Khaw tin 6h30 harei 19/8

  # Meng harei 18 tal harei 30-8 pak bal raya Hồ Chí rah tabiak Nyaom biai mbang ka 3 di dom urang jakar pakat glaong APEC (SOM 3) saong dom nyaom biai pambuak pagam tal. Nyaom biai  SOM 3 mbang ini hu 75 mbang nyaom, ginum biai, ndom biai nao mai … di dom ủy ban, dom nyaom ngak bruk APEC tui ralo gah karei di gauk meng tự do hóa pablei salih saong đầu tư, mbuan laghaih bruk pablei salih, patagok bruk ngak mbang kinh tế tal bruk salih bahrau jalan ngak, paglaong năng lực piah yam tame dunya. Pak SOM 3, dom urang di APEC meda patui veik jhul patagok dom danak dak, jalan ngak pambuak bruk atah tukvak tui ralo gah pamong tal peih ngak cambaih laih 4 kadha njauk ngak dahlau di thun APEC 2017 ka tự do hóa, mbuan laghaih bruk ngak mbang pablei salih saong đầu tư dalam khu vực.

# Pagaiy 18/8, di ban raya Hồ Chí Minh, mintri Tài nguyên saong Môi trường peih nyaom biai peih ngak Thỏa thuận Paris ka biến đổi khí hậu di dom tỉnh, ban gah meraong. Di nyaom biai, dom urang jakar hu pataom tame ginum biai dom asal kadha ka  biến đổi khí hậu, kan kandah di biến đổi khí hậu tal dom tỉnh gah meraong; bruk peih ngak Thỏa thuận Paris saong padang bruk peih ngak cambaih dom bruk hu jao brei di Quyết định ka 2053 harei 28/10/2016 di Thủ tướng rajaei.

# Tui panuac khan meng Hiệp hội Chế biến saong Xuất khẩu kaya ikan Việt Nam (VASEP), bruk pablei ikan tra tapa darak pasa Hoa Kỳ jeng daok  rah tabiak bình thường hadei di harei 2/8/2017, tukvak bo taong abih lô hàng dom janih ikan kalik janar (Siluriformes) hu blei tame Hoa Kỳ, hu pasang iek tui danak dak pasang iek ikan kalik janar di negar. 

# Jaik sa adit ini, yaom baok ada saong baok menuk di tỉnh Trà Vinh tagok meng 400 – 500 đồng/sa baok duk saong tukvak dahlau thiah. Tui nan, yaom baoh ada tagok meng 2.400 – 2.600 đồng/sa baok tui baok ada praong atau sit, baok menuk công nghiệp lac 2.100 – 2.200 đồng/sa baok. Yaom lac baok menuk ada urak ini tagok min, Sở ngak nong saong patagok tỉnh Trà Vinh jeng kakaei dom trang trại raong menuk ada, urang  raong ada meboh nduac di ar hamu oh ka raong veik, oh ka tagok tapol rilo.

# Page harei 18/8, Ban Chỉ huy pacang caga bala meng langik tasik saong daong duah urang njauk bala tỉnh Bình Định jeng oh ka ieu phone hu haong 9 urang taong ikan angaok sruh gilai taong ikan BĐ 97785. ong Phan Xuân Hải, Chánh Văn phòng Ban Chỉ huy Pacang caga bala meng langik tasik saong daong duah urang njauk bala tỉnh Bình Định brei thau lac daok ieu phone tal dom gilai taong ikan dalam labik jaik di nan piah duah sruh gilai njauk bala: "Gah drei jeng mahit  tapa sa sruh gilai karei, gah Bộ đội Biên phòng jeng daok tui iek bruk ini."

# Dalam tuk padheih lễ 2/9, Tổng công ty Đường sắt Việt Nam brei pabak 26 sruh radaih apui piah duh ka bruk nao mai di bhapnini saong trun yaom vé ka dom tuia nao tui kapul nyaom. Camabih laih ye ala ini: peih nduac pabak 12 sruh radaih apui nao mai meng Sài Gòn nao Phan Thiết, Nha Trang, Quy Nhơn. Peih pabak 14 sruh radaih apui di dom canah jalan : Hà Nội – Thanh Hóa – Vinh, Hà Nội – Đồng Hới saong Hà Nội – Lào Cai.

# Harei 17/8, Vietnam Airlines bahrau taduan mek saong pajeng ba 2,5 tấn pandap daong brei di Kadung jien pok jien bac Vừ A Dính tal bhap bani daok njauk khat lahik trak kayua hajan aia sua di dom tỉnh Sơn La saong Yên Bái. Tui nan, pandap daong hu ralo dom janih pandap mbang menyum hu Vietnam Airlines taduan mek saong daong pajeng ba angaok sruh kapal haok par dalam van page mesup harei 17/8 meng bal raya Hồ Chí Minh tal Hà Nội.

# Ông Nguyễn Hữu Dũng - Giám đốc Sở Công Thương tỉnh Đồng Tháp brei thau: Sở pambuak bruk saong Sở ilimo, padhih saong Du lịch tỉnh peih ngak dom bruk piah pambuak pagam palei ngak saong patagok dom libik du lịch, tapa nan rik daong jhul khang patagok du lịch puk palei. Tui nan, patagok bruk pala bingu kiểng, ngak tapung pagam saong du lịch sang cổ Huỳnh Thủy Lê di ban sit Sa Đéc; patagok dom bruk ngak ikan klaik thu, ngak dưa kiệu di huyện Tam Nông, pagam saong du lịch sinh thái Vườn quốc gia Tràm Chim, huyện Tam Nông… 

khaw tin dunya

# Hàn Quốc saong Mỹ meda peih dom bruk ginum biai piah salih veik Hiệp định thương mại tự do dua gah (FTA) dalam harei 22/8 tới. Bruk ginum biai  ini hu peih ngak tui panuac caong di Mỹ, piah langyah dom duh hatai di Washington ka bruk thâm hụt thương mại haong Hàn Quốc. 

# Truyền thông khu vực harei 17/8 brei thau, dom urang taneh ia lingiu ngak bruk di Qatar  trun 6,2% dalam quý II/2017 tuk hu tal 123.860 urang ngak taneh ia lingiu tabiak truh taneh ia vùng Vịnh ini, hadei tuk rilo taneh ia Arab kayua Saudi Arabia cakak talei pambuak bruk ngoại giao saong karja Doha.  Ini lac tanut trun tui quý praong abih di Qatar kuhria meng akaok thun 2016 tal ini.

# Akaok mintri khik caga urang blei pandar saong Thương mại Nội địa Xyri Ap- đu- la An Ga-bi (Abdullah al-Gharbi) brei thau, negar ini hu kho khik piah lúa mì dalam labaih 6 tháng. Brei panuac gah langiu Nyaom darak parang iek dunya Đa-mat, Akaok mentri An Ga-bi oh brei thau cambaih khối lượng kho khik piah lúa mỳ, min brei thau raja-ei Xyri daok pamaong tal bruk peih prong kho khik piah ginup mbang dalam labaih 1 thun.