# Bilan tuyển sinh thun bac 2018- 2019, jalan tuyển sinh di dom sang bac đại học jeng brei thau tagok yaom jien bac tui yaok danak dak pato pakai. Dom sang bac đại học oh ka peih bruk tự chủ tagok yaom jien bac tui Nghị định 86 di Raja-ei, daok dom sang bac tự chủ tagok tui jalan ba tabiak blaoh ngan haong tanut tagok meng  10% tal 30% dut haong dom thun bac dahlau. Dom chuyên gia pato megru hu panuac lac, gam haong brei thau ka gah pato, thí sinh njauk duah thau ka yaom jien bac tui yaok thun piah palih ruah ngành, palih ruah sang bac ka nyu lagaih haong jien ndo di drei.

# Bilan pa-ok blait thun ini di tỉnh Bình Phước samar abih tuk bahrau bilan 3 saka ia bilan bo rilo sang bhapbini daok kakak dhar, buh khak ka phun pa-ok blait piah caga ka vụ tal. Bruk ruak kik halak halin, lingik oh lagaih ngak ka urang pala pa-ok blait huyan akaok kayua takik baoh. Di rilo sang beir pa-ok blait tok mek hu năng suat sumu 1/3 duk saong thun 2017. Thun ini halak palai kaik biak khang, meblah jaik 80-90% taneh pa-ok blaih dalam xã Bù Gia Mập. Tui kuhria năng suất bình quân di Hợp tác xã ngak nong Bù Gia Mập tok sumu meteh duk saong dom vụ pa-ok blaih dahlau dhaih, jaik 6 tạ/ha.

   # Meng harei 18/4, Công an bal raya Hồ Chí Minh peih bruk pataom mek dữ liệu cá nhân di bhap bani dalam bal. Bruk ini dui atah tal abih harei 18/10, hu peih ngak ngan haong dom urang thường trú di bal raya Hồ Chí Minh. Taong abih thông tin dữ liệu cá nhân di bhap bani meda hu số hóa khik piah dalam hệ thống di bal saong duh ka đề án dak papdang cơ sở dữ liệu negar ka bhap bani di Mentri Công an. 

# Tỉnh Kiên Giang peih ngak dom bruk tui Chỉ thị ka 19-CT/TW, harei 10/1/2018 di mBan Bí thư (khóa XII) ka patagok bruk ngak di bhum bhapbini bangsa Khmer dalam tukvak barau. Phó Bí thư Thường trực Tỉnh ủy Kiên Giang Đặng Tuyết Em ndom lac: Tỉnh pataom tame  padang bruk jum pataom bhapbini, parilo menuac urang pasang iek patagok di abih gah kinh te – xa hoi dalam bhum bhapbini bansga Khamer, dak harei dak trun kathaot khang kajap, paglaong raidiuk mbang ngui daok dang di bhapbini, khik caga an ninh chính trị, trật tự an toàn xã hội, ngak brei salih barau di bhum bhapbini bangsa Khmer. 

 # Thời trang aw atah tuk halei jeng lac sa dalam dom danak dak hu urang mong iek cang mong abih di Festival Huế. Danak dak aw atah di Festival Huế 2018 meda hu mbaok di ralo urang thiết kế ranaih gam haong ralo hoa khôi, hoa hậu, người mẫu, dom ca sĩ daniey angan yau: Vân Khánh, Hồ Quỳnh Hương saong dom ca sĩ ranaih daok hu ralo urang ranam. Danak dak meda peih ngak di tukvak  20h00 harei 1/5 pak sân khấu Bia Quốc. 

Khaw tin dunya

    # Gah khik caga alam môi trường ban Bắc Kinh, Trung Quốc barau brei thau, karja ban barau ba tabiak cảnh báo sambo màu kanyik ka nerak không khí, tukvak pandar meng  0h harei 18/4 ka tal tuk chất lượng không khí hu siam veik. Dalam tukvak pandar cảnh báo sambo màu kanyik ka nerak khong khi, karja ban pandar dom libik padang ngak padeih dom bruk thi công lingiu lingik, patagok mbang hacih saat alam moi truong di dom canah jalan praong, pakauk dom bruk cuh dang lingiu lingik.

# Hàn Quốc bahrau ba tabiak 3 kadha chính tui kuhria meda hu ba tabiak ginum biai pak nyaom biai pakat glaong dua gah Triều Tiên di adit tal. Dalam nan hu:  phi hạt nhân hóa angaok pulao kaoh Triều Tiên, dak padang sron mbon suai lavik angaok pulao kaoh ini piah pasiam veik dom talei rohim di dua gah Triều Tiên. 

# Ngak pô kênh YouTube labaih 270.000 urang tut angan, Eddie Woo urak ini lac gru pato toán di sang bac THPT Cherrybrook Technology, Sydney, Úc. Eddie Woo hu tame Top 10 giải thưởng gru pato di dunya thun 2018. Piah dui pachreih anek saih takre toán, Eddie pandar tuyệt chiêu bài hala. Meng toán học, saai meda maong mboh gah likuk di hala bài bo yaok anek saih daok khik dalam tangin. Langiu di nan, saai takre ba toán tabiak lingiu tan bac ka yaok anek saih tung kalok ia lọc saong pandar kiến thức xác suất, thống kê.