# Tapa tui iek di mbang nyaom ka 5, Quốc hội mbang XIV cử tri tỉnh Bà Rịa – Vũng Tàu hu panuac caong khin Quốc Hội samar langyah piah ka bhap bani grap tanat rai diuk. Ralo  urang taong ikan di Bà Rịa – Vũng Tàu brei thau, bruk mesraiy phun jien piah ngak gilai taong ikan tui nghị định 67 di raja-ei jeng daok kan kandah kayua harak gar oh ka lagaih. Kayua yau nan ye urang taong ikan daok gaok ralo kan kandah dalam bruk mesre phun jien. Cử tri tỉnh Bà Rịa – Vũng Tàu jeng caong gah Công an hu jalan langyah piah ka bruk ngak chứng minh nhân dân ka bhap bani hu mbuan lagaih jang.

# Ngan saong kadha “ ba gauk ka sa xã hội an toàn anak bala di lingik tasik”, di Hà Nội, mBan tacei pato Trung ương barau peih bruk pahadar 72 thun harei pacang caga bala di lingik tasik (22/5/1946-22/5/2018). Dalam 20 thun tapa, yaok thun bala di lingik tasik ngak ka jaik 400 urang metai saong lihik, khat lihik jien padai drap ar jaik 1 tal 1,5% GDP saong ngak jhak tal alam môi trường, raidiuk jeng ye bruk ngak mbang kinh tế - xã hội.

     # Dom thun dahlau diah, kaya nong di bhap bani bhum glaong Phước Bình, huyện Bác Ái, tỉnh Ninh Thuận hadei di tuk paik, yuak bhian njauk urang blei kateik yaom. Hadei di tuk darak phiên Phước Bình hu peih tabiak, nyu palaghaih ka bruk pablei salih paglaong jien mek tame saong daong meyaih khan pandap panda kaya nong di puk palei tal urang blei pandar, abih di nyu nan lac tuai damuai tuk mai rivang iek, padeih padei pak ini. Darak phiên kaya nong Phước Bình hu peih tabiak di harei car, adit ka dua yaok bilan.

# Di tỉnh Đồng Nai, tok dalam melam 20/5, yaok ratuh tấn ikan di palei bè dalam kraong La Ngà gaok metai. Khat lihik kuhria mboh tagok tal yaok tỉ đồng. Saai Lê Thị Tuyết Nga, xã Phú Ngọc, huyện Định Quán brei thau, sang saai hu 6 ô raong ikan ngan saong jaik 20 tấn ikan lăng, chép saong diêu hồng. Min, dalam sa melam dom drei ikan tal harei pablei ini oh daok diuk drei halai. Makna tui brei thau di urang bhapbini lac kayua ia nerak kayua dom libik tuh ia tabiak oh tapa xử lý. 

# Sở Ngak nong saong patagok palei pala tỉnh Bến Tre bahrau peih ngak dự án pabak ia pandar hacih saong aia pala drak ka pulao Minh dalam tuk biến đổi khí hậu saong aia tasik tagok glaong. Dự án ini hu peih ngak vaku 1 tal thun 2020 hu ngak blaoh ngan haong phun jien buh tame labaih 275 tỷ đồng meng danak dak bruk ngak Negar ka biến đổi khí hậu saong cakrok patagok hijao di Trung ương saong phun jien đối ứng di tỉnh. Dự án ngak salah blaoh meda pabak aia hacih brei ka jaik 70.000 baoh sang di dom huyện Mỏ Cày Nam, Thạnh Phú. 

Khaw tin dunya

# Tui pathau khan Dấu ấn thương hiệu 2018 (Brand Footprint 2018) barau hu ba tabiak di công ty roh duah darak pasal Can-ta Uốt-pan-nen (Kantar Worldpanel), nhãn hàng Coca-Cola jeng daok hu urang blei takre rilo abih di dunya dalam gah pandap menyum drah samal. Thun 2017, dom pandap di Coca-Cola hu pilih blei 5,8 tỉ mbang, nan lac angan ini hu nao tal labaih 40% menuac sia di dunya. 

# Urang jakar gah y tế di Cộng hòa Dân chủ Công-gô meng harei 21/5, peih bruk klauk vắc-xin di negar ini piah pacang cakak jit ruak Ê-bô-la tamuh tabiak saong daok pambak prong. Mbang tamuh jit Ê-bô-la bahrau hu brei thau meng harei 8/5 tal harei ini hu 23 urang metai kayua janih virus ini.

# Takik di abih 5 urang metai saong 6 urang njauk rambuac di sa mbang glut jaleih haluk di gah Tây Nam ban Trùng Khánh, Trung Quốc harei 20/5.  Hadei di mbang glut jaleih haluk, karja palei hu peih bruk pasang iek piah thau dom libik mbuan si gaok glut jaleih haluk, tabhia nan ba urang bhapbini di libik mbuan si glut jaleih  nao plaih libik karei.