Khaw tin 6h30 harei 21/12

          # Nyaom biai Yam tame ngak mbang Kinh tế dunya Việt Nam 2017 ngan haong kadha patagok pren khang ka vaktu cakrok patagok bahrau peih tabiak di Hà Nội. Thủ tướng raja-ei Nguyễn Xuân Phúc mai hu mbaok saong pok panuac ndom di nyaom biai.

# Lac tỉnh bhum ceik hu 22 bangsa, dalam nan hu labaih meteh bhapnini lac urang bangsa takik, ralo ndam gam saong bruk ngak nong; tỉnh Tuyên Quang thau lac patagok kinh tế - xã hội bhum atah bayah, bhum urang bangsa takik nan sa dalam dom bruk praong piah paglaong raidiuk, jaln sahaneng ka bhapnini.

         # Sở Ilamo saong padhih Hải Phòng bahrau peih mbang parang iek thaik binguk, tapuk, harak gar “73 thun – Bol lin bhap bani Việt Nam dak padang, mesruh metak  saong cakrok patagok” saong parang iek “Jayak Điện Biên Phủ angaok langik - Bản hùng ca diuk miat”. Ini lac sa dalam dom bruk ngak ilamo adaoh tamia salam uran pahadar 73 thun Harei dak padang Bol lin bhap bani Việt Nam (22/12/1944 - 22/12/2017).

 # "Yaok gah, puk palei njauk dak padang takik abih sa bruk "Gheih jak ba" hu kajap, pambak praong tame dalam raidiuk. Ini lac bruk hu biai rilo di nyaom biai dak padang bruk "Gheih jak ba" kayua Tỉnh ủy Hưng Yên peih barau blaoh.

# Tỉnh Ninh Thuận urak ini daok jhul pakhang bruk pataom mek dom pren khang ka pandiak, angin saong thu lagu piah cakrok patagok năng lượng tái tạo điện angin, điện aia harei; pataom tame pachreih dom pren khang buh jien tame ngak piah cakrok patagok jeng pasak năng lượng tái tạo di negar.

# Page harei 20/12, Sở Thông tin saong Truyền thông ban raya HCM peih bruk alin giải thưởng Công nghệ Thông tin - Truyền thông 2017 ka 20 kapul, urang hu kaya ngak tabiak, dịch vụ saong bruk ngak hadah trah. Asal kadha di giải thưởng mbang yaka 9 thun ini lac yam tagok glaong gah công nghệ số” piah rik daong peih ngak danak dak “dak padang ban raya HCM jeng ban thông minh tukvak 2017-2020, pamaong tal thun 2025”.

# Tui Thường trực Ban tacei pato Tây Nguyên, thun 2017, yaom lac daok gaok ralo kan kandah, tavak tave min kinh tế - xã hội bhum Tây Nguyên patui veik cakrok patagok khang kajap, ngak jeng pren khang piah patagok jang dalam dom thun hadei. Taong abih yaom pandap GRDP di dom tỉnh Tây Nguyên hu labaih 165.000 tỷ đồng.

    Khaw tin dunya

     # Nhà Trắng brei thau, Tổng thống Mỹ Đô-nan Trăm saong Thủ tướng Anh Thê-rê-sa Mây barau ginum biai ka bruk jhul khang salamat Trung Đông tapa mbang iew phone. Dua urang dang akaok hu ginum biai dom jalan nao tal piah jhul khang salamat Trung Đông, brei thau njauk lang yah chip langyah bruk ngak pahala daong di Yê-men.

   # Takik abih 11 urang metai saong labaih 20 urang njauk rambuis dalam sa mbang bala radaih buýt du lịch harei 19/12 pak Kin-ta-na, Mê-hi-cô. Sa sruh radaih  buýt pajeng tuai damuai di sa sruh gilai du lịch xuyên tasik tal labik inem krung di urang Ma-ya gah Pur Mê-hi-cô njauk bleik angaok jalan cao tốc.

# Thủ tướng Nhật Bản Xin-dô A-bê (Shinzo Abe) barau brei thau, thun 2018 lac thun taong yaom 40 thun mbaoh tangin tame Hiệp ước Hòa bình saong pambauk talei rohim Trung Quốc - Nhật Bản. Ini lac jalan piuah dua gah meda jhul khang dom bruk ginum biai pakat glaong saong Nhật Bản caong khin halan hatian saong Trung Quốc peih tabiak sa chương barau di talei pambuak bruk dua gah./.