** Tui Kiểm toán Karja, thun 2015 saong 5 mbang điều hành thun 2016, bruk pandar thuế nhập khẩu meng dom darak pasar karei MFN (20%) dalam điều hành xăng menyek lac oh lagaih haong bruk di anak metangak brei yaom cơ sở glaong tagok, ngak jeng khoản thặng dư praong ka dom gah đầu mối. Meng nan, 10 thương nhân đầu mối hu kiểm toán mboh lac mbang laba hu labaih 3.300 tỷ đồng. Thủ tướng Nguyễn Xuân Phúc pandar Mintri jien padai dang tabiak pambuak bruk haong Mintri Công Thương ngak brei cambaih laih bruk ini, pathau khan tagok Thủ tướng rajaei dalam bilan 3/2018.

**  Harei 1-3, yaok pluh urang bhapbini di huyện Chư Sê, tỉnh Gia Lai njauk tame sang iek ruak kayua mbang ralo menuk. Makna akaok mereip hu brei thau lac kayua tapol menuk jaik 20 drei di sang ông Kpuih Anhut (palei Bung, xã Ia Ko, huyện Chư Sê) mbang njauk jru takuh prai dalam puh amraik kalu yau nan ye metai. Ông Anhut hu parabha dom drei menuk ini ka dua sang daok dalam palei piah ngak ralo mbang. Tuk mbang blaoh, rilo urang mboh pandik hatung, pandik akaok saong giklon yau nan ye nao pasak y te huyện Chư Sê cấp cứu.

** Hadei di rilo tuk tabiak tasik dalam melam sup, tukvak 23 tuk meteh malam 28-2, kapal cứu nạn SAR412 di pasak Pambuak bruk daong duah urang njauk bala jalan tasik bhum 2 di Đà Nẵng hu ba urang ruak lac thuyền viên Guerrero Rosmeni Nedia, umo 48 thun, urang Philipine angaok kapal gilai  Leonidas tame baoh taneh iek ruak. Kapal Leonidas di Hy Lạp angaok jalan meng Singapore tapa Trung Quốc, tuk nao tal labik atah di pulao Tri Tôn, dalam quần đảo Hoàng Sa di Việt Nam 45 hải lý nao gah Tây Nam ye thuyền viên ini njauk nhồi máu cơ tim, caong hu daong chip.

** Ủy ban bhapbini ban Hội An, tỉnh Quảng Nam barau tabiak harak pandar dom po nhà hàng, quán bar dalam khu phố cổ njauk padheih duh tuai damuai dahlau 24h tuk yaok harei, saong meyah yava sap ngak yu sing, lihik trật tự meda njauk kareik pambang. Dom po cơ sở njauk khan dahlau 15 minit brei tuai thau ka bruk padheih ini. Thiết bị yava sap di dom quán bar oh brei hu sap yun tapa 50dB hadei 22 tuk yaok harei.

** UBND ban sit Đà Nẵng tabiak adat brei tạm padeih ngak 2 sang mac thép DANA- Ý saong  DANA- ÚC kayua ngak brei nerak tachauk alam môi trường.  Dalam tuk cang panuac tacei pato langyah di dom urang pan akaok ban sit, ye Công ty Cổ phần thép DANA- Ý saong  Công ty Cổ phần thép DANA- ÚC brei padeih taong abih bruk ngak ba tal nerak tachauk alam môi trường.

Khaw tin dunya

** Gah Y tế dunya (WHO) brei thau, dom urang njaom ruak kum di Ni-giê-ri-a (Nigeria) tagok tal labaih 400 urang, dalam nan dom urang metai tal tukvak ini lac 72 urang. Jeng Tui jabat ini, kuhria meng akaok thun barau tal ini, jit kum hu mboh di rilo labik,  grauk 18 bang di Ni-giê-ri-a (Nigeria).

**   Urang jakar ngak praong di Ôn-đu-rát (Honduras) brei thau, harei 28-2, cảnh sát taneh ia ini bahrau cap mek amuk Rô-xa Ê-lê-na Bô-li-na (Rosa Elena Bollina) lac diuk di ong Pô-phi-ri-ô Lô-bô (Porfirio Lobo), dahlau daih ngak Tổng thống, kayua tham nhũng saong mbang jien di karja. Amuk Bô-li-na  saong dom urang karei ngak harak gar ja, suak mek 680 ribau đô la Mỹ meng dom kadung jien daong pahala di dom taneh ia lingiu brei ka Ôn-đu-rát.

** Mbang không khí laar meng Siberia (Xi-bê-ri) hu angan "Quái vật meng phương Đông" daok nduac tame châu Âu ngak ka takik abih 41 urang metai, dom sang bac njauk kareih pambang. Dom taneh ia dalam châu Âu drah samal padang tagok dom baok sang tạm daong ka urang oh hu libik daok plaih la ar. Lingik la-an trun ala - 20 độ C tuk melam di rilo bhum dalam châu Âu, hu tuk trun ala -36 độ C di Glattalp (Glát-táp) angaok ceik di Thụy Sĩ glaong 1.850 mét duk saong mbaok ia tasik.