Khaw tin 6h30 harei 19/6

 # Thứ trưởng Mentri Ilamo, padhih saong rivang ma-in Vương Duy Biên bahrau peih mbang nyaom haong Ban tacei pato, Ban peih ngak danak dak brei thau tác phẩm văn học nghệ thuật hu sáng tác pak dom Sang sáng tác dalam dua thun 2015-2016. Dalam dua thun 2015-2016, Pasak daong sáng tác văn học nghệ thuật hu peih ngak siam 131 Trại sáng tác, taduan raok 2.010 mbang văn nghệ sĩ, peih ngak 27.137 harei sáng tác. Tal ini hu jaik 6.000 tác phẩm dom janih văn học nghệ thuật tabiak rai, dalam nan hu 2.727 tác phẩm thơ; 614 tiểu thuyết, ký, truyện ngắn; 410 tác phẩm sân khấu, phóng sự, kịch bản múa, văn nghệ bhap bani…

# Ủy ban bhapbini ban sit Hạ Long, tỉnh Quảng Ninh barau patabaik Quyết định 6195/QĐ-UBND quy định libik, canah jalan ngak dịch vụ kayak, đò chèo tangin di 8 libik di canah jalan ravang mein di Vịnh Hạ Long. Quyết định jeng tacei tabiak cambaih: Tọa độ khoanh vùng libik ngak bruk, taneh khoanh vùng, bruk ngak dịch vụ, số lượng phương tiện rilo abih di libik saong tui canah jalan chèo đò di dom labik rivang iek.

   # Adit vải thiều Lục Ngạn – Bắc Giang pak Hà Nội rah tabiak meng harei ini tal harei 23/6. Dalam adit ini, tui kuhria yaok harei hu jaik 15 tấn vải thiều, mboh ralo hu pala tui tiêu chuẩn VietGap pak huyện Lục Ngạn, tỉnh Bắc Giang hu ba tabiak pablei. Bắc Giang lac bhum taneh pala vải thiều prong abih dalam negar, ngan haong 30.000 ha. Thun ini, sản lượng vải thiều di tỉnh mek hu jaik 100.000 tấn, trun 40.000 tấn dut haong thun dahlau.

 # Urang nong phường Quang Phong, thị xã Thái Hòa, tỉnh Nghệ An barau hu sáng kiến pandar blang sang, hành lang ngak libik drak mạ hu kinh te glaong. Saai Trần Thị Đào, khối Nghĩa Sơn chreih chrai brei thau: lingik pandiak labaih 40 độ C, tok mek khak athur srau saong hluk meda drak mạ, drak mạ dalam sang tok lihik 10 harei mạ tagok that hijao. Meng taneh di thềm sang, dom mạ drak ginup pala ka jaik 2 tal 3 sào hamu sa vụ. Yaok harei tok daok di sang dut iek piah pasang iek, tuk bleik tagok mboh mạ tabiak gha mbon lac meda ba tabiak hamu pala.

 # Danak dak "Thiện Nhân saong dom ayut" hu peih akaok meng dalikan di Thiện Nhân, cei sit njauk klaak palao meng tuk menek tabiak, njauk anek athur glai mbang lahik bộ phận sinh dục saong sa gah takai. Meng dom ilamu iek ruak ka Thiện Nhân, nhà báo Trần Mai Anh saong urang ngak pahla Mỹ Greig Craft, bác sỹ Roberto Decastro hu peih ngak danak dak. Thun 2017, danak dak jeng hu peih ngak 2 mbang khám saong phẫu thuật dalam bilan 6-7 saong bilan 11. Abih di nyu, bilan 10/2017, danak dak meda peih tal pato pathram akaok mereip ka dom bác sỹ tiết niệu uranaih Việt Nam tapa Italy nyaom biai, bac megru haong dom chuyên gia akaok ngành gah ini.

# Piah duh ka tuai ravang mein tuk tame tabung glaong bilan du lịch hè 2017, miunyim tỉnh Lâm Đồng barau ba tame parang iek bộ bảo vật cung đình triều Nguyễn hu niên đại meng abap XIX – XX.  Bộ bảo vật hu 36 janih ye pandap dalam thư phòng, pandap trang trí, pandar yaok harei, pandap pandar dalam ging…abih di nyu lac dom pandap ye thủy trì hình hala sen meng ngọc quý, bút saong nghiên mực meng ngọc sambo màu hijao, thẻ bài meng ngọc, trấn phong meng bạc dát ameh…

Patui veik dom khaw tin dunya

# Dalam harei “Inem mek ilamo oh mboh di meta” Trung Quốc, bal Thượng Hải peih ngak dom danak dak daoh tamia bhap bani pak Pasak Giải trí dunya. Pambuak haong Pasak giải trí dunya, Muyim Nghệ thuật saong Thủ công Thượng Hải jeng hu peih dom duk ngak bruk di drei piah taduan raok tuai damuai mai rivang. Tuai damuai mai ini mboh biak takre ngan haong dom urang ngak thủ công lành nghề brei mboh jalan ngak “biến hóa” meng blah ba-ar, viên patau atau tapung sambo màu jeng dom tác phẩm nghệ thuật biak karei, biak mekre.

# Tui số liệu thống kê di rajaei, urak ini hu labaih 20% sang di Hàn Quốc, jaik 4 trieu meteh sang daok raong dom janih thú cưng. Dak harei dak hu rilo raong asau ieu peih praong cơ sở hạ tầng xã hội caik ka thú cưng, ye khách sạn thú cưng atau sang iek ruak thú cưng, piah dom urang nan meda caik tukvak atau nao du lich gam dom urang yut sit di drei.

# Gilai pacang khik ar tasik Nhật Bản hu angan Echigo hu 85 sĩ quan saong thủy thủ kayua Đại tá Toyota Chikara ba akaok cập cảng Tiên Sa, Đà Nẵng. Dalam tukvak daok veik pak Đà Nẵng, sĩ quan saong thủy thủ di sruh gilai meda nao rivang Pasak pambuak haong bruk roh duah daong veih hàng hải khu vực II; pakacah giao hữu bóng chuyền haong Bộ Tư lệnh Vùng Cảnh sát biển 2; Giao lưu sap ndom panuac puac; rivang iek dom danh thắng pak ini...