# Thun 2018, tỉnh Tuyên Quang brei buh tabiak labaih 116 tỷ đồng piah daong ka bhap bani bhum biak kan kandah, bhum urang bangsa takik pdang ngak cơ sở hạ tầng, patagok bruk pala drak, paralo jalan ngak mbang. Tui nan, tỉnh Tuyên Quang meda buh tabiak labaih 86 tỷ đồng piah daong padang ngak jalan mbak nao mai, jalan ribaong ba aia, sang ilamo…; labaih 20 tỷ đồng daong ka mikva cakrok patagok bruk pala drak saong paralo jalan ngak mbang, pambak prong dom mô hình patrun kathaot…

# Tui bác sĩ Trương Hữu Khanh (trưởng khoa nhiễm - thần kinh sang iek ruak Nhi Đồng 1, ban raya HCM), văcxin ComBE Five nyu siam mekre yau Quinvaxem yau nan ye dom urang amaik sahanang hatai ba anek nao klauk caga. Bruk bo dom urang khik ramik, urang chuyên môn duh hatai di abih lac urang bhapbini huac kanda kayua habal salih văcxin Quinvaxem tapa văc xin ComBE Five? Meng di nan, urang bhapbini duh hatai ka janih văcxin barau salih ini.

# Ong Nguyễn Xuân Bách, sa urang nong di palei Phương Phi, xã Cát Tiến, huyện Phù Cát, tỉnh Bình Định bahrau ngak hu ia khak vi sinh. Ong Bách blei dom pandap hu dalam palei yau: phụ phẩm ngak nong, baoh baw darang, bánh dầu, phụ phẩm kaya ikan dalam aia, men vi sinh… piah ngak jeng ia khak vi sinh. Tukvak ngak dalam 45 harei. Kuhria rah tapa yaok bilan, ong Bách ngak hu 200 lít ia khak vi sinh yaom 35.000 đồng/lít. Hadei di kaoh abih jien buh tame, ong duah hu meng 24-30 triệu đồng/thun. Ong Nguyễn Xuân Bách Bách khan lac: Meng dom janih palai kaik phun pala yau baoh baw darang atau phụ phẩm yau bánh dầu, nguồn đạm biak glaong min nyu daok khang kan hấp thụ. Dahlak pandar men vi sinh ngak jeng ia hu lagaih jang, phun pala mbuan hấp thu khak biak siam ka phun pala, labik raong glang haci hacih, grap tanat. 

# Công ty TNHH Đầu tư thủy sản Nam Miền Trung pambuak bruk saong UB bhapbini tỉnh Ninh Thuận barau peih bruk padang ngak sang mac ia mesin Cà Ná. Ini lac dự án praong abih di tỉnh Ninh Thuận, ngak hu 3,8 triệu lít/sa thu, jien buh tame ngak labaih 10 triệu USD. Dự án sang mac ia mesin Cà Ná hu padang di taneh praong labaih 37.700 m2, hu: labik văn phòng; labik ngak ia mesin; dom labik duh ka bruk ngak ia mesin, pacang caga, alam moi trường saong labik mbang huak daok dang; jalan mbak saong dom kadha karei

# Phaok akaok UBND tỉnh Trà Vinh Trần Anh Dũng bahrau mboh tangin tame harak taduan brei đầu tư ka 2 doanh nghiệp liên doanh nan lac Công ty cổ phần Đầu tư patagok dak padang pablei salih xuất nhập khẩu Minh Anh saong Công ty cổ phần Dak padang pablei salih Đồng Thịnh Phát peih ngak dự án khu sang daok xã hội pak khu công nghiệp Long Đức, di xã Long Đức, bal sit Trà Vinh. Dự án khu sang daok xã hội pak khu công nghiệp Long Đức, hu padang ngak 8 khối sang chung cư glaong 5 tal, hu 1.440 sang; dalam nan, khu sang daok thương mại hu 110 sang hu padang ngak 1 trệt 1 lầu saong 1 trệt 2 lầu. 

Khaw tin dunya

 # Mỹ khan veik, sanya peih ngak dom bruk trừng phạt siam saong ginup tame Cộng hòa dân chủ bhapbini Triều Tiên, ieu dom taneh ia patagok bruk kateik greik Triều Tiên. Dalam pathau khan ka bruk trừng phạt di Mỹ harei ini brei mboh, Mỹ daok pachreih daong dom taneh ia peih bruk trừng phạt tui Sarakt di Hội đồng bảo an Liên hợp quốc.

# Mbang nao rivang di đoàn nghệ thuật Trung Quốc tal Triều Tiên meda rik daong biak ralo tame bruk pasiam veik talei rohim di dua negar. Harei 17/4, Hãng Thông tấn trung ương Triều Tiên (KCNA) ba panuac ong Kim Jong-un ndom lac bruk hu mbaok di đoàn nghệ thuật Trung Quốc pak Triều Tiên nyu jhul patagok saong kak kajap jang talei rohim meng kan mai di dua negar. 

# Bruk alin giải báo chí Pulitzer mbang yaka 102, sa dalam dom bruk ilimo daok hu cang abih dalam thun di taneh ia Mỹ, daok brei thau hatai di urang menek tabiak giải, lac urang vak báo Joseph Pulitzer, ka dom kham merat ngak bruk piah hu dom kadha hu pren pambak saong pambuak pagam haong raidiuk. Giải "duh ka bhapbini", giải thưởng hu angan je di abih dalam dom giải thưởng di Pulitzer, hu alin ka dom blah The Times saong  The New Yorker ngan saong dom kadha vak brei thau ka bruk quấy rối tình dục saong bruk đối xử oh siam ngan saong dom urang kumei di dom "ông trùm" quyền lực di Hollywood, dalam giới chính trị, truyền thông saong công nghệ.