# Adit  Du lịch Ninh Bình 2018 hu angan “Sambo katam  Tam Cốc - Tràng An” hu  tỉnh Ninh Bình peih ngak meng ni tal  harei  20/6 di  Khu du lịch Tam Cốc - Bích Động, xã Ninh Hải, huyện Hoa Lư. Ni lac sa dalam dom bruk ngak prong dok dalam bruk pahadar 1050 thun karja  Đại Cồ Việt, dong yaih khan dom labik siam, hu yaom ilamu dakrai di bhum taneh Cố đô, jang yau ba dom janih pandap du lịch siam gheih di tỉnh tal tuai damuai dok dalam song langiu negar

  # Di xã Tân Trạch, Ủy ban Mặt trận negar Việt Nam tỉnh Quảng Bình pambuak bruk saong huyện Bố Trạch peih bruk padang ngak 37 baoh sang ka bhapbini bangsa takik kan kathaot, gaok khat lihik kayua  ribuk ka 10 di thun 2017. Tui bruk ba tabiak, 37 baoh sang hu padang ngak dalam 3 bilan; hu jao brei ka dom sang tame daok di puac bilan 9/2018.

       # Tỉnh Thừa Thiên - Huế bahrua padang ngak song ba tabiak "Jalan tagok angan je dom janih pandap tỉnh Thừa Thiên - Huế tal thun  2020". Tỉnh hu peih bruk yaih khan pandap panda Huế angaok dom jalan khau tin song website pandap meng kan Huế, tabiak mbaok song peih tabiak di sàn giao dịch pablei salih  điện tử tỉnh Thừa Thiên - Huế. Urak ni, tui palih ruah di tuai damuai hu 9 janih pandap ngak pandap alin siam abih bo tuai blei tuk mai rivang Huế. Dom janih pandap yau kẹo mè xửng Thiên Hương song hạt sen hu gah Kỷ lục Việt Nam pok  angan dok dalam  Top 50 pandap alin Việt Nam.

       #  Akaok bilan 6/2018, Hoa hậu Hoàn vũ Việt Nam 2017- H’Hen Niê saong kapul ngak bruk từ thiện hu nao ravang, alin pandap saong taom gaok daoh tamia saong bhapbini haong anek saih urang bangsa takik kan kathaot di xã Lộc Thành, huyện Bảo Lâm (Lâm Đồng). Di ini, Hoa hậu H’Hen Niê hu alin 150 paok pandap (500 rabau đồng/sa paok). Tapa nan, Hoa hậu H’Hen Niê jeng peih bruk đấu giá (to yaom) blah rup cih “Phố cổ” (kayua H’Hen Niê haong 2 Á hậu Hoàng Thùy saong Mâu Thủy mbaoh tangin) hu 100 triệu đồng. Paok jien ini hu urang siam binai daong karja puk palei piah ramik pasiam baha Niết Bàn daok dalam xã Lộc Thành, huyện Bảo Lâm…

      # Sở ilamu - thể thao song du lịch song Ub bhap bini ban Biên Hòa, tỉnh Đồng Nai pambuak bruk peih dom jalan ngak piah pasiam chip 3 inem krung lac: inem krung pakat tỉnh baha Bửu Hưng (baha Cô Hồn) song 2 inem krung pakat negar lac đình Tân Lân song bimon kalan Nguyễn Tri Phương.Dalam nan, inem krung baha Bửu Hưng hu ngak meng jien xã hội hóa piah pasiam veik chính điện dok khut trak. Dok bruk pasiam veik tabung chính điện song dom gian nhà phụ di bimon Tân Lân song  nhà khách di bimon kalan Nguyễn Tri Phương hu ngak meng rilo phun jien karei karei.

          Khaw tin dunya

         # Truyền thông Nhật Bản brei thau, rajaei Nhật Bản caong khin bruk taom gaok pakat glaong di Thủ tướng taneh ia ini Sin-giô A-bê saong urang dang akaok Triều Tiên Kim Châng Un, meda hu peih tabiak di ban cảng Vla-đi-vốt-xtốc di Nga. Hãng tin Ki-ô-đô jeng bba panuac meng rajaei Nhật Bản ndom lac, mbang taom gaok Nhật - Triều meda rah tabiak dalam bilan 9 tal lingiu Diễn đàn Kinh tế phương Đông (EEF) hu peih tabiak di Vla-đi-vốt-xtốc.

       # Rajaei Nga brei tapa dự luật tagok umo padeih hưu ka bhap bini negar ni. Tui nan, umo padeih  hưu tagok tal 65 thun ngan song urang likei song  umo 63 thun ka urang kamei, salih ka umo padeih hưu dahlau deih lac 60 thun ka urang likei song 55 thun ka urang kamei. Thủ tướng Nga Đmi-tơ-ri Mét-vê-đép brei thau, urang Nga urak ni hu umo thun prong jang, duik suai lavik jang. Tapen di nan, rilo negar di dunya hu mong iek veik umo padeih  hưu di urang ngak.

         # Mỹ meda peih brei paok jien labaih 6 triệu đô la piah daong Xy-ri.Tui panuac khan, paok jien ini hu ba ka Quỹ caga Dân sự Xy-ri  daok hu thau lac Lực lượng Mũ Nồi trắng saong Cơ chế Độc lập, Công tâm, Quốc tế di Liên hợp quốc piah daong urang bhapbini Xy-ri daok gar kayua mesruh metak. Tui kuhria, mesruh metak ngak ka labaih 500 rabau urang metai./.