Khaw tin 6h30 harei 20/1

    # Tal tuk vak ni, tỉnh Quảng Trị tam drak hu labaih  12 ribau héc ta padai bilan Đông Xuân 2017-2018, samu meteh bruk ba tabiak. Min dom mblang taneh di dom  huyện Triệu Phong, Hải Lăng urak ni jeng dok dauk dalam oh tam drak hu. Rilo labik brei pandar dom jamriak jnuk ia tabiak piah ngak taneh, tam drak. Tui kuhria mboh dahlau, langik di  Quảng Trị oh ka lagaih, mbuan si hu halak halin palai kaik.

# Lingik la ar saong hu hajan sit daok ba mai rilo bui sambai ka urang pala njam Tết di tỉnh Phú Yên. Thun ini, yaom dom janih njam jeng tagok hasit, urang ngak beir daok jar var saong chreih bui pasang iek njam piah pablei meng ini tal tuk Tết Nguyên Đán. Sang ông Nguyễn Bom di xã Bình Ngọc pala hu 500m² njam dom janih. Yaom lac, njam oh ka tame vụ praong, min hu rilo urang blei mai duah blei, abih di nyu nan lac njam sabei hijao hu yaom  meng 6-7 rabau đồng/sa kg, tagok labaih 1 rabau đồng duk saong dom bilan ini thun dahlau.

# Jiak 40 ribau boh sang kathaot di tỉnh Quảng Ngãi taduan hu pandap  Tết Nguyên đán thun ni. Ong Lê Văn Sáu, Phó Chủ tịch Ủy ban Mặt trận negar  Việt Nam tỉnh Quảng Ngãi brei thau

Khol hulin pataom abih  pren khang tame song jak gauk parabha. Oh caik rah tabiak sa labik mek hu 2-3 pok pandap dok labik karei oh hu. Dom thun tapa khol hulin oh ngak hu  bruk INI, thun ni kham merat ngak hu yau nan.

# Công ty TNHH Đại Nguyên Dương saong 4 urang ngak ikan di tỉnh Bình Định hu kapal kanduh thép 67 kayua doanh nghiệp ini ngak gaok khut tayah, hu mbaoh tangin tame biên bản thỏa thuận 6 khoản đền bù saong daong brei dalam tukvak ramik pasiam kapal. Tui nan, Công ty TNHH Đại Nguyên Dương njauk hatai saong sanya đền bù, daong brei labaih 77,5 triệu đồng ka 6 khoản mục tui caong khin di urang ngak ikan.

# Sở Công thương tỉnh Tiền Giang brei thau, Tết Mậu Tuất, tỉnh ni hu  6 doanh nghiệp, Hợp tác xã hu mbaok tame danak dak khik caga pandap panda  piah pacang cakak lạm phát, tani tanat darak pasa pandap panda. Pandap panda hu khik caga lac: 680 tấn brah, 188 tấn saradang, 437.900 lít menyek mbang, 271 tấn bột ngọt, hạt nêm dom janih, 20 tấn rilo athur, 9 tấn rilo menuk ada; har mứt, lạp xưởng, ia giải khát, bột giặt…abih tih yaom labaih 340 tỷ đồng.

Khaw tin dunya

# Gah Cộng hòa saong Dân chủ di Quốc hội Mỹ nduac pakacah saong tukvak piah njauk hatai gauk ka dự thảo kadung jien karja dalau di tukvak puac harei 19/1, plaih bruk “kareik bambang rajaei”.

# Báo Nikkei di Nhật Bản brei thau, dalam 10 thun tapa tuai  du lịch meng Đông-Nam Á nao rivang Nhật Bản tagok khang, dalam nan Việt Nam dang akaok ka bruk  patagok, lac labaih  868%.

# Tui Hiệp hội pablei salih dunya Hàn Quốc, pandap pablei tabiak taneh ia lingiu di Hàn Quốc tame darak pasal Việt Nam thun 2017 tagok biak rilo, mek hu 47,7 tỷ USD, meblah 8,3% pandap pablei tabiak taneh ia lingiu di Hàn Quốc.