Khaw tin 6h30 harei 22/7

# Dalam mbang nao ngak bruk pak Bà Rịa-Vũng Tàu, tukvak pahadar 70 thun Harei Thương binh-Liệt sĩ (27/7/1947 - 27/7/2017), Thủ tướng Nguyễn Xuân Phúc hu nao rivang saong alin brei pandap ka dom thương binh pak Pasak điều dưỡng thương binh saong urang hu công Long Đất. Tapa nan, Thủ tướng hu alin brei labaih 60 pok pandap ka labaih 60 thương binh di Pasak saong alin brei pandap ka pasak.

# Tui bruk nan, di Hà Nội, rayo sap ndom Việt Nam jeng hu peih bruk taom gaok dom urang jakar, công chức, viên chức lac thương binh, gauk gar dom sang liệt sỹ. Phó Tổng giám đốc rayo sap ndom Việt Nam Vũ Hải ndom lac: dalam gah  paparsap hu tal 34 nhà báo ndih trun ka bruk khik caga negar. Var taom gaok lac tuk piah hadar dom anh hùng liệt sỹ, dom urang buh pren ka cách mạng. Taphia nan, pato pakai dom urang ranaih, urang jakar, công chức, viên chức, urang ngak di rayo sap ndom Việt Nam ka ilamu ranam taneh ia saong anh hùng bất khuất di ông muk drei. Menyum ia njauk hadar tal halau ia, mbang baoh njauk hadar tal urang pala phun. 

# Hajan prong dui atah dalam jaik sa bilan ini mai ngak ka jalan mbak nao mai meng quốc lộ 4D tapa huyện Xí Mần, tỉnh Hà Giang yau pacang cakak abih;  2 canah jalan meng tỉnh lộ 177 saong 178 kan nao mai hu; 12/19 xã njauk cô lập haong pasak huyện meng 4-5 tuk đồng hồ. Hajan prong gam haong takala ngak  khat lihik tal anek athur saong njam patam di mikva bhap bani huyện Xí Mần. Kuhria rah tapa khat lahik meng adit kreh bilan 6 tal ini jaik 8 tỷ đồng.
# Harei 21/7, di pasak nyaom biai tỉnh Bà Rịa-Vũng Tàu, Liên đoàn Lao động tỉnh Bà Rịa-Vũng Tàu hu peih nyaom biai pok meyaom urang ngak naih joi, urang ngak sáng tạo tukvak 2015-2016. Tukvak ini hu 389 đề tài, 10.566 sáng kiến hu tut angan, dalam nan hu 47 đề tài, labaih 9.400 sáng kiến hu brei angan, patak pataom saong ngak laba hu labaih 10 tỷ đồng. 
# Tỉnh ủy Đồng Nai brei thau, urak ini dalam tỉnh hu 1.633 baoh sang bhap bani baoh sang Khmer ngan haong 6.255 urang, meblah 3% taong abih bhap bani bangsa takik saong meblah 0,2% bhap bani dalam tỉnh. Tui taong yaom di Tỉnh ủy Đồng Nai, dom urang đảng, urang đoàn, hội viên bangsa Khmer dalam tỉnh patagok hu bruk ba akaok nao dahlau dalam pathau khan dom sarak saong ngak siam adat hukum di puk palei. Tukvak tapa, Tỉnh ủy Đồng Nai pandar dom pakat ủy Đảng, karja dom pakat dak padang jalanh cakrok patagok urang đảng , urang đoàn, urang hội cốt cán dalam bhap bani Khmer. 

# ban Cần Thơ, tỉnh Cần thơ barau peih bruk apdang ngak sang iek ruak  Đột quỵ Tim mạch Cần Thơ. Ini lac sang iek ruak Tim akaok mereip hu  apdang di bhum taneran kraong Cuu Long di angaok taneh praong 400m2,  hu jaik 60 laneng saong meda taduan jaik 500 mbang iek ruak yaok harei. Tui kuhria, sang iek ruak ba tame ngak bruk di thun 2018, ngan saong bruk chẩn đoán điều trị đột quỵ, chấn thương sọ não meng trang thiết bị barau; dak padang hệ thống sang iek ruak vệ tinh, pambuak pagam dom tỉnh jaik taphia di miền tây piah taduan urang ruak đột quỵ.
# Tui pasak Y tế pacang caga tỉnh Trà Vinh, kuria meng akaok thun 2017 tal ini, dalam tỉnh hu 876 urang njauk ruak pandiak tabiak darah, tagok labaih 105% dut haong tukvak ini thun dahlau. Tal urak ini, Pasak Y tế dự phòng tỉnh Trà Vinh mboh hu  91 sruh jit ruak pandiak tabiak darah dalam tỉnh; dalam nan, pak huyện Châu Thành hu 28 sruh, huyện Trà Cú 19 sruh.
 
Khaw tin dunya 
# Dom bác sĩ di sang iek ruak Nhi Philadelphia , Mỹ mbang akaok meti  brei thau pren yava di adei likei Zion Harvey (Dai-ần Ha-vi), 10 thun hu cấy ghép abih 2 plak tangin di bilan 7/2015. Tui nan, 18 bilan hadei mbang blaic raih, Harvey meda ngak bruk siam jang saong bruk megei nao mai di dua tangin hu cấy ghép daok hu siam tapa yaok harei. 
# Tui kuhria mboh di gah Y tế dunya, 36,7 triệu urang angaok dunya daok diuk rai gam haong AIDS saong labaih sa meteh dalam dom urang nan hu được iek ruak meng jru pacang caga virút.Gah Y tế Dunya hu panuac lac, labaih 10% manuac urang daok tame iek ruak pak 6 dalam 11 negar hu pasang iek pak châu Phi, châu Á, Mỹ Latinh hu mboh lac kháng jru. Bruk ini meda pambak tal bruk pacang pambak mbak prong di  jit AIDS.

# Tổng Thư ký (TTK) AL Ahmed Aboul Gheit (Át-mét A-bu Ghê-ít) daok pachreih dom taneh ia saong dom gah xã hội dân sự di dunya pabak panuac ieu di gah Y tế thế giới (WHO) saong Quỹ Nhi đồng LHQ (UNICEF) ieu pataom 22 triệu USD, dalam nan 16 triệu USD caong hu drak samal piah caga jit tả di Yemen.