Khaw tin 6h30 harei 19/12/2017

   # Harei 18/12, pak jabat Raja-ei, Thủ tướng Nguyễn Xuân Phúc taduan raok Thượng tướng Chăn-xạ-mỏn Chăn-nha-lạt (Chansamone Channhalat), Uỷ viên Bộ Chính trị, Akaok mentri Quốc phòng Lào. Di van raok, Thủ tướng Nguyễn Xuân Phúc ndom lac mbang nao rivang ini patui veik rik daong tame bruk pasiam, jhul patagok talei rohim meng kan mai, gul pataom biak karei di Việt - Lào. Thủ tướng bui sambai khan lac dalam talei rohim pambuak bruk biak karei Việt - Lào, talei pambuak bruk quốc phòng dua negar daok cakrok patagok siam kemre, pambuak pagam, daong  gauk, pacang khik. 

# Patui bruk “menyum ia hadar tal halau ia”,  di tỉnh Tuyên Quang, mintri ngak nong saong patagok palei pala pambuak bruk saong uy mban bhapnini tỉnh Tuyên Quang barau alin limo pajaih saong sổ patak pataom ka sang kathaot dalam xã Thái Bình, huyện Yên Sơn. Di var ini hu alin 20 drei limo binai saong sổ jien patak pataom, ngak saong yaok sổ tiền kiệm hu yaom jien 10 triệu đồng ka 20 sang di xã Thái Bình, huyện Yên Sơn.

 # Kapul urang ngak pah hala Quận 8, bal raya Hồ Chí Minh bahrau mai xã Yang Mao, huyện Krông Bông, tỉnh Đắk Lắk pok brei pandap ka mikva njauk khat lahik trak dalam mbang ribuk ka 12. Kapul nyaom hu pok brei 155 pok pandap ka mikva, yaok pok hu 10kg brah, sa thùng mỳ tôm, menyek mbang, aia mesil, saradang,  bột ngọt saong ralo khan ao klak.

# Di ban sit Vinh, kapul hữu nghị Việt Lào tỉnh Nghệ An peih bruk pahadar 50 thun dak padang (1967-2017) saong raok mek Cờ thi đua xuất sắc di  rajaei. Urak ini, kapul hữu nghị Việt Lào tỉnh Nghệ An hu labaih 5000 hội viên, dalam nan hu 2000 hội viên lac urang dadhlau thiah lac bol lin halan hatian hu nao mesruh metak saong daong Lào, yaok ratuh urang dahlau thiah ngak bol lin hu taduan mek rilo Huân huy chương quý kayua Đảng negar Lào alin brei.

# Phòng cảnh sát Hình sự, Công an tỉnh Tây Ninh bahrau pambuak haong Đồn Biên phòng pabah tapen negar dunya Mộc Bài, Công an Bal Tây Ninh saong Công an huyện Dương Minh Châu cap khik sa kapul nyaom co klaik radaih mô tô ba tapa Campuchia pablei. Dom urang ini ndom lac, hu peih ngak 19 mbang co klaik radaih dalam tỉnh Tây Ninh ba tapa Campuchia pablei mek jien me-in mbia saong blei  ma túy pandar.

 # Di rayo papar binguk ban raya Hồ Chí Minh, Quỹ jien bac Vừ A Dính saong kalup kapul " Daong Hoàng Sa - Trường Sa anit ranam di T.Ư Ðoàn TNCS Hồ Chí Minh) barau peih danakdak taom gaok –daoh tame “Xuân libik pulao atah mbang yaka klau. Amuk Ðặng Thị Ngọc Thịnh, Ủy viên T.Ư Ðảng, Phó akaok taneh ia mai pataom mbaok.

# Pak xã Vĩnh Hải, bal sit Vĩnh Châu, Báo Pháp luật Việt Nam pambuak haong tỉnh Sóc Trăng peih ngak danak dak “Sa tangin haong hauk daong tapa truh kathaot adat hakum ka bhum tapen negar, pulao tasik” bhum Tây Nam bộ - thun 2017. Ini lac danak dak hu makna biak siam dalam bruk peih ngak xã hội hóa bruk pathau khan, pato pakai adat hukum pulao tasik, khan brei thau jalan ngak, sarak di Đảng, hukum di Karja mai haong bhap bani.

Khaw tin dunya

 # Takik abih hu 26 urang metai saong dom urang lihik di sa pulao gah kreh negar Phi-líp-pin hadei mbang ribuk nhiệt đới Cai-tắc (Kai-tak) ngak hajan praong saong mbaik taneh. Ribuk Cai-tắc hu ngak padam menyek di rilo libik, ngak ka dom mbang par ahaok njauk klak, labaih 15 rabau urang oh tabiak truh cảng dalam bhum saong jaik 88 rabau urang njauk nao gindauk di dom pasak nao plaih.

# Ứng cử viên trung tả dalam mbang palih ruahTổng thống Chilê A-lê-gian-đrô Gu-in-li-ơ (Alejandro Guillier) hu brei thau lac lah anak urang Sê-bát-ti-an Pi-nê-ra (Sebastian Pinera) dalam mbang paleih ruah vòng 2 rah tabiak dalam harei 17/12. Dalam  96,31% số phiếu hu iek blaoh, urang dahlau diah ngak Tổng thống Sê-bát-ti-an Pi-nê-ra, ứng cử viên cánh hữu umo 68 thun, mek hu 54,75% phiếu ủng hộ. Ứng cử viên A-lê-gian-đrô Gu-in-li-ơ taduan mek hu 45,43% phiéu palih ruah tame.

# Akoak Quốc hội Ai Cập Ali Áp-đen-A-an (Ali Abdel-Aal) barau brei thau, taneh ia ini daok kuhria caga sa nghị quyết ba tagok Liên hợp quốc piah brei thau  oh najuk hatai bruk Mỹ brei thau Giê-ru-sa-lem (Jerusalem) lac ban ine di Ixraen. Lambaok di Ai Cập di Hội đồng Bảo an Liên hợp quốc jeng ieu paih sa mbang nyaom chip piah pandar Mỹ mek veik quyết định di drei./.