# Thủ tướng Nguyễn Xuân Phúc bahrau hu van ngak bruk haong Ban Khik iek  Kalan Chủ tịch Hồ Chí Minh saong bruk ngak hu dalam 6 bilan akaok thun 2018 saong pasiam veik kalan tui định kỳ Lăng. Pak van ngak bruk, taong yaom bruk pasiam veik kalan tui định kỳ hu ngak ngak blaoh, Thủ tướng njauk hatai meng harei 16-8 patui veik bruk peih pambang kalan, taduan raok pamere bhap bani, tuai damuai mai sirah Wa. Ban Khik iek kalan njauk samar peih ngak samu gauk dom bruk ngak hu jao piah ngak njauk tui jalan chính trị nan lac peih ngak siam bruk khik ramik suai lavik, pacang khik tuyệt đối an toàn rup tau Chủ tịch Hồ Chí Minh; patui veik jhul patagok, pandar ilamu khoa học kỹ thuật dalam bruk ngak y tế, piah dak harei dak chủ động jang dalam bruk khik iek suai lavik rup tau Wa  .

# Lingiu bruk brei saoh jien bac ka uranaih umo 5 thun saong anek saih THCS công lập, rajaei meda daong jian bac ka aneik saih diện phổ cập, daok bac di dom sang bac lingiu công lập. Nghị quyết mbang nyaom rajaei thường kỳ bilan 7 pambuak tal dự án hukum pato megru pasiam veik brei thau cambaih yau nan. Meyah ngak tui adat ini di rajaei, yaok thun hu labaih 5 triệu anek saih hu mbang tui.

# Tui kuhria meda meda hu jaik 1.000 nghệ nhân saong diễn viên quần chúng nan lac urang bang sa takik dalam 13 tỉnh nan lac Thanh Hóa, Nghệ An, Hà Tĩnh, Quảng Bình, Quảng Trị, Thừa Thiên Huế, Quảng Nam, Quảng Ngãi, Bình Định, Khánh Hòa, Phú Yên, Ninh Thuận saong Bình Thuận hu mbaok tame harei pataom ilamo padhih dom bangsa takik gah kreh negar gam haong ralo urang khik iek, roh duah ilamo, nghệ thuật, bangsa bac. Tui bruk ba tabiak, harei pataom ilamo ini meda rah tabiak meng harei 24 – 26 bilan 8 ini, pak bal Tam Kỳ (Quảng Nam) .

# Urak ini, hu rilo palei bhapbini bangsa Bana, H’re, Chăm H’roi oh daok khik hu dom bộ cồng chiêng, yau nan ye di dom rija roya, dom taha palei njauk nao tal palei karei piah nyim. Piah khik ilimo cồng chiêng, UB bhapbini tỉnh Bình Định hu patabiak danakdak daong cồng chiêng ka bhapbini. Tỉnh Bình Định daok đặt hàng dom libik ngak saong nghiệm thu bộ chiêng mẫu, piah urang bhapbini, abih di nyu nan lac dom taha palei, urang hu angan je brei panuac tapak tame pandap ilimo bo bhapbini meda pandar. Tui kuhria, 119 bộ cồng chiêng meda hu alin ka 119 palei di Bình Định ngan saong jien bih tame abih tih jaik 4 tỷ meteh.

# Palei Đăk Tăng, xã Đăk Tăng, huyện Kon Plông (Kon Tum) hu jaik 70 baoh sang, mboh ralo lac mikva urang Xê-đăng njauk panduan salih labik daok saong caik taneh apuh veik ka dự án Thủy điện Thượng Kon Tum. Panduan mai daok di labik daok bahrau, dom baoh sang kurang taneh pala drak, rai diuk biak kan kandah. Khu vực Tây Nguyên urak ini hu jaik 190 công trình thủy điện. Yaok pluh ribau baoh sang hu panduan nao daok di labik karei, caik taneh veik piah duh ka dom dự án thủy điện. Ta-eng tỉnh Kon Tum, jaik 27 ribau urang njauk panduan nao daok di labik karei, caik taneh veik brei ka dom dự án thủy điện. Ralo dự án tái định cư oh ka ngak njauk tui adat hukum, panuac sanya saong oh ka grap tanat hu rai diuk brei ka mikva.

Khau tin dunya

# Hadei mbang jaoh tatua Italy, rajaei Bulgaria hu pandar gah chức năng ramik pasiam labaih 200 mbaik tatua di taneh ia ini piah caga sự cố greih yau nan barau rah tabiak di Italy. Rilo tatua ini hu dak apdang tal ini jaik 35-40 thun saong gaok jaoh tayah trak. Lac taneh ia kathaot abih dalam Liên minh châu Âu (EU), Bulgaria di pluh thun tapa njauk mbang tame jien daong di dom taneh ia châu Âu piah ngak barau cơ sở hạ tầng di taneh ia ini.

# Bruk pandiak tagok angaok dunya rah tabiak khang dalam 4 thun anak tal, ngak ka nhiệt độ Baoh taneh pandiak tagok bất thường. Ini lac kuhria mboh dahlau kayua dom urang khoa học Pháp brei thau bahrau ini. Tukvak pandiak tagok angaok dunya ini meda ngak biến đổi khí hậu dalam tukvak atah saong tui kuhria patui veik dalam takik abih 5 thun tra. Dom  bruk langik tasik oh siam pambak tal nhiệt độ đại dương, tui kuhria tagok jang  150%, meng nan patagok bruk  di dom mbang ribuk nhiệt đới.

# Sa thiếu niên Australia hu nhận tội xâm nhập tame mạng máy tính trung tâm di hãng công nghệ khổng lồ Apple saong tải mai dom tập tin nội bộ praong jeng ye truy cập tài khoản urang tuai. Tui truyền thông puk palei, lý do ka bruk xâm nhập tame hệ thống máy chủ Apple hu tin tặc "tuổi teen' ini ba tabiak lac kayua adei lac sa fan hâm mộ di gah ngak tabiak iPhone. Angan di tin tặc oh hu ba tabiak kayua adei oh ka thành niên. Jeng tui The Age, tui kuhria tin tặc 16 thun ini meda gaok kết án di bilan tal./.