# Ban Tacei pato Đề án số hóa truyền hình Việt Nam hu njauk hatai haong gauk ka bruk klah rabha peih ngak bruk daong brei akaok thu truyền hình số jeng dom mbang, piah garp tanat ngak salah blaoh mục tiêu số hóa truyền hình angaok mbaok taneh ngan haong chất lượng siam di abih. Tui nan, brei thau ka talei angan địa bàn daok thu iek truyền hình dreh yau mbaok taneh meng dom balai phát chính, balai phát gilac dom tỉnh dalam nhóm II (nan lac Quảng Ninh, Thái Nguyên, Ninh Bình, Bắc Giang, Phú Thọ, Đồng Nai, Bình Thuận, Bà Rịa – Vũng Tàu, Khánh Hòa); nhóm III (gồm Thanh Hóa, Nghệ An, Hà Tĩnh, Quảng Bình, Quảng Trị, Thừa Thiên – Huế, Quảng Nam, Quảng Ngãi, Bình Định, Phú Yên, Lâm Đồng, Ninh Thuận) piah duh ka bruk daong brei akaok thu ka dom baoh sang kathaot, jaik kathaot dalam tukvak anak tal. 

# Dom harei tapa, tỉnh Gia Lai rah tabiak hajan praong hamiet ngak ia dauk praong di dom puk palei, ngak ngak lihik drap ar jeng ye taneh njam patam di urang bhapbini. Kapul pal phao ndao dalam tỉnh drah samal hu mbaok daong urang bhapbini yam tapa mbang ribuk, ramik pasiam kan kandah hadei bala. Hadei tuk ia trun, piah daong urang bhapbini pala drak veik, tabi tanat raidiuk, Binh đoàn 15 hu daong labaih 200 triệu đồng gam rilo khan ao, mền, pandap pandar…meng akaok thun tal ini, Binh đoàn 15 hu alin ka dom sang bhapbini kan kandah 6 yau limo binai, yaom jien 150 triệu đồng; daong 15 brah ka urang bhapbini bilan cang yuak; brei jru saoh ka yaok ratuh mbang urang bhapbini.

     # Harei 18/6, di dom baoh darak dalam bal Tây Ninh, huyện Hòa Thành, tỉnh Tây Ninh, dom janih pandap biak karei ka harei ini nan lac bánh ú hala krem, vải, chôm chôm darang, bingu that,… hu urang pablei salih parang pablei ngan haong số lượng prong. Tui dom urang pablei salih pak ini yaom kaom baoh kayau dahlau di harei 5 bingun mboh tagok yaom meng 5.000-10.000 đồng/kg. Tết Đoan Ngọ daok iew lac Tết pametai halak halin kayua lac peih tabiak dalam vaktu salih mùa, jit ruak mbuan tamuh tabiak. Ini lac tukvak piah ka dom urang dalam sang pataom mbaok haong gauk.

       # Daok di tỉnh Đồng Nai, harei 18/6, dom janih pandap đặc trưng piah duh ka harei Tết Đoan Ngọ (harei 5 bingun bilan 5 saka ia harei), ye : bánh ú tro, bu ndoek, lipay thar, baoh kayau, hala mùng 5… hu ba tabiak pablei biak rilo di chủng loại. Tui rilo urang pablei di darak Biên Hòa, lượng urang blei dom janih bánh ú tro, bu trôi nước, lipay thar di harei ini tagok 25-30% duk saong yaok harei. Bánh ú tro hu yaom meng 30-40 rabau đồng/pluh baoh. Yaom dom janih bu limen, lipay thar takik tagok duk saong yaok harei, meng 10-15 rabau đồng sa ly, hũ. Dom janih hala papaok ahan harei 5 bingun hu yaom meng 7-12 rabau đồng sa paok.

     # Tỉnh Trà Vinh bahrau brei mek veik 2 dự án đầu tư suai peih ngak dalam  tỉnh hu Dự án sang mac xay xát saong ngak tabiak nhiên liệu tái sinh di Công ty TNHH Hwa Kwang Vina -Hàn Quốc (Khu Công nghiệp Long Đức), jien buh tame 2 triệu USD saong Dự án Sang mac ngak tabiak tapung ikan saong pandap mbang ka anek athur, pandap mbang raong pala kaya ikan dalam aia di Công ty TNHH sản xuất thương mại Công Thành (Khu Kinh tế Định An) ngan haong phun jien buh tame 310 tỷ đồng. Meng akaok thun tal ini, tỉnh Trà Vinh hu brei padeih saong taduan mek veik harak ba-ar chứng nhận đầu tư 8 dự án suai peih ngak. 

Khaw tin dunya

# Labaih 35 rabau urang hu tame ravang Cung điện Istana Nurul Iman di ban ine di Brunây dalam harei 17/6, harei akaok meti peih pambang ka bhapbini tame rivang dalam harei lễ Hồi giáo Hari Raya. Ngan saong urang bhapbini Brunei, cung điện Istana lac biểu tượng quyền lực di po patao saong bruk kaya meda di taneh ia sit sot ini. Urang bhapbini Brunei mbaoh hadah mbaok meng cung điện Istana, maong ini lac libik nao gireih saong cao quý, libik piah dom urang nan jia hatai tame po patao di drei .

# Di Mỹ, labaih 2300 urang njauk cap khik pambuak pagam tal tội phạm tình dục angaok mạng. Nan lac kết quả di chiến dịch pasang iek, pagui mek prong grauk labik dalam negar kayua Cảnh sát Mỹ peih ngak dalam 3 bilan tapa. Bang Indiana nan lac puk palei hu ralo urang njauk mek kareik, tagok tal 40 urang.

  # Takik abih 7 urang metai saong 30 urang karei njauk rambuac dalam sa mbang bala di jalan mbak trak rah tabiak melam 17/6 di ban Goa- đa- la- cha- ra, bang Jalisco, miền tây  Mê- hi- cô. Bala rah tabiak tuk sa radaih khách pajeng jaik 40 urang gaok pableik kayua urang lái radaih lihik kiểm soát. Sruh radaih hu nduac trun sa baoh kênh di puk palei. Dalam dom urang metai hu 3 uranaih. Radaih cứu thương hu ba mai libik gaok bala piah cấp cứu dom urang gaok bala. Urang lái radaih hu brei thau lac nduac nao dauk./.