Khaw tin 6h30 harei 21-6

# Patui danak dak ngak bruk,  mesup 20-6,  ngan saong 92,46% urang QH njauk hatai, Quốc hội brei tapa  hukum trách nhiệm bồi thường di karja (pasiam veik). Hukum tacei lac, dalam tuk vak 2 harei ngak bruk meng harei  ngak salah bloh  pathau khan  taong yaom khat lihik, Jabat langyah bruk bayar  thương lượng bruk bayar brei. Dalam tuk vak 10 harei kuhria meng di harei ba tabiak, bruk thương lượng brei hu salah bloh. Meyah bruk langyah bayar brei nan hu rilo kan kandah ye tuk vak  thương lượng rilo di abih oh tapa 15 harei.

# Dalam dom harei, meng harei 18 tal harei 24/6, di sang iek ruak Đa khoa tỉnh Điện Biên, Kadung jien daong uraniah tỉnh Điện Biên, Hội Cứu trợ uraniah jaoh jo Việt Nam peih bruk iek ruak saong blac raih brei saoh ka 180uraniah jaoh jo sang kan kandah daok dalam tỉnh. Dom uranaih meng 1 thun tal 18 thun, gaok dom janih yau: mbaih cambuai, hở hàm ếch,  hu laka hadei di pandung, khuyết tật meta, tanye, jalan  sinh dục saong dom janih u bướu lành tính... hu khám sàng lọc di dom pasak y tế  pakat huyện, hadei di nan ba tabiak sang iek ruak Đa khoa tỉnh Điện Biên piah khám saong blac raih.

          # Thun ni, tỉnh Lào Cai hu 15  labik sang bac pakacah di  9 huyện, ban, song jiak 6.000 anek saih pakacah. 500 urang jakar iek pakacah, 140 urang ngak bruk khik caga, y tế, phục vụ song jiak  300 urang halan hatain hu ieu pataom dalam luac tuk vak rah tabiak mbang pakacah. Bruk khik caga an ninh trật tự, an toàn giao thông, rami ramik labik dok, labik mbang ndih ka dom anek saih mai pakacah hu kuhria caga cambaih laih.     

# Tỉnh Gia Lai ngak salah bloh bruk caga ka mbang pakacah tốt nghiệp Trung học phổ thông pakat negar, saong daok hu sarak daong thí sinh kathaot, thí sinh urang bangsa takik. Piah khik caga siam di abih ka mbang pakacah, Công an tỉnh Gia Lai hu brei jaik 1.000 menuac di drei mai hu mbaok khik iek labik pakacah . Gah y tế hu caga menuac, pandap, jru ..piah pabak ka bruk cấp cứu, glang iek y tế, khik caga siam mekre haci hacih pandap mbang menyum,  langyah uk hu bruk rah tabiak.

          # 15 tuk 19/6, gah chức năng huyện Hướng Hóa, tỉnh Quảng Trị duah mboh song chap mek  sa lô saradang Thái Lan meng  Lào tame Việt Nam di labik tapen negar ban sit Lao Bảo, huyện Hướng Hóa. Tong abih pandap lậu nan,  hu  thau lac di Lê Thị Ánh Tuyết, ndik tapui thun  1982, dok di palei  Tân Kim, ban  Lao Bảo. Tui panuac khan, 8 tấn saradang Thái Lan ni hu blei di tỉnh Savannakhet (Lào) bloh tapa jalan  tiểu ngạch di ban Lao Bảo, huyện Hướng Hóa, tỉnh Quảng Trị meyah mboh lagaih ye pajeng mai ban  Đông Hà song dom tỉnh jiak tapan piah pablei..

# Pambuak tal bruk dom urang cai nghiện jan pambah saong nduac klaak pasak điều trị nghiện ma túy tỉnh Vĩnh Long harei  19/6, ông Lữ Quang Ngời, Phó akaok UB bhap bini tỉnh Vĩnh Long brei thau: tal urak ini, gah chức năng pambuak bruk saong gauk gar di dom urang nduac klaak , jak ba saong duah hu 4 urang daok nduac dauk. Dom urang nan hu ba mai veik Pasak. Dahlau di nan, melam 16/6 hu 36 học viên cai nghiện di pasak điều trị nghiện ma túy tỉnh Vĩnh Long ba gauk jan pambah, ngak srau kadau, bloh hadei di nan 17 học viên nduac klaak. 

Khaw tin dunya

# Ngoại trưởng Cuba Bru-nô Rô-đri-gô (Bruno Rodriguez) harei  19/6 hu panuac lên án bruk Tổng thống Mỹ Đô-nan Trăm (Donald Trump) ba tabiak dom pacang cakak gah kinh tế song bruk nao mai di Cuba. Brei panuac di 1 mbang ginum biai rah tabiak harei 19/6, ong Rô-đri-gô ndom lac, bruk ngak ni di gah Mỹ meda ngak ka hatai anit ranam taneh ia di  urang  Cuba tagok glong. Dahlau di nan harei16/6 meng bloh, Tổng thống Trăm hu tabiak dom salih bahrau sarak ngan song  Cuba tui jalan cagar veik bruk pasiam talei pambuak bruk hu 2 gah  peih tabiak meng saman di Tổng thống Ba-rắc Ô-ba-ma  (Barack Obama).

# Harei 19/6,  dua urang ginum biai di gah Liên minh châu Âu Mi-sen Bác-ni-ê  (Michel Barnier)  saong gah Anh Đa-vít Đa-vi-sơ (David Davis) hu njauk gauk ka dom bruk njauk ngak dahlau, tukvak saong jalan peih ginum biai ka bruk negar Anh tabiak truh Liên minh châu Âu (gọi là Brexit),  hadei di mbang taom gaok akaok mereip di Brúc-xen (Brussels), Bỉ. Brei panuac hadei di tuk tamat mbang ginum biai akaok mereip, ong Bác-ni-ê  khan lac dua gah padang hu dom kapul ngak bruk, dalam nan hu dom chuyên gia di dua gah, piah langyah dom hồ sơ cần thiết di abih dalam tukvak ini./.

#Urang jakar ngak praong Prang harei 19/6 brei thau, sa mbang khuah rah tabiak angaok tabung lò phản ứng hạt nhân di sang mac hạt nhân Bu-gây (Bugey) di bhum gah kreih negar Prang. Mbang khuah rah tabiak tukvak  20 tuk 26 minite (melam 18-6 tuk vak Việt Nam) di lò phản ứng ka 5 di sang mac điện EDF. Sang mac ni dok atah di ban Li-ông (Lyon) labaih 35 km. Dalam tuk nan  tui jabat an toàn hạt nhân Prang, dom máy cảm biển di  lò phản ứng oh mboh hu bruk tagok phóng xạ hadei di mbang khuah nan. Makna di mbang khuah dok hu duah thau ngak brei cambaih laih./.