Thuy Linh
Khaw tin 6h30 harei 20/6
# Mbang hajian ribuk bilan 5 meng blaoh ngak ka ralo puk palei di Bắc Kạn glut jaleih, ba tatheik ralo njam patam, anek athur raong, tapeih ralo tabung sang, khat lahik tui kuhria dahlau jaik 5,5 tỷ đồng.
# Di Cao Bằng, Ban tacei pato pacang caga hajan xua saong duah daong urang njauk bala pambuak bruk saong dom gah chức năng padang bruk pacang caga hajan xua thun 2017. Tui nan, paglaong co so vat chat, trang thiet bi, paglaong dut iek dom cong trinh thuy loi, danao padang ia; kakei dom sang bhapbini daok dalam libik mbuan si glut jaleih. Dalam tỉnh urak ini hu 163 libik ngan saong labaih 1.100 sang daok dalam libik mbuan si rah tabiak bala.
# Yên Bái nan lac sa tỉnh bhum ceik nao mai kan kandah, hu biak rilo ribaong kraong. Piah pabak ilamu pacang caga aia mblung ka anek saih, gah Pato megru, Đoàn Thanh niên tỉnh Yên Bái hu padang ngak, ba tabiak đề án pato caluai ka anek saih dalam dom sang bac. Sa dalam dom bruk hu peih ngak di Yên Bái nan lac padang 15 labik caluai an toàn, pacang caga mblung aia ka uranaih. Tapa nan pato tacei dom ilamu piah patrun dom bala thương tích, abih di nyu lac bala mblung aia ka dom adei dalam bilan hè.
# Pachreih tui harei dunya Yoga, Hội Hữu nghị Việt Ấn bal Đà Nẵng pambuak haong Đại sứ quán Ấn Độ bahrau peih ngak danak dak pachreih tui harei Dunya Yoga. Dalam danak dak hu jaik 1000 urang ranam Yoga, bhian pathram pak dom clup kapul Yoga pak bal Đà Nẵng saong tỉnh Quảng Nam hu ngak ka urang njauk caik hatai tuk peih ngak dom màn đồng diễn Yoga.
# Kapul bác sĩ sang iek ruak meta Trung ương pambuak bruk saong kapul Liên hiệp dam dara Việt Nam, kapul gru jru ranaih Việt Nam, Sở Y tế tỉnh Quảng Nam barau peih rbuk iek ruak saong blac raih đục thủy tinh thể meng phương pháp Phaco saoh ka labaih 500 urang ruak lac sang sarak, urang ruak sang kan kandah di ban sit Điện Bàn, tỉnh Quảng Nam. Amuk Nguyễn Thị Nhứt, 61 tthun daok di phường Điện An, thị xã Điện Bàn, tỉnh Quảng Nam khan lac: “ meta gaok sup, nao mai kan si ciuk, daok dang jeng kan rilo, dahlak oh blac raih hu kayua lac urang nong, nao tabiak sang iek ruak jeng kan kandah. Harei ini dahlak pang rayo, báo dahlak trun iek ruak, blaoh dom urang nan brei ka dahlak blac raih. Blac blaoh dahlak mboh biak chreih, meta hadah cambaih. Biak drut drui kayua kapul abih hatai daong ka dahlak hu meta hadah. Dom urang thei jeng greih yau dahlak.
# Mbang pakacah Trung học phổ thông pakat negar thun ini, tỉnh Đak Lak hu 1 cụm pakacah kayua Sở pato megru Đak Lak dang akaok hu sa 1 hội đồng pakacah saong 43 libik pakacah. Labaih 22.300 thí sinh pataom tame pakacah. Dalam nan, hu labaih 5.000 thí sinh lac urang bangsa takik. Ini jeng lac cụm pakacah hu thí sinh rilo abih Tây Nguyên. Tal tukvak ini, bruk in sao đề pakacah, pajeng ba đề pakacah hu tỉnh peih ngak tapak, khik caga siam. Bruk daong radaih nao mai, libik mbang, padheih padhaiy ka dom urang jakar iek pakacah, thí sinh saong gauk gar di thí sinh hu caga bloh.
# Yaok ribau héc ta glai dauk mbak di palei Tuần Lễ, xã Vạn Thọ, huyện Vạn Ninh (Khánh Hòa) daok njauk menuac urang lih mek. BRUK bhap bani tuh mai ini lih mek taneh glai padang ngak sang daok, kuac danao raong hadang dak harei dak ralo ngak ka taneh glai phòng hộ tapen tasik njauk takik veik, ngak kan kandah tal yaok rituh baoh sang daok di ini.
Khaw tin dunya
# Thủ tướng Anh Thê-rê-xa Mây (Theresa May) harei 18/6, sanya daong jien ka dom urang daok diuk hadei mbang khuah chung cư di gah Pai Luân Đôn adit dahlau. Tui nan, yaok sang gaok kan kandah kayua mbang khuah hu taduan mek labaih 7 rabau đô la Mỹ di kadung jien daong 5 triệu bảng Anh. Kadung jien daong jeng daong ka bruk ngak ndam, pahadar dom dang jeng ye dom bruk mbang menyum karei.
# Drei hadang hùm biak praong umo 132 thun diuk yaok pluh thun dalam kavei aia di sa nhà hàng bahrau hu ba palao. Drei hading ini hu angan Louie, trak 10 kg saong daok yam tapa umo 132, min oh ba nao ngak pandap mbang bo njauk ba palao. Harei 16/6, tukvak bilan hadang hùm taneh aia di Mỹ, nhà hàng Peter’s Clam Bar daok di bal sit Hempstead, Long Island, New York (Mỹ) brei thau lac hu palao Louie hadei ddi 20 thun raong drei hadang nan dalam kavei di nhà hàng.
# Luật sư di Tổng thống Mỹ Đô-nan Trăm harei 18/6 brei thau, oh gaok dut iek ka bruk cản trở tư pháp tuk sa thải giám đốc Cục điều tra liên bang Mỹ (FBI) di bilan dahlau. Urak ini, Tổng thống jeng oh ka hu khan brei thau ka bruk gaok dut iek.
Viết bình luận