#  Pak Hà Nội bahrau peih bruk parang iek rup cih “Dư âm - Phố” di họa sĩ Vũ Công Khương. Parang iek hu 25 blah rup cih hu cih dalam luac 10 thun di họa sĩ Vũ Công Khương, pambuak siam bruk hội họa saong dom màn trình diễn hòa nhạc cổ điển. Mbang parang iek rah tabiak meng ini tal harei 9/9 di tal 3 Pasak pablei salih IPH – 241 Xuân Thủy - Cầu Giấy – Hà Nội.

     # Kapul SV halan hatain sang bac ĐH Vinh bahrau peih bruk nao rivang song brei pandap ka dom adei anek saih kan kandah dok di xã tapen negar Keng Đu, huyện Kỳ Sơn, tỉnh Nghệ An. Tong abih yaom jien dom pok pandap jiak 25 triệu đồng, lac pok jien kayua dom urang dalam kapul rik patom meng jien blei ia tabau dalam bilan hè meng bloh. Ngan song kadha “Ngak pahla pambuak pagam anit ranam, cambuai klau”, kapul hu jao 300 boh katap ka anek saih, 600 but kalam, 600 tapuk saphau song dom pandap bac da-a ka labaih 300 adei anek saih kan di xã Keng Đu.

       # Kuhria tal puac thun 2015, jien mek tame kuhria tui akaok manuac labik palei pala tỉnh Ninh Thuận mek hu jaik 23 triệu đồng sa urang, tagoj 1,9 mbang dut haong thun 2011. Nan lac bruk ngak hu hadei di 5 thun padang ngak palei pala bahrau. Dalam tuk  kinh tế di tinh daok kan kandah, min Ninh Thuận hu ieu pataom siam pren khang piah padang ngak palei pala bahrau mek hu ralo jak jeng siam mekre.

       # UB bhap bini ban sit Kom Tum bahrau peih nyaom darak pasa pablei salih DN Kon Tum thun 2016,  hu mbaok 200 gian hàng di 90 DN. Ni lac bruk piah ka urang dok dalam tỉnh mai mong iek, blei dom janih pandap VN hu chất lượng song yaom kaom mbiah, saong jeng lac tuk piah ka dom DN di Kon Tum hu taom gaok ginum biai, duah jalan pambuak bruk song dom DN dalam negar

       # Kuhria tal bilan 7/2016, dom labik pato bruk ngak dalam tỉnh kiên giang pato hu labaih 7.400 urang ngak, bahrau hu labaih 26% dut haong bruk ba tabiak nan lac 28.000 urang, nan kan mek hu bruk ba tabiak dalam thun 2016. Tui gah Lao động - Thương binh saong Xã hội di tỉnh ini, hu ralo makna ba tal bruk pato bruk ngak mek hu tanut biar. Tui nan, yaok thun, bruk  tuyển sinh saong tame bac di hệ Cao đẳng saong trung cấp nghề nan lac dalam bilan 9 tal bilan 11, kayua daok cang tamat tuyển sinh Đại học, Cao đẳng, tuk ini anek saih oh daok jalan tame sang bac Đại học, Cao đẳng halei meng nộp hồ sơ tame bac bruk ngak, pilih ruah tame bac takik saong chất lượng oh glaong. 

       # Amuk Phạm Hồng Loan, Chuyên viên chính mBan lambaok ngak bruk gah merong Hội Liên hiệp urang kamei Việt Nam; lambaok Kapul ngak pahla  Thánh Hữu harei hadei (Mỹ) bahrau jao brei 27 radeih lăn, radeih lắc ka urang jaoh jo di huyện Hớn Quản song ban Bình Long. 27 radeih lăn, radeih lắc hu yaom labaih 40 triệu đồng brei ka urang jaoh jo di tỉnh Bình Phước dok dalam danak dak “ Jao brei radeih lăn, radeih lắc anit ranam” Kayua kapul ngak pahla Thánh Hữu harei hadei (Mỹ) di ban raya Hồ Chí Minh dong brei. Bruk brei radeih lăn, radeih lắc nan hu dong ka urang jaoh jo di tỉnh meda nao mai mbuan lagaih song sahanang jang, doong ka urang hu tâm lý thoải mái, kham merat yam tapa dalam rai duik

      # Kapul Pachreih bac bal Tây Ninh peih bruk alin hadiah 100  pok jien bac daong pren nao bac ka dom adei anek saih sang kan kandah di phường Ninh Sơn, xã Tân Bình saong xã Thạnh Tân. Dalam mbang alin hadiah jien bac ini, phường Ninh Sơn saong xã Tân Bình yaok labik hu 30 anek saih hu pok brei jien bac, ta-eng xã Thạnh Tân hu 40 anek saih taduan mek hu jien bac. Yaok pok jien bac hu yaom 520.000 đồng, dalam nan hu 400.000  đồng jien saong 20 baoh siphau. Taong abih yaom jien brei pok jien bac labaih 50 triệu đồng kayua ong Võ Văn Lực - Giám đốc Công ty Trách nhiệm hữu hạn Tân Ngọc Lực daong brei.

      Khaw tin dunya:

     # Yaok ribau urang pacang pandam pui khuah di Oe-ri (Weary), di bang Caliphocnia, Mỹ dok kham merat piah pacang cakak dom mbang khuah glai rah tabiak khang, ngak kan kandah tal  labaih 82 ribau menuac.

    # Urang jakar Italia brei thau, gah khik iek tasik negar ini bahrau  daong hu 246 urang di cư daok theik angaok sa sruh gilai kayau di langiu tasik Địa Trung Hải. Cảnh sát tasik Italia ba tabiak sa đoạn băng hình brei mboh, rilo menuac vượt biên suan adat hukum angaok sa sruh gilai kayau klak hu vak akhar A-rập, hu ba tagok sa sruh gilai di hải quân Italia piah ba tame taneh haluk. Dalam nan hu ralo urang kamei saong uranaih. 

     # Tổng thống Ucraian Pô-rô-xen-cô (Poroshenco) brei thau, meda ba tabiak bruk thiết quân luật meyah bruk mesruh gauk di gah Đông Ucraina nyu jhak jang. Brei panuac di angaok rayo papar binguk, Tổng thống Pô-rô-xen-cô ndom lac, meyah bruk di bhum Đôn-bát atau di  Crưm nyu daok catang tagok ngak brei thỏa thuận ngừng bắn Minxcơ tayah tayac ye meda ba tabiak bruk thiết quân luật, saong brei rilo lực lượng tal dom bhum mesruh metak./.