#  Pachip daa po Hùng - Lễ hội Đền Hùng thun Mậu Tuất 2018, kayua Ủy ban bhap bani tỉnh Phú Thọ dang tabiak ngakgam haong 4 tỉnh karei nan lac: Thái Nguyên, Quảng Nam, Bình Dương saong Kiên Giang. Pachip daa po Hùng - Lễ hội Đền Hùng thun ini peih ngak dalam 5 harei, meng 21 - 25/4 (njauk tame harei 6 bingun tal 10 bingun  bilan 3 saka ia bulan). Tal tukvak ini, taong abih bruk kurhia caga gah cơ sở vật chất, an ninh trật tự, bruk  khik ramik saong pok glaong dom yaom ilamo meng kan hu salah blaoh, caga taduan raok bhap bani, tuai damuai mai haong taneh ong akei. Pachip daa po Hùng - Lễ hội Đền Hùng thun Mậu Tuất 2018 hu Ban tổ chức kham merat khik kajap an toàn, trang nghiêm, thành kính.  

# Lambaok mBan Dân vận Tỉnh ủy Bình Định, Công an tỉnh Bình Định barau ndom biai nao mai saong yaok rabau urang bhapbini ka dự án điện gió.  Mi, rilo urang jeng oh ka thau cambaih dự án điện gió hu peih ngak yau habal, bo mehit lac doanh nghiep mai libik ini piah duah mek titan ba tal bruk dom sang pacang cakak, ngak kan kandah. Rilo urang bhapbini jeng pacang cakak tui. Dom sang bhapbini di puk palei brei thau, meyah oh pataom mbaok tame pacang cakak meda ngak jhak tal bruk pablei salih saong daok dang mbang huak yaok harei.

     # Tỉnh Bà Rịa – Vũng Tàu daok peih bruk pasang iek pacang caga khuah di dom chung cư dalam tỉnh. Tapa pasang iek hu mboh ralo chung cư jeng daok ralo kadha oh siam dalam bruk pacang caga khuah. Bà Rịa – Vũng Tàu urak ini hu 16 chung cư pataom ralo pak bal Vũng Tàu, jaik abih hu padang ngak dahlau di thun 2010, hệ thống pacang caga khuah, jalan piah nduac plaih oh  ka siam, oh ka hu dom pabah mbang tự động pacang caga thak meng tầng hầm caik ka nyu tathuak tui jalan kanjan kabak takai, nan ye biak nguy hiểm meyah hu khuah.

# mBan An toàn giao thông tỉnh Sóc Trăng brei thau, piah trun takik bala di jalan mbak saong khik caga siam mekre bruk nao mai angaok jalan di puk palei dalam harei lễ 30/4 - 1/5, Akaok uy mban bhapbini tỉnh Sóc Trăng tacei pato dom gah chức năng patagok dom bruk khik caga siam mekre bruk nao mai angaok jalan saong bruk pajeng tuai damuai nao mai biak rilo dalam dom harei Lễ. Urak ini, tỉnh daok pabak dom biển báo giao thông di dom nút giao thông, dom canah jalan hu độ dốc glaong, maong mboh oh atah hu…

# Sở Tài nguyên saong Môi trường pambuak haong Sở Khoa học saong Công nghệ tỉnh Bình Dương peih ngak đề tài roh duah khoa học pakat tỉnh "Roh duah padang ngak bản đồ yaom taneh dalam tỉnh Bình Dương", labik ngak iek nan lac bal sit Thuận An. Jalan ngak di đề tài piah duh ka bruk brei thau cambaih ka taneh riya, daong ka darak pasar bất động sản, peih tabiak jalan ka bruk dak padang cơ sở dữ liệu yaom taneh, bản đồ yaom taneh dalam tỉnh tui njauk adat hukum gah taneh riya. 

Khaw tin dunya

# Tổng thống Hàn Quốc Moon Jae-in (Mun Chê In) ndom lac, Triều Tiên brei mboh bruk sanya "phi hạt nhân hóa hoàn toàn" Bán đảo Triều Tiên saong oh ba tabiak dom điều kiện halei. Tổng thống Hàn Quốc ndom cambaih: taong abih dom hagaiyt Bình Nhưỡng ndom tal tuk ini lac padheih dom sarak thù địch pamaong tame drei, nao gam saong khik caga an ninh". 

 # Bruk khik piah gan cấy ghép di tanut nhiệt samu haong thân nhiệt meda siam jang jalan ngak meng kan mai nan lac khik la-ar. Jalan ngak bahrau ini jeng meda daong patrun dom nội tạng alin brei njauk khut khat dalam tuk khik piah. Urang dang akaok roh duah Constantin Coussios (Côn-xtan-tin Câu-xai-ốt) dalam sang bac Đại học Oxford brei thau pak Anh,kuhria ta-eng thun dahlau, hu tal 1/5 urang ruak metai tuk daok cang duah hu gan cấy ghép ka nyu laghaih. 

#  Urang tuai halei nao ravang Cuba, yaom lac tukvak katut atau atah jeng oh klak tapa bruk nao maong tòa sang Capitolio, labik kiến trúc gheih mekre abih di bhapbini Cuba saong lac sa dalam dom biểu tượng kheih abih di ban ine La Habana. Ini jeng lac jabat di Quốc hội Cuba kuhria meng mbang IX.