# Mintri ngak nong saong patagok palei pala barau pandar dom puk palei tapeng tasik peih ngak rilo bruk paglaong khik ramik cảng ikan, libik katok kapal ikan plaih di ribuk; tabhia nan parabha jien ramik pasiam, kuac mek gluh baoh tui njauk adat.

# Page harei 19/4, Hội Chữ thập đỏ tỉnh Đắk Lắk peih nyaom biai pataom iek veik 10 thun peih bruk Tết ka urang kathaot saong urang gaok jru mek kalik kruac. Tapa 10 thun peih ngak, bruk Tết ka urang kathaot saong urang njauk jru mek kalik kruac di Đắk Lắk hu daong nao ravang saong alin pandap ka jaik 400 rabau mbang sang kathaot, urang njauk jru mek kelik kruac, sang sarak, urang hu công dalam tỉnh di tuk tame tet ngan saong yaom jien labaih 105 tỷ đồng.

# Tui Chi cục pala drah saong khik caga phun pala tỉnh Lâm Đồng, ruak kayua virus đốm héo trong ndaiy TSWV, hu mbaoh di phun njam xà lách saong bingu cúc. Tui kuhria mboh di tuk camereip, hu labaih 70ha bingu cúc, 10 ha njam xà lách dalam ban Đà Lạt njaom janih virus ini.   

# Harei 19/4,  di pasak ilimo  quận 5, ban raya HCM hu peih parang iek nghệ thuật salam uan harei ilimo dom bangsa Việt Nam  saong pahadar harei pacit da-a Pô Hùng. Parang iek hu labaih 200 blah rup thaot nghệ thuật, thaot thư pháp di dom họa sĩ dom bangsa Cam, Lo saong Khmer daok di ban raya HCM.  Asal kadha di dom blah rup thaot nan brei mboh tapak bruk ngak mbang pala drak di bhapbini dom bhum palei, brei mboh bruk kheih mekre di taneh ia, bruk kiên cường di bộ đội drei dalam bruk khik caga chủ quyền tasik puleo negar.

# Giải vô địch dom kapul khang Vovinam pakat negar thun 2018 barau rah tabiak di tỉnh Đồng Nai pachreih hu labaih 400 vận động viên mai meng 32 libik dalam taneh ia. Dom đội tuyển meda pakacah di 48 kadha, dalam nan 22 kadha quyền saong 26 kadha đối kháng (14 hạng cân likei, 12 hạng cân kumei). Giải vô địch dom kapul khang Vovinam pakat negar mbang yaka 9 thun 2018 tamat di harei 22/4.

Khaw tin dunya

# Dom Akaok mintri jien padai kapul 7 taneh công nghiệp patagok (ieu katut lac G7) barau nyaom biai di Oa-xinh-tơn tabiak panuac ieu patagok kateik greik kinh tế tối đa ngan saong Triều Tiên. Dom akaok mintri G7 brei thau meda pambuak bruk piah pandar Triều Tiên klak abih danakdak tên lửa saong hạt nhân. Panuac ba tabiak di G7 jeng brei mboh lo ngại ka bruk Triều Tiên plaih dom lệnh trừng phạt dunya saong mboh lac Triều Tiên pandar mạng lưới dom đặc vụ, công ty bình phong piah taduan mek jien padai di dunya.