Khaw tin 6h30 harei 21/8/2017

# Tổng công ty Jalan pasei Việt Nam brei thau, piah pabak bruk nao mai rilo di bhap bani dalam tukvak  Quốc khánh 2-9, langiu di dom đoàn tàu daok nduac, Tổng công ty brei pabak tame 26 đoàn tàu pajeng tuai angaok dom tuyến dalam dom harei meng 31-8 tal 4-9, saong daok brei patrun yaom harak nao tui kapul, nyaom. Tui nan, pabak 12 đoàn tàu pajeng tuai nao mai Sài Gòn tal Phan Thiết, Nha Trang, Quy Nhơn; 14 đoàn tàu dom tuyến Hà Nội nao Thanh Hóa - Vinh, Đồng Hới saong Lào Cai.

# Mintri Xây dựng pambuak bruk saong tỉnh Cao Bằng brei thau bruk quy hoạch padang ngak libik du lịch thác Bản Giốc, ngan saong taneh padang praong 1.000 ha. Tui quy hoạch hu Thủ tướng rajaei brei adat, libik du lịch thác Bản Giốc hu rabhia jeng dua banah: gah timul praong 410 ha, meda padang libik pasak du lịch thác Bản Giốc, pataom tame patagok cơ sở hạ tầng, dịch vụ duh ka du lịch; gah tây praong 590 ha, meda  apdang pasak thị trấn, khik caga hu tiêu chí đô thị loại 5.

# Bal Hải Phòng bahrau peih bruk padang ngak dom công trình hạ tầng kỹ thuật labik đô thị bahrau Bắc sông Cấm, ngan haong yaom jien buh tame abih tih 9.899 tỷ đồng meng jien di kadung jien karja bal saong jien daong karei. Tui nan, dom bruk yau tatua Hoàng Văn Thụ atah labaih 1.100 m, labaih 2 km ar pacang sông Cấm, dom jalan dalam bhum atah jaik 10 km saong dom hạ tầng kỹ thuật,...

# Chi cục An toàn Hacih saat pandap mbang menyum ban Đà Nẵng barau peih bruk pasang iek 94 cơ sở ngak ia menyum tame klaoki. Tapa nan mboh labaih 13% dom labik hu dut iek ngak suan dom kadha ka an toàn hacih saat pandap mbang menyum, rilo labik ngak pandap mbang menyum oh khik caga quy chuẩn, njom vi sinh vật tapa tanut brei adat.

 # Phú Yên hu bruk raong hadang hùm lồng meng thun 1990 ngan haong jaik  200 lồng. Hadei di 27 thun, tal urak ini tagok tal 33.590 lồng. Langiu di bruk siam lac ba bruk ngak ka jaik 6.000 urang ngak saong dom dịch vụ hậu cần. Bruk raong hadang hùm tui hatai saong tagok biak samar tal tanut oh pasang iek hu ngak tayah quy hoạch, ngak ka aia njauk ô nhiễm trak saong bhian  tamuh jit ruak, hadang metai biak ralo.

# Ủy ban bhapnini tỉnh Bình Dương barau peih bruk taom gaok dom doanh nghiệp Hàn Quốc buh jien tame ngak mbang di tỉnh, piah pang dom panuac caong  meng gah doanh nghiệp piah duah tabiak jalan jhul khang bruk ngak mbang pablei salih di doanh nghiep dak harei dak patagok siam lagaih saong khang kajap.

# Tỉnh Hậu Giang bahrau peih abiak bruk daong bhap bani  dom  tỉnh Yên Bái, Sơn La, Điện Biên, Lai Châu njauk  khat lihik kayua hajan ia xua. Hadei di tuk peih bruk, Ban tổ chức taduan mek hu jaik 80 triệu đồng alin brei di dom urang pal akaok, công nhân viên chức di sở ngành, puk palei hu mbaok. Jeng di tuk peih tabiak bruk, tỉnh Hậu Giang hu jao 650 triệu đồng tal lambaok Ủy ban Trung ương Mặt trận negar Việt Nam piah daong ka bhap bani dom tỉnh njauk khat lihik kayua hajan ia sua.

Khaw tin dunya

# Tổng thống Vê-nê-xu-ê-la N.Ma-đu-rô barau nao ravang Cu-ba piah patagok talei pambuak bruk di dua taneh ia. Mbang ravang rah tabiak dalam tuk Tổng thống Ma-đu-rô ieu ginum biai dunya piah langyah dom srau kadau saong cakak bruk meblah di Mỹ hadei di mbang đe dọa can thiệp quân sự di Tổng thống Mỹ Đ.Trăm.

# Truyền thông Nhật Bản brei thau, mentri Quốc phòng negar ini daok kuhria padang sa hệ thống pacang caga tên lửa Aegis angaok mbaok taneh piah caga bruk đe dọa tên lửa meng Triều Tiên. Mentri Quốc phòng Nhật Bản jeng daok kuhria padang sa đơn vị bahrau daok dalam Lực lượng Phòng vệ (SDF) piah khik dom vệ tinh hu Mỹ saong Nhật Bản pandar plaih njaik dom mbang tiến công tên lửa đạn đạo.

# Đặc phái viên Nga di Liên hiệp quốc (LHQ) V.Nê-ben-di-a hu ieu  Mỹ saong Hàn Quốc trun sit dom mbang pasram di dua gah piah patrun bruk catang tagok di bán đảo Triều Tiên. Đặc phái viên Nga di LHQ ndom lac, njauk ba tabiak sa jalan chính trị, tui nan Bình Nhưỡng padheih danakdak hạt nhân saong tên lửa, salih veik Mỹ saong Hàn Quốc jeng padheih dom mbang pasram quân sự praong dalam bhum. Min, urang brei panuac di mintri Ngoại giao Mỹ ndom lac, Oa-sinh-tơn saong Xơ-un jeng daok brei peih bruk pasram nan di harei ini 21-8./.