Khaw tin 6h30 harei  22/8

         # Bahrau ni, dom urang dang akaok  xã Tân Hội, huyện Tân Châu, tỉnh Tây Ninh hu peih bfuk jao brei 12 boh sang jum pataom ka  sang kathaot di xã ni. Dom boh sang ni hu padang ngak khang kajap, prong labaih 40m². Abih tih yaom jien padang ngak lac labaih 480 triệu đồng. 

# labaih 40 gru jru saong urang halan hatian mai meng dom sang iek ruak  Đại học y dược, 115, Từ Dũ, 30-4 di Hội Từ thiện An Việt ban raya Hồ Chí Minh, saong kapul thiện nguyện mai meng baha Hùng Long (huyện Phú Quốc, tỉnh Kiên Giang) hu nao iek ruak, brei jru saong alin pandap ka jaik 700 urang di ban sit Biên Hòa saong huyện Long Thành tỉnh Đồng Nai. 

# Ủy ban bhap bini tỉnh Bà Rịa-Vũng Tàu bahrau ginum biai song dom jabat chức năng pagam tal song ba tabiak bruk lac "Meng thun bac 2017-2018 hu pato sap Anh ka anek saih meng tal bac 3 tal tal bac 5 dalam tỉnh". Tui nan, jien ka danak dak hu mek meng kadung jien karja  tỉnh, anek saih meng tal bac 3 tal tal  5 hu bac 4 tiết/sa adit. Langiu di nan, dom adei meng tal 1 tal tal  2 hu tỉnh brei adat ka dom sang bac Tiểu học peih pato sap Anh min jien meng xã hội hóa. 

 # Xã Nghĩa Bình, huyện Bù Đăng (tinh Bình Phước) lac xa hu rilo bhapnini dom bangsa takik diukrai. Tukvak tapa, kayua hatai sahaneng daok bair, ngak mbang kinh te kan kandah yau nan ye bruk brei ka anek nao bac tuk tame tan bac 1 oh ka hu sangka ba tal chat luong bac da-a oh ka glaong. Anak bruk nan, sang bac tiểu học Trịnh Hoài Đức, hu jak ba pathau khan ka dom amaik ame ba anek nao bac. Hè thun ini, sang bac tiểu học Trịnh Hoài Đức pachreih hu 110 anek saih nao bac, tuk camereip mboh hu siam. 

 #   Thun bac  2017-2018, Hội Liên hiệp urang kamei ban raya Hồ Chí Minh hu jao 180 pok jien bac, 47 sruh radeih juak song dom pakat  Hội jao labaih 8.000 pok jienn bac, yaom abih tih labaih 8,5 tỉ đồng ka dom adei, anek saih kamei kan kathao, pachreih bac di ban raya.

 # Anak bruk lingik tasik oh lagaih, tỉnh Tiền Giang daok ba tabiak rilo jalan ngak piah pacang caga bala kayua lingik tasik, trun takik khat lihik, khik caga pala drak saong raidiuk bhapnini. Lac tỉnh daok tapeng tasik Nam bộ, di hạ lưu kraong Tiền, tỉnh Tiền Giang lac sa dalam dom labik bhian dang anak rilo bala yau: tua mbak, ribuk, hajan xua jeng ye gaok tác động trak kayua biến đổi khí hậu.

 # Tỉnh Cà Mau uak ni hu 8 huyện song sa ban; dalam nan, 6 huyện hu dak tame  bhum kinh tế tasik song tapen tasik lac U Minh, Trần Văn Thời, Phú Tân, Năm Căn, Ngọc Hiển song  Đầm Dơi. Ni lac bhum hu kinh tế đa dạng song  phong phú, abih di nyu nan lac kaya ikan hu sản lượng yaok thun labaih 500.000 tấn, jien mek tame meng bruk pablei tabiak negar langiu labaih 1,1 tỷ USD.

          Khaw tin dunya

          # harei 21/8, sa kapal khu trục di  Hải quân Mỹ paoh gauk saong sa sruh kapal pajeng menyek di bhum tasik gah timul Xinh-ga-po (Singapore) saong eo tasik  Ma-lắc-ca (Malacca), ngak takik abih 10 thủy thủ lihik saong 5 urang karei bị thương. Yau nan, dalam jaik 2 bilan tapa, dom kapal khu trục di Hải quân Mỹ hu 2 mbang paoh gauk saong dom kapal thương mại. 

 # Cảnh sát bang gah  pai Vê-ra-cru (Veracru) di Mêhicô hu  dong ka 115 urang di cư, dalam nan hu 41 uranaih, njauk kreik angaok sruh radeih tải. Tui panuac khan di urang dang akaok bang Vê-ra-cru brei thau, cảnh sát hu mboh sruh radeih pajeng dom urang di cư ni di labik Pla-y-a Mu-nê-cốt (Playa Munecos). Sruh radeih ni hu 55 urang likei, 19 urang kamei song dok veik nan lac uranaih. 2 urang peih radeih njauk cap kreik./. 

       # Urang dang akaok gah Hàng không Dân dụng dunya (ICAO) Olumuyiwa Benard Aliu harei 20/8 hu nao tal ban ine Cairo di Ai Cập piah  caga hu mbaok tame nyaom biai ka an ninh hàng không di bhum châu Phi saong Trung Đông.  Nyaom biai hu peih tabiak di ban padheih padhay Sharm el-Sheikh dalam bhum Nam Sinai meng harei 22 tal harei 24/8.