Khaw tin 6h30 harei 19/1

   # Page harei 18/1, pak Hà Nội hu rah tabiak Mbang nyaom urang kamei nghị sỹ dalam Nyaom biai nghị viện Châu Á- Thái Bình Dương mbang ka 26. Brei panuac di nyaom biai, Akaok Quốc hội, Akaok Hội nghị APPF-26  lac:  bình đẳng giới nan lac sa bruk ngak prong bo Việt Nam jeng yau dom negar angaok dunya jeng pamong tal saong hu mong yau sa dalam dom tiêu chí taong yaom bruk carok patagok di sa xã hội.

# Phó Thủ tướng Vương Đình Huệ barau phê duyệt Đề án padang ngak palei pala barau dalam 27 xã bhum tapeng negar tỉnh Nghệ An, piah patagok kinh tế - xã hội saong khik caga an ninh - quốc phòng tukvak 2018- 2020. Đề án hu peih ngak di 6 huyện lac: Kỳ Sơn, Tương Dương, Con Cuông, Quế Phong, Anh Sơn saong Thanh Chương. Bruk ngak di đề án piah dak padang dom xã tapeng negar hu kết cấu hạ tầng pamaong tal ngak hu chuẩn palei pala barau...  

# Mentri pajeng ba bahrau hu công văn payua tal Tổng Cục Jalan mbak Việt Nam, UB bhap bani tỉnh Quảng Trị saong Công ty TNHH BOT Quảng Trị ka bruk patrun yaom jien dịch vụ pandar jalan ngan haong dom po radaih hu sang daok jaik taphia Balai thu phí BOT Quảng Trị. ong Nguyễn Quân Chính, Phaok akaok  UB bhap bani tỉnh Quảng Trị brei thau: Caong khin di bhap bani, abih di nyu dalam bhum bán kính 10 km biak caong khin hu trun yaom kayua lac Balai ini daok jaik pasak nan ye taong abih dom bruk tame tabiak tỉnh jeng tapa balai ini.

 #Dalam dom harei akaok thun barau 2018, pak tỉnh Tiền Giang, yaom kruac bung kanduh hijao tagok, meda ba mai ka urang nong jien mek tame glaong. Tui ông Nguyễn Văn Lo, urang nong pala kruac bung kanduh hijao di xã Song Bình, Chợ Gạo, dalam dom harei tapa, urang blei mai tal bein blei yaom  43.000 đồng/sa kg, tagok jaik 8.000 đồng/sa kg duk saong puac thun 2017.

# Thun 2018, Long An kham merat ka tapol pabui hu 200.000 drei, tapol limo  150.000 drei, menuk ada hu 8,6 triệu drei saong taong abih mblang taneh raong kaya ikan dalam aia labaih 9.100 ha ngan haong sản lượng labaih 42.000 tấn. Gah ngak nong daok samar peih ngak dom jalan ngak pacang caga jit ruak, daong ngak brei patagok năng suất, chất lượng pandap panda ka urang nong. 

Khaw tin dunya

#Alibaba, angan praong dalam gah pablei salih điện tử di Trung Quốc dalam thun 2017 hu kareik pabang 240.000 gian pandap trực tuyến pablei salih dom janih pandap panda ja angan. Taphia nan, Alibaba jeng hu khan brei ka gah an ninh dalam taneh ia thau ka dom pandap ja angan, tapa nan daong mek khik 1.606 urang. 

# Tổng thư ký kapul nyaom dom taneh aia pablei menyek tabiak negar lingiu (OPEC) Mohammad Barkindo (Mô-ham-mét Ba-kin-đô) brei thau lac thun 2018 meda hu mboh bruk samu gauk veik gah cung - cầu angaok darak pasar "ameh juk" dunya. Yau nan min, ong jeng hu panuac lac, bruk patrun buh jien tame gah ngak  menyek dalam dom thun tapa daok ngak klan kandah tal nguồn cung harei hadei. 

# Kapul ngak bruk di Hiệp hội pa ok blait Việt Nam hu var ngak bruk saong mbaoh tangin haong mintri ngak nong – ngak glai - kaya ikan dalam ia Campuchia Biên bản thỏa thuận ka bruk daong gah ngak nong Campuchia paglaong sản lượng asar pa-ok blait tagok 1 triệu tấn dalam 10 thun tal.