Khaw tin 6h30 harei 22/12

# Mesup harei  21/12, di  Hà Nội, Đảng ủy Khối Doanh nghiệp Trung ương peih nyaom biai patom iek veik  sarak Trung ương 3 mbang VIII  ka “ Jalan ngak urang jarka tuk vak jhul khang công nghiệp hóa, hiện đại hóa  taneh ia” dalam  Đảng bộ Khối. Brei panuac di nyaom biai, ong Phạm Minh Chính -Ủy viên mintri Chính trị, Bí thư Trung ương Đảng, akaok  mBan Tổ chức Trung ương hu panuac ieu Đảng ủy Khối doanh nghiệp Trung ương brei thau cambaih dom jalan tacei ba  di  Đảng ka bruk urang jakar song padang kapul urang jakar, pataom tame salih bahrau song paglong siam lagaih bruk tong yaom, quy hoạch, panduan salih, pato pakai, pasram megru…

#Dalam tuk pahadar 73 thun harei padang bol bala bhapnini Việt Nam, page harei 21/12, Bộ Chỉ huy Bộ đội Biên phòng tỉnh Đắk Lắk peih bruk alin brei 83 drei limo binai pajaih ka dom sang kathaot di huyện biên giới Ea Súp, tỉnh Đắk Lắk. Saai Hà Văn Lập (bangsa Thái) daok pak palei Lầu Nàng, xã Ya Lốp, huyện Ea Súp lac: " Sang dahlak mboh biak bui sambai saong padrut padrui rilo, kol dahlak kham merat pasang iek limo ka siam piah limo caik anek piah patagok kinh te di sang yam tagok patruh kathaot.

# Akaok mintri ngak nong song patagok palei pala hu harak tacei ka bruk  “Tết pala phun miet miet hadar dhar phol  Wa Hồ” tuk  Xuân Mậu Tuất thun 2018. Akaok mintri tacei lac:  Bruk “Tết pala phun” brei siam lagaih, kein laba, oh ngak meng ngak.  Tuk vak peih bruk “Tết pala phun” di dom  tỉnh gah brak lac di akaok thun bahrau Mậu Tuất, daok dom  tỉnh gah merong di tuk pahadar harei menek Wa harei  19 bilan  5. 

#Thun 2017, danakdak bruk ngak negar padang ngak palei pala barau dalam tỉnh Quảng Ninh ngak hu rilo bruk siam. Camabih laih, taong abih jien pataom tame padang ngak palei pala barau dom xã hu labaih 13 rabau tỷ đồng. Dalam nan kadung jien karja hu labaih 1.200 tỷ đồng, meblah 9,3% taong abih yaom jien; kadung jien lingiu paok jien karja labaih 11.800 tỷ đồng, meblah 90,7% taong abih yaom jien. 

#Ong Nguyễn Dung, Phó Chủ tịch UBBhap bini tỉnh Thừa Thiên Huế, Akaok mBan peih bruk brei thau: Festival Huế mbang ka X thun 2018 hu angan “ Inem krung ilamu ba drei tame dunya song patagok- Huế sa labik nao hu 5 inem krung” hu rah tabiak meng harei  27/4 tal  2/5/2018. Tui mban peih bruk, Festival Huế thun  2018 hu angan yau nan kayua lac  Thừa Thiên Huế hu  5 inem krung dunya hu UNESCO pok brei angan

#2 harei tapa ( 20 saong 21/12), dalam huyện pulao Phú Quý, tỉnh Bình Thuận, kayau gaok ribuk ka 15 pambuak pagam saong angin mùa Đông Bắc yuk khang, riyak praong ngak tayah saong khat lihik 72 lồng, sang bè raong ikan saong drap ar di 16 sang raong di libik Lạch Dù, xã Tam Thanh. 

# Harei patom capi, doh ragu bhap bini song parang iek khan aow meng kan dom bang tỉnh Kon Tum thun 2017 rah tabiak dalam 2 harei, harei 20- 21/12. Langiu  dom bruk ngak ndung bak ilamu di bhum taneh Tây Nguyên, dalam dom harei patom,  parang iek thaot binguk nghệ thuật palei negar, anek menuac Kon Tum - Duyên hải bhum kreih negar song bhum Tây Nguyên jeng hu peih tabiak

# Ông Lê Văn Hoàng, Giám đốc Sở nga nong saong patagok palei pala tỉnh Long An brei thau, thun 2018 tỉnh meda ngak 107 mblang padai praong, meng taneh pala jaik 50.000 ha; dalam nan, bilan Đông Xuân 2017-2018 lac 33.200 ha; vụ Hè Thu lac 16.600 ha. 

Khaw tin dunya

# Ủy ban châu Âu harei 20/12, ba tabiak panuac caong  ginum biai song  Anh ka sa tuk vak dui atah sa thun 9 bilan, bruk ni ba tal bruk lac Anh tabiak truh darak pasa chung song Liên minh hải quan dalam harei  1/1/2021. 

# Blah mbao  Giông-ang In-bô (Joongang Ilbo) di  Hàn Quốc harei 20/12 brei thau, Hàn Quốc  dok tabiak bruk blei 20 sruh kapan haok mesuh thế hệ bahrau F35 di  Mỹ. Panuac ini ngak brei cambaih jang bruk hu Tổng thống Mỹ Đô Nan Trăm (Donal Trump) atah di ni 2 bilan khan lac Mỹ song Hàn Quốc hu dom harak pambuak bruk pablei salih  vũ khí bahrau yaom yaok tỉ đô la Mỹ.

# Gilang pariak  Trung ương Trung Quốc harei 21/12  brei thau, tỷ giá trung tâm di jien Nhân dân tệ tagok tanut glong di abih dalam 3 bilan tapa, di tanut  6,5795 yaok  đô la Mỹ. Dom urang langyah gah jien ndua brei thau bruk ni brei mboh bruk tani tanat di darak pasa dunya ngan song jien Nhân dân tệ