# Tukvak tapa hu dom jabat báo chí ba khaw tin di negar langiu brei thau lac "90% thép Việt Nam pajeng tapa Hoa Kỳ hu ngak pak Trung Quốc". Ndom ka bruk ini Mentri Công Thương brei thau yau ini: Tal urak ini, mentri Công Thương oh ka taduan hu panuac khan halei meng gah Hoa Kỳ ka bruk pasang iek thép hu asal di Trung Quốc lac mai meng Việt Nam tuk pablei tapa negar ini. Mentri Công thương pandar dom jabat chức năng patagok bruk pasang iek pacang cakak bruk bleik saleih pandap panda, pablei salih.

# Di  Hà Nội, Mintri ngak nong song patagok palei pala hu họp báo brei thau ka hukum kaya ikan 2017 bahrau hu brei tapa di mbang nyaom ka 4, Quốc hội mbang XIV . Hukum kaya ikan  2017 hu  9 Chương , 105 paka. Hukum kaya ikan 2017 nyu lagaih song bruk ba drei tame dunya, salih bahrau hành chính ba mbuan lagaih ka doanh nghiệp song bhap bini dalam bruk ngak mbang pablei salih kaya ikan 

# Bala angaok jalan mbak nao mai pak tỉnh Lai Châu patagok gam klau gah nan lac dom mbang bala, manuac urang metai saong urang njauk rambuis dalam 11 bilan tapa. Cambaih laih, tal abih harei 15/11, dalam tỉnh rah tabiak 87 mbang bala angaok jalan mbak, ngak ka 40 urang metai, labaih 90 urang njauk rambuis; 80 sruh radaih ô tô, mô tô njauk khut khat trak, khat lahik gah drap ar jaik 1,2 tỷ đồng. 

# Di Hà Nội hu rah tabiak harei pataom cih rup cih “Uranaih  song inem krung lingik tasik Việt Nam”. Harei pataom hu mbaok di 16 kalup kapul  mỹ thuật di dom sang bac dok di ban ine  Hà Nội. Dom adei hu cih tabiak dom blah thaot khổ prong (1,6m x 2,5m) hu rilo asal kadha, ginup sambo màu,pok menyaom  dom siam mekre di lingik tasik, anek menuac di grauk labik dalam taneh ia.

# Jalan pasei meng barak tal Meraong tapa đèo Hải Vân njauk glut jaleih trak urak ini nao mai hu veik. Dalam harei kabroi, hu 6 radaih pui: SE 1,2,9, 10, 21, 22 ngan haong jaik 1000 tuai damuai njauk gar veik pak ga Lăng Cô hu Công an tỉnh Thừa Thiên-Huế pambuak haong gah Jalan pasei ba tame Đà Nẵng piah patui veik bruk nao meng gah Barak tal Meraong.

# Dalam 10 harei tapa, dom  gah chức năng di  tỉnh Bình Định song dom po kapan daok kham merat ngak bruk piah samar njuk tong abih menyek dalam dom kapan pandap piah khik caga oh brei rah tabiak bruk sre menyek tabiak tasik. Tal Urak ni jeng dok 2 kapan pandap dalam 6 boh kapan kram di bhum tasik ban Quy Nhơn, tỉnh Bình Định oh ka jnuk  salah menyek. Tong abih menyek dalam 2 kapan pandap ni  dok labaih  24 tấn. 

# Jabat Kiểm dịch phun pala dalam Mentri Ngak nong Mỹ hu brei mã số ka 34ha dalam abih tih 500 ha darang pak xã Tam Hiệp, huyện Bình Đại, tỉnh Bến Tre hu pablei tapa darak pasa Mỹ. Yau nan min, yaom lac sang bein hu pandar ilamu  kỹ thuật, mek hu chuẩn ini min tal harei ini doanh nghiệp dang tabiak pablei baoh darang tapa darak pasar Mỹ jeng oh blei baoh darang di mikva pak ini. 

Khaw tin dunya:

    # Harei 21/11, Mỹ tabiak bruk  trừng phạt 13 kapul nyaom di  Trung Quốc song  Cộng hòa dân chủ bhap bini Triều Tiên song hu panuac  cáo buộc bruk dong  ka Triều Tiên cagar veik lệnh hạn chế pagam tal danak dak patagok hạt nhân. Mintri jien padai Mỹ tabiak angan trừng phạt ni sa harei hadei di tuk Tổng thống Đô-nan Trăm (Donald Trump) ba Triều Tiên tame veik angan  dom negar dong khủng bố.

# Dalam sa kham merat patrun bruk pagam pambak tame bruk pabaki khí cuh meng Nga, Kapul dầu khí negar Ba Lan (PGNiG) hu mboh tangin tame sa harak pambuak bruk haong sa đối tác di Anh piah blei khí hóa lỏng (LNG) meng Mỹ dalam 5 thun, kuhria meng thun 2018. Taong abih meda hu 9 mbang pandap pajeng meng Cảng khí thiên nhiên hóa lỏng Sa-bin Pass (Sabine Pass), bang Lu-zi-an-na (Louisiana) di Mỹ, tal pabah lamnge thiên nhiên hóa lỏng S-vin-nâu-xche (Świnoujście) di Ba Lan. Abih tih hu blei tal jaik 1 tỉ mét khối .

# Harei 21/11, Thủ tướng Irắc Hai-đơ An-A-ba-đi (Haider al-Abadi) brei thau  Nyaom  khủng bố (IS) njauk tong tayah  Min bruk jayah  puac di abih hu ba tabiak hadei di tuk kol IS njauk pagui pateok tal bhum cuah sa mạc song labik tapen negar  Irắc. Bol bala  Irắc puac adit dahlau mek hu bruk tui iek  Ra-oa (Rawa), ban sit puac abih daok dalam tangin kol  IS. Tui nan, ba tui bruk jaleih tayah di  kol IS kuhria meng tuk kolo nyu meblah mek bhum gah brak song pai Irắc  thun 2014./.