Khaw tin 6h30 harei 18/8

#  Beir harei 16/8, di jabat rajaei, Uỷ viên mintri Chính trị, Phó Thủ tướng Vương Đình Huệ dang akaok nyaom biai piah brei brei panuac ka bruk peih ngak iek đấu thầu tập trung jru pandar dalam  Bảo hiểm Y tế oh dok dalam  angan 5 hoạt chất đấu thầu di negar kayua  mintri Y tế peih ngak. Di nyaon biai, Phó Thủ tướng hu panuac kakei dom  jabat Bảo hiểm xã hội, mintri jien padai song mintri Y tế pambuak bruk khang kajap, njauk tuk dalam bruk peih đấu thầu jru  dalamangan bayar di Bảo hiểm Y tế piah dui patrun yaom kaom meng  từ 10- 15% dut song urak ni, abih di nyu nan lac dom janih jru biệt dược abih  bản quyền công nghệ.

# Tal bair harei 16-8, tỉnh Quảng Ngãi hu jaik 700 urang ruak pandiak tabiak darah, tagok jaik 10% duk saong dom bilan ini thun dahlau. Pasak Y tế Dự phòng tỉnh Quảng Ngãi daok brei labaih 500 lít jru pruh pametai jamaok ka dom puk palei, ba dom kapul pasang iek mật độ jamaok,  lăng quăng, bọ gậy. Ông Hồ Minh Nên, Giám đốc pasak Y tế dự phòng tỉnh Quảng Ngãi  brei thau:  Sở jeng hu tacei pato gah iek ruak caga ginup jru, darah, hóa chât biak rilo jeng ye pagalng bruk iek ruak, thu dung saong cap cuu iek ruak drak samal, kham merat trun rilo, oh caik ka urang halei metai kayua pandiak tabiak darah.

 # Akaok mintri pato megru Phùng Xuân Nhạ bahrau ngak bruk song dom  hiệu trưởng dom labik pato megru sư phạm dalam negar. Rilo jalan ngak hu dom cơ sở ba tabiak piah tagok bruk pato megru  dalam tuk vak anak tal. Dalam nan, Mintri pato megru ndom lac, thun 2018 hu điểm sàn karei di gauk ngan song gah pato pakai tuk palih ruah

# Ông Nguyễn Lương Trai, akaok Chi cục raong glang saong Thú y tỉnh Bà Rịa-Vũng Tàu brei thau: urak ini dalam tỉnh hu jaik 10 trang trại raong pabui daok pataom tame kích hoạt, pabak dom asal kadha saong tuan vòng brei mboh, brei thau asal di nyu. Dom trang trại ini urak ini daok pablei jaik 5% abih tih ralo pabui ka darak pasal ban raya Hồ Chí Minh. 

 # Tỉnh Phú Yên hu bhum rong hadang hùm prong abih dalam negar ngan song 33.000 darung rong hadang hùm, mek hu meng 650-680 tấn hadang hùm siam yaok thun. Tỉnh n ihu pamong tal thun 2020, sản lượng hadang hùm tagok 950 tấn, yaom labaih 1000 tỷ đồng, dong bruk ngak ka labaih 6000 urang ngak. 

# 15 tuk bair harei 17/8, đội tuyển caoh blong urang kumei Việt Nam tame pakacah meblah huy chương ameh SEA Games 29 meng mbang tabiak caoh saong kapul Philippines. Ndom ka gah kapul Phiippines, Huấn luận viên Mai Đức Chung brei thau, langiu tuyển kumei Thái Lan saong Myanmar meda lac đối thủ xứng tầm ye 2 kapul daok veik lac Malaysia, Philippines tok hu maong lac  gah  ala. Kayua yau nan ye, bruk jayah khang anak Philippines hu maong lac  bruk di kapul urang kumei Việt Nam

# Beir harei 16/8, di Bình Dương, Công ty Tata Coffee Việt Nam di Tập đoàn Tata Coffee Limited di Ấn Độ hu peih bruk padang ngak sang  máy ngak cà phê hòa tan sấy liar bahrau  hu  công suất  5.000 tấn/thun. Sang  máy hu padang ngak di Khu công nghiệp Vsip II (huyện Bắc Tân Uyên, tỉnh Bình Dương) hu taneh prong labaih 8ha, tong abih tih phun jien buh tabiak jiak 60 triệu đô la Mỹ. Sang máy hu ba tame ngak meda pabak ka tuai Việt Nam song dunya cà phê hòa tan hu hương vị bahrau.

Khaw tin dunya

# Tổng thống Mỹ Đô-nan Trăm (Donald Trump) harei 16/08 brei klak  dua dalam dom hội đồng tư vấn kinh tế di drei. Bruk nan hu ba tabiak dalam tuk dom urang di hội đồng hu likau padeih piah phản đối panuac lac di Tống thống ka chủ nghĩa bangsa di urang kalik patih.

#  Dom urang ngak gah padam pui di Hy Lạp harei 16/8 pacang pandam hu  "apui khuah"  rah tabiak jiak 4 harei jiak ban ine A-ten (Athens) di negar ni, hadei di tuk apui pambak praong song khuah abih yaok ribau  hécta glia medar, song yaok pluh boh sang./. 

# Dom urang alamu, urang roh duah di Đại học California, Berkeley,  Mỹ brei thau, nguyên tố lưu huỳnh hu pandar biak rilo dalam jru halak di California, meda ngak jhak ka hệ hô hấp di dom ranaih sit daok jaik dom nông trại. Roh duah ini brei mboh, uranaih daok vil val libik hu pandar jru hu lưu huỳnh, tah 800m, gaok dom ruak hen suyễn saong njauk pandar jru iek ruak hen suyễn rilo jang duk saong dom libik karei.