Khaw tin 6h30 harei 22-6

************

* Page harei 21-6, Quốc hội  nyaom var tamat mbang nyaom ka 3, Quốc hội mbang 14. Var nyaom nan, biểu quyết brei tapa 1 hukum saong 4 Sarak. Tuk page  21-6, meng 93,69% dom phiếu njauk hatai, Quốc hội brei tapa Hukum khik iek, pandar drap ar karja (pasiam veik). Tui nan, Hukum tacei lac: pakuak lợi dụng, lạm dụng chức vụ, quyền hạn meblah mek saong pandar suan adat hukum drap ar karja. Pakuak đầu tư xây dựng, blei salih, jao, pah, pandar drap ar công oh njauk bruk, tapa tiêu chuẩn, định mức. pakauk pandar radaih ô tô saong dom drap ar karja karei kayua dom tổ chức, cá nhân alin brei oh njauk mục đích, chế độ, tapa tiêu chuẩn, định mức.

* Harei 20-6,  Phó Thủ tướng Vương Đình Huệ hu taduan raok kapul urang tuh pren ka cách mạng tỉnh An Giang dalam tuk kapul tabiak ravang ban ine Hà Nội saong tame Lăng ravang Chủ tịch Hồ Chí Minh. Brei panuac di var taduan raok, Phó Thủ tướng pandar tỉnh An Giang patui jalan pasang iek raidiuk mbang ngui daok dang di urang hu cong saong sang dom urang nan, piah urang hu cong hu raiduk dak harei dak ginup meda jang jang.

* Tui kuhria mboh di Sở Ngak nong saong patagok Hà Tĩnh, tal urak ini hu peih bruk bayar jien bồi thường, daong ka dom  baoh sang gaok kan kandah kayua môi trường tasik hu jaik 1.300 tỷ đồng. Hà Tĩnh daok jhul samar bruk bồi thường, daong njauk menuac, njauk urang.

* Ông Phan Thanh Bình, Phó akaok uy mban bhapbini tỉnh An Giang brei thau, hadei di tuk thau lac labaih 100 harak meyaom, huân chương, huy chương saong bằng Tổ quốc ghi công hu Hội đồng Bộ trưởng (urak ini lac rajaei) mbaoh tangin di thun 1975 saong thun 1987 di xã Ba Chúc, huyện Tri Tôn caik var dalam tủ hồ sơ, oh ka hu brei ka gauk gar dom sang, urak ini uy mban bhapbini tỉnh hu k padang dom kapul pasang iek makna di bruk ini, taphia nan tacei pato ka uy mban bhapbini huyện Tri Tôn duah iek veik piah brei drak samal ka dom sang oh ka taduan mek hu.

* Page harei 21/6, pak Siêu thị Mường Thanh Đak Lak, Sở Công Thương tỉnh Đak Lak peih pakak “Labik pablei pandap Việt Nam” ngan haong angan iew lac “Tự hào pandap Việt”. Ini lac mô hình akaok meti hu padang ngak pak tỉnh Đắk Lắk piah daong bhap bani Đak Lak hu rilo pilih ruah dalam bruk blei pandar. Tal urak ini, hu labaih 50 doanh nghiệp mboh tangin sanya pambuak bruk suai lavik haong danak dak.

* Tal harei ini, bruk kuhria caga ka mbang pakacah Trung học phổ thông pakat negar thun 2017 di tỉnh Bình Thuận hu ngak salah bloh. Dalam tỉnh hu 26 libik sang bac ngan saong 11.284 anek saih mai pakacah. Daok 233 anek saih di sang bac Phổ thông trung học Ngô Quyền, huyện pulao Phú Quý meda pakacah di angaok mbaok haluk. Dom adei hu ba tame Phan Thiết, hu brei daok di ký túc xá sang bac Trung học phổ thông chuyên Trần Hưng Đạo, hu gru pato phụ trách saong nhân viên y tế nao tui.

* Cảnh sát Pacang khuah padam khuah tỉnh Thừa Thiên - Huế  bahrau peih nyaom biai haong po doanh nghiệp ngak mbang gah karaoke, quán bar, phòng trà, nhà hàng tiệc cưới… piah peih talaih dom kan kandah bruk pacang khuah, padam khuah ka dom labik ngak mbang gah ini. Dalam tỉnh Thừa Thiên-Huế urak ini hu labaih 270 labik ngak mbang gah karaoke; quán bar, phòng trà ca nhạc saong pasak nhà hàng tiệc cưới… Urang pal akaok Cảnh sát pacang caga apui khuah tỉnh Thừa Thiên - Huế hu pandar dom cơ sở ini njauk ramik ngak pasiam dom labik thoát hiểm ; ngak hệ thống pacang khuah, padam khuah tui njauk adat hukum di karja.

Khaw tin dunya

* Panuac meng mintri Ngoại giao Trung Quốc brei thau, bruk ginum biai  an ninh ngoại giao Trung - Mỹ mbang akaok mereip hu peih tabiak di Mỹ harei 21/6 . Dahlau di tuk ginum biai, Ngoại trưởng Mỹ Rếch-ti-lơ-xơn ndom lac: di mbang ginum biai ini, dua gah meda pataom tame peih ngak dom gah pambuak bruk,  trun takik dom bruk oh ka njauk gauk dalam dom bruk ngoai giao saong an ninh praong. Dua gah jeng ginum biai rilo dom bruk pambuak tal talei pambuak bruk Trung - Mỹ saong labik pandiak saong di dunya bo dua gah sangka.

* Tui panuac khan meng Đại sứ quán Mỹ pak bal ine Manila, hải quân Mỹ saong Philíppin meda peih bruk pram haong gauk hu angan iew “Sama Sama” dalam adit ini, pataom tame dom bruk yau meblah angaok tasik, khik iek chủ quyền tasik saong daong ngak pahla, langyah dom khut khat meng bala di lingik tasik. Bruk  pathram mbang ini meda rah tabiak pak bhum Xê-bu (Cebu), gah kreh negar Philíppin meng harei  19 - 25/6. Lingiu di nan, hải quân Philíppin, Malaixia saong Inđônêsia jeng hu peih bruk nao pasang iek haong gauk dalam adit ini piah langyah bruk meblah angaok tasik daok rah tabiak di labik tasik giáp ranh di klau negar.

*   Phó Thủ tướng Thái Lan iek gah bruk kinh tế, ông Xổm-kít (Somkid Jatusripitak) brei thau, taneh ia ini daok tame padang jalan ngak praong, jhul khang talei pambuak bruk pablei salih đầu tư saong Campuchia, Lào, Mianma saong Việt Nam (CLMV) piah padang tabiak  bruk thịnh vượng chung dalam tuk meriak gauk khaang di dunya . Thun 2016, bruk pablei salih di Thái Lan saong dom taneh ia Campuchia, Lào, Mianma saong Việt Nam mek hu abih tih jaik 31 tỷ đô la Mỹ. Việt Nam dang akaok ngan saong kim ngạch jaik 14 tỷ, patui nan lac Mianma, Campuchia saong Lào.