hiệp châu Âu (EU) pato pasram.

# Tổng thống Hàn Quốc Mun Chê In bahrau nao tal Bắc Kinh. Ini lac mbang nao rivang pakat karja akaok merei[ di Tổng thống Mun Chê In tal Trung Quốc kuhria meng tuk ong tagok pal akaok raja-ei dibilan 5 meng blaoh. Mbang rivang Trung Quốc di ong Mun Chê In rah tabiak hadei di tuk dua negar njauk hatai haong gauk ka bruk pasiam veik talei rohim daok catang tagok kayua bruk padang hệ thống phòng thủ tên lửa THAAD di Mỹ pak Hàn Quốc.