# Pak Hà Nội, Hội đồng tư vấn gah Bangsa di Ủy ban Trung ương Mặt trận Negar Việt Nam bahrau peih Ginum biai "Bruk anak meta saong jalan ngak ka bruk pato, bac sap ndom, akhar vak di dom bangsa takik". Ralo panuac dalam van ginum biai caong dom mentri, ngành, kapul nyaom njauk jhul pakhang bruk pathau khan, paglaong akaok saneng di bhol bhap rahra ka bruk khik ramik saong patagok dom yaom glaong ilamo bangsa takik.

# Ban jak ba kadung jien ka urang kan kathaot tỉnh Bắc Ninh peih bruk daong ka urang kan kathaot saong bhap bini dom tỉnh njauk gaok bala langik tasik, ia sua glut jaleih. Lambaok urang dang akaok tỉnh saong dom jabat, đơn vị, doanh nghiệp hu tnut angan saong daong tapak ka kadung jien 3 tỷ meteh.

  # Mentri Pato megru bahrau ba tabiak Dự thảo thông tư tacei pato ka bruk phụ cấp ưu đãi  cei gru anai gru daok pato dalam dom labik pato megru công lập piah mek panuac rik daong di dom jabat, kapul nyaom, manuac urang hu pambuak pagam tal. Tui nan, gru pato tapak di dom sang bac đại học, học viện, sang bac bồi dưỡng urang jakar hu mbang jien daong 25%. Daok dom gru pato di dom sang bac trung học cơ sở, trung học phổ thông, pasak pato thường xuyên di bhum taneran lac 30%.

# Dalam luac 15 thun padang saong patagok (2002-2017), kapul daong urang kamei saong uranaih kan kathaot oh patuah jamo ban Đà Nẵng lac labik jia, pambuak bruk klah rabha kan kandah hong urang kamei, uranaih kan kathaot oh patuah jamo di puk palei. Hội hu peih ralo danak dak hu makna yau: khám sàng lọc ka jaik 23.000 mbang urang kamei kan kathaot; daong iek ruak ka labaih 1.100 urang kamei saong uranaih kan kathaot oh patuah jamo njauk ruak kan kandah.

# Pak Quảng trường 16 Tháng 4, Sở Công Thương tỉnh Ninh Thuận pambuak haong Công ty trách nhiệm hữu hạn Tiến Lợi peih mbaok “Nyaom darak pasar pablei salih Ninh Thuận 2017”. Nyaom darak mbang ini hu 150 gian hàng meyaih khan dom janih pandap yau: pandap kayau, điện pandar dalam sang, thủ công mỹ nghệ, khan ao,  pajaih phun pala saong pandap menyum.

# Yaom pabui hơi di Đồng Nai urak ini daok di tanut biar, pabui janih 1 barau hu yaom 29.000 đồng/kg, daok janih thường tok 24.000 tal 25.000 đồng/kg. Dahlau bilan 9, yaom pabui tagok hu labaih 30.000 đồng sa kg hadei jaik sa thun trun biar abih. Min bruk 4.000 drei pabui hu klauk jru an thần di ban raya HCM daok ngak brei yaom pabui trun khang.  

# Pasak pachreih nong negar, Cục pala drak, Cục khik caga phun pala, Sở Ngak nong saong patagok palei pala tỉnh Bình Phước bahrau peih diễn đàn Pachreih nong ngan haong kadha “Jalan pasiam veik bein pa-aok plait” piah daong ka bhap bani dalam tỉnh pandar dom ilamu kỹ thuật iek glang, pasiam veik bein pa-aok blait saong pacang caga halak halin jit ruak. 

Patui di ini dom khau tin dunya:

# Lãnh tụ Tối cao Iran A-li Kha-mê-nây barau ndom lac taneh ia ini daok ngak njauk tui harak thỏa thuận hạt nhân hu mbaoh tangin di I-ran saong kapul P5+1 di thun 2015, min meda yah klak meyah Mỹ ndaoh tabiak.

# Gilang pariak Trung ương Hàn Quốc (BOK) hu patagok tanut kuhria mboh dahlau jalan cakrok kinh tế di negar ini thun 2017 tagok labaih 3%; saong brei khik tamo yaom jien jhung di tanut biar abih 1,25%, kayua bruk pablei tabiak negar lingiu saong bruk pachreih tài khóa ngak patagok jang bruk siam mekre ka nền kinh tế.

# Bang Ca-li-phooc-na, Mỹ biak mbuan rah tabiak dom mbang khuah glai kayua nhiệt độ glaong saong độ ẩm biar dalam bilan hè. Tui kuhria mboh meng thun 2006 tal puac thun 2016, hu labaih 8 ribau 300 mbang khuah glai rah tabiak di bang ini./.