Khaw tin 6h30 harei 2/2/2018

# Dalam bilan 1 meng bloh, gah Biên phòng tỉnh Đắk Nông duah mboh 3 bruk biak praong. Tapa nan, Đồn Biên phòng Đắk Lao cap kreik 2 urang pajeng ba suan adat jaik 50kg pháo dom janih meng Campuchia mai Việt Nam piah pablei. Patui di nan, Đồn Biên phòng Cửa khẩu Bu Prăng mboh hu 4 urang đánh bạc, me-in mbia. Saong bahrau ini, Đồn Biên phòng Tuy Đức hu mboh, cap kreik sa urang pablei salih kayau glai suan hukum, cap mek hu jaik 2 mét khối kayau.

 # Piah rik daong khik caga quyền lợi urang blei, gah ngak ngak mbang, abih di nyu nan lac tuk Tết Nguyên đán, Hải quan Bình Dương daok patagok rilo bruk ngak catang pacang caga pablei salih lậu, bleik saleik dalam pablei salih saong pandap ja. Ông Nguyễn Trường Giang, Phó Cục trưởng Cục Hải quan Bình Dương brei thau: Kol dahlak duah thau bruk ngak mbang di dom doanh nghiệp dalam tỉnh, padang kapul bí mật piah khan brei kol dahlak thau dom asal kadha. Kol dahlak jeng hu pambuak bruk saong dom mban, nganh karei piah pacang caga bruk pablei salih lậu, bleik saleih dalam pablei salih).

# Di ban raya TP.HCM, Kadung jien ka uraniah jaoh jo Việt Nam pambuak bruk haong Baha Cầm Phong tỉnh Tây Ninh bahrau peih danak dak daoh tamia angan lac “Tết ka uraniah jaoh jo bhum ia sua”. Ini lac tuk piah ka dom uraniah jaoh jo di bhum ia sau meng bloh hu jalan brei mboh hatai caong hu pasiam chức năng, hu nao bac da-a ba drei tame raidiuk.

# UBMT negar VN tỉnh Hậu Giang barau peih bruk jao sang jum pataom brei ka 11 sang kathaot daok gaok kan kandah gah sang daok dalam huyện Phụng Hiệp. Yaok baok sang hu padang ngak khang kajap, daning tường, nền lót kiak, tabung tak tôn ngan saong yaom jien ngak abih meng 60 tal 80 triệu đồng. Tapa nan, UBMT negar VN tỉnh Hậu Giang jeng hu alin ka yaok sang sa paok pandap yaom jaik sa triệu đồng piah dom sang bui sambai raok xuan mbang tết.

# Dom urang dang akaok Thành ủy – Hội đồng bhap bini - Ủy ban bhap bini – Ủy ban MT negar Việt Nam ban sit Cần Thơ bahrau peih bruk taom mbaok dom halau janeng, dom urang pan bruk agama dalam ban sit tuk salam uan Tết mai. Tapa nan, dom halau janeng, dom urang pan bruk agama hu brei panuac tame ka jalan ngak di thun 2018, dalam nan praong di abih lac khik caga siam mekre sron mbon dalam tuk Tết  saong bruk khik ramik ilamu bangsa.

Khaw tin dunya

# Takik abih 11 urang metai tuk sa pasak phúc lợi xã hội di gah Brak Nhật Bản gaok pui khuah barau blaoh. Tui cảnh sát puk palei, mbang khuah rah tabiak di pasak phúc lợi xã hội di Xap-pô-rô (Sapporo), tỉnh Hốc-cai-đô (Hokkaico), Nhật Bản. Tuk khuah rah tabiak hu 16 urang di pasak ini, 5 urang hu daong. Urak ini, cảnh sát daok peih bruk duah thau, ngak cambaih laiah bruk ini.

# Karja di Tổng thống Đô-nan Trăm brei thau lac meda brei adat ka jaik 7 riabu urang Xy-ri daok veik Mỹ 18 bilan tra dalam tuk bruk mesruh metak di taneh ia Xy-ri jeng daok rah tabiak. Brei panuac dalam mbang họp báo, amuk Ni-ê-xen (Kirstjen Nielsen)- akaok mintri an ninh nội địa Mỹ khan lac, hadei di tuk pasang iek, Mintri ini mboh lac, njauk dui atah jang tukvak daok veik ka dom urang Xy-ri ini.

 # Dom urang jakar Hàn Quốc saong Mỹ barau tame mbang ginum biai ka dua piah ramik pasiam hiệp định thương mại tự do (FTA) dua gah. Mbang ginum biai rah tabiak dalam tuk bruk căng thẳng pablei salih di dua taneh ia daok tagok pambuak tal bruk Mỹ áp đặt dom tanut kak je glaong ka mac papah khan ao saong blah pin năng lượng ia harei di Hàn Quốc./.