Khaw tin 6h30 harei 19/7

 

# Page harei 18/7 pak Hà Nội, kapul ngak bruk di Thủ tướng Raja-ei kayua Bộ trưởng, Chủ nhiệm Văn phòng raja-ei Mai Tiến Dũng hu van ngak bruk pasang iek bruk peih ngak nhiệm vụ kayua Raja-ei, Thủ tướng Raja-ei jao ka gilang pariak karja.  Bộ trưởng, Chủ nhiệm Văn phòng Raja-ei Mai Tiến Dũng pandar Gilang pariak Karja saong dom gilang pariak thương mại dalam 6 bilan (akaok) PUAC thun njauk mek hu tăng trưởng 7,42%.

# Ban Đà Nẵng harei 18/7 hu peih bruk pahadar 55 thun harei  padang talei pambuak bruk ngoại giao Việt Nam- Lào saong 40 thun harei mbaoh tangin tame Hiệp ước hữu nghị saong pambuak bruk Việt Nam- Lào. Dalam dom thun tapa, talei pambuak bruk di Đà Nẵng saong dom puk palei Lào hu patagok barau, siam saong kein laba. Tal urak ini, ban Đà Nẵng hu mbaoh tangin tame 30 Biên bản ghi nhớ saong dom puk palei di Lào, patagok ginum biai abih di dua gah, ba mbuan lagaih ka dom doanh nghiệp pammbuak gauk ngak mbang, kinh tế xã hội, y tế, pato megru…abih di nyu nan lac ban Đà Nẵng hu daong ka yaok ratuh sinh viên dom puk palei Lào tui bac cử nhân saong Thạc sỹ di Đại học Đà Nẵng.

# Dalam 6 bilan akaok thun 2017, dom tỉnh Tây Nguyên hu ba tame đảng  4.342 urang, tui nan taong abih urang đảng dalam bhum tagok hu 216.576 urang; dalam nan hu 18% urang đảng lac urang bangsa takik, tagok jang jaik 1,2% saong 3,19% urang đảng viên lac urang hu agama. Urak ini jaik abh dom buôn, palei di dom tỉnh Tây Nguyên hu chi bộ đảng, tagok jang 17,2% saong 99,81% puk palei hu urang đảng viên lac urang di puk palei nan, tagok jang 2,21% dut haong thun 2007. 

# Tui Sở ngak nong saong patagok palei tỉnh Vĩnh Phúc, dalam dom harei jaik ini, hu bruk takuh kaik palai padai di dom xã dalam tỉnh. Gah ngak nong hu pandar dom gah chức năng pambuak bruk saong puk palei tacei pato mikva peih ngak dom bruk pametai takuh piah khik caga phun pala cakrok siam, oh caik ka takuh kaik palai trak ngak patrun nang suat, chat luong phun pala; taphia nan daong urang bhapbini jru pametai takuh, thóc mồi saong brei rilo kapul tacei pato mikva, abih di nyu nan lac dom libik mblang hamu hu takuh daok rilo. 

# Hadei di sa tukvak atah, yaom rilo pabui laik yaom ngak kan kandah ka gah raong glang saong abih di nyu lac urang nong. Dom harei tapa, yaom rilo pabui di dom puk palei dalam negar tagok khang, meng 25.000 đồng/kg tagok 38.000 - 40.000 đồng/kg, gaok labik mai tagok tal 45.000 đồng/kg. Tui yaom yau nan, urang raong hu laba, yau nan min urak ini daok hu bruk dom trang trại oh khin pablei pabui bo piah khik cang yaom tagok glaong jang meng pablei.

# Tui Sở ngak nong saong patagok palei pala tỉnh An Giang, tal urak ini, pambuak bruk pala drak tui mo hinh mblang hamu praong di bilan Hè Thu 2017 dalam tỉnh hu 27/31 doanh nghiệp mboah tangin tame pambuak bruk saong urang nong di mblang taneh pala lac 9.333 ha, samu jaik 76,2% bruk ba tabiak. Tỉnh An Giang daok peih ngak dom sarak ưu đãi, pachreih dom hợp tác xã, tổ hợp tác pataom tame mô hình pambuak bruk pala darak saong pablei pandap, piah jhul khang talei pambuak bruk pala drak tui mo hinh ini. 

# Cục Y tế dự phòng (Mentri Y tế) brei thau: Bilan 7, ralo mbang hajan, ribuk khang rah tabiak di dom tỉnh, bal dalam negar ba tal aia sua prong, ngak kan kandah tapak tal rai diuk di bhap bani, abih di nyu lac pak dom tỉnh bhum ceik gah Barak, gah kreh negar. Ini jeng lac tukvak mbuan tamuh jit ruak bilan hajan ngak jhak tal pren yava di bhap bani. Mentri Y tế hu panuac kakei: piah pacang caga jit ruak dalam bilan hajan ribuk, bhap bani njauk palih ruah pandap mbang menyum saong ngak pandap mbang menyum siam, haci hacih, mbang pandap tasak saong menyum aia pandiak caik la-ar; bhian rao tangin meng japol dahlau saong hadei di tuk ngak pandap mbang menyum, dahlau tuk mbang huak, hadei di tuk nao ruak hatian.

Khaw tin dunya 

# Bhum pablei salih tự do châu Phi pamaong tal yah klak thuế quan dalam tukvak meng 5 - 8 thun, dalam nan 60 - 85% dom janih thuế meda hu miễn meng tuk thoả thuận hu ba tabiak ngak tui. Dom taneh ia thành viên jeng caong lac dom tavak tavaiy samal hu yah klak saong bruk ginum biai meda drak samal tamat dahlau harei 30/10/2017. 

# Baoh kandhi Pa-Rây Kút (Prei Kuk) di tỉnh Cam Pông Thôm (Campong Thom) bahrau hu UNESCO pok brei angan lac inem krung ilamo dunya. Thủ tướng Hun Sen brei thau ini lac inem krung ka 9 di Campuchia hu dunya ok brei angan, dalam nan 6 inem krung ilamo vật thể saong 3 inem krung ilamo phi vật thể. Hadei di tuk hu UNESCO pok brei angan, Raja-ei Campuchia hu jalan khik iek saong patagok, duh ka tuai damuai mai rivang ma-in.

# Liên minh Châu Âu (EU) hu daong  Niger 10 tỷ euro piah daong taneh ia ini pacang cakak urang nhập cư suan hukum meng Tây Phi tame châu Âu. Ini lac yaom jien peih brei akaok mereip dalam sa danakdak daong di Quỹ Uỷ thác khẩn cấp kayua  EU padang tabiak di thun 2016 piah caga bruk di cư suan hukum saong kol pablei menuac.