# Pak Hà Nội, Cục Ilamo cơ sở (Mentri Ilamo padhih saong rivang ma-in) bahrau peih nyaom biai Paglaong chất lượng angan “Baoh sang ilamo”, “Labik daok ilamo”; dom hagait daok rah tabiak saong jalan patagok labik dang di hương ước, quy ước ngan haong bruk padang đạo đức, jalan diuk rai tukvak urak ini.

# Pahadar harei gru pato Việt Nam (20-11), gam song độc giả thau dar phol caei gru anai gru di drei, dom urang hu ba abih pren yava di drei dalam bruk pato pakai, Nhã Nam hu peih Harei pataom tapuk 20-11, meng harei  15 tal harei 20-11, di jalan tapuk siphau Nguyễn Văn Bình, quận 1, ban raya Hồ Chí Minh.

# Pak bal Nam Định, Pasak Điều phối negar gah pagam bộ phận rup babhap manuac urang (Mentri Y tế) pambuak haong Sang bac Đại học Điều dưỡng Nam Định peih Harei “rik daong brei ka rai diuk” piah pathau khan saong jak ba manuac hu mbaok tame bruk alin brei mô, tạng hadei di tuk metai nao.

4 # Tui kuhria mboh di  Ban khik ramik  Khu du lịch Mẫu Sơn, meng akoak thun  2017 tal ni,  tuai damuai mai rivang main Khu du lịch Mẫu Sơn tui kuhria mboh labaih  75.000 urang. Rilo di abih lac dalam dom tuk padeih lễ, puac adit, tuai damuai mai tal Mẫu Sơn main dã ngoại, ba tui hareik harom biak prong klak veik.

# Pak mblang kapal haok dunya Cam Ranh tỉnh Khánh Hòa, lambaok ka raja-ei Việt Nam, lambaok Ban tacei pato Trung ương ka bruk pacang plaih bala meng langik tasik saong Tổng cục Pacang plaih bala meng langik tasik hu taduan mek pandap panda di Hiệp hội dom negar Đông Nam Á (ASEAN) daong brei ka bhap bani dom tỉnh Nam Trung bộ dalam nan hu Quảng Ngãi, Bình Định, Phú Yên saong Khánh Hòa, njauk ribuk ka 12 saong aia sua.

# Mbang hajan ia sua dui atah dalam bilan  10/2017 ngak ka labaih 4.000 gha đào phai meng 1 – 4 thun caga ka  tuk Tết Nguyên đán 2018 di bhap bini xã Đông Sơn, ban Tam Điệp, tỉnh Ninh Bình njauk metai, ngak khat lihik trak ka urang pala đào labik ni.

# Pak pasak Ilamo tỉnh Ninh Thuận bahrau rah tabiak mbang parang iek thaik binguk saong phim phóng sự - tài liệu dalam Cộng đồng ASEAN pak Việt Nam. Mbang parang iek ini kayua Mentri Thông tin saong Truyền thông pambuak haong  UBND tỉnh Ninh Thuận peih ngak. 

Khaw tin dunya:

# Rajaei  Mỹ harei kabroi brei thau, adit tal, Tổng thống Đô-nan Trăm meda brei thau bruk lac njauk ba Cộng hòa dân chủ bhap bini Triều Tiên tame angan  dom negar dong  ka  chủ nghĩa khủng bố halei oh.

# Raja-ei Hy Lạp bahrau brei thau caik yam pakat negar 3 harei piah pahadar dom urang njauk bala dalam mbang ribuk aia sua khang meng bloh pak negar ini ngak takik abih 15 urang metai. Hajan prong dui atah dalam melam 15/11 ngak jeng aia sua, ngak tayah tayac ralo canah jalan saong ngak dauk jaik 1 ribau  baoh sang pak dom bal sit jaik bal ine A-ten.

# Di nyaom biai pakat glong Liên hợp quốc ka bruk  biến đổi khí hậu mbang ka  23 (COP23) bahrau peih tabiak di ban  Bon, gah merong negar Đức, hu labaih 20 negar, dalam nan hu  Anh, Ca-na-đa, Mê-hi-cô,... tabiak panuac lac padang “Liên minh pacang pandar  than đá”. Ni hu mong lac panuac jalei cambaih laih di abih ka Mỹ hadei di tuk negar ni tabiak truh  Hiệp định Pa-ri ka bruk pacang biến đổi khí hậu mek hu di thun 2015./.