Khaw tin 6h30 harei 23/12

 # Ong Trương Hòa Bình, Ủy viên Bộ Chính trị, Phó Thủ tướng Thường trực raja-ei ba akaok kapul bahrau nao ngak bruk haong tỉnh Thái Bình ka bruk cakrok patagok kinh tế - xã hội saong kết quả peih ngak bruk nội chính thun 2017, bruk ngak saong jalan langyah dalam thun 2018. Phaok Thủ tướng hu mai rivang, alin hadiah pandap ka Amaik Việt Nam Anh hùng Phạm Thị Bờ, tổ 22, phường Bồ Xuyên saong baoh sang thương binh Trương Thanh Hùng, tổ 28, phường Ðề Thám (ban sit Thái Bình); alin brei pandap ka 100 kamuan daok dalam baoh sang sarak karja saong rivang dom doanh nghiệp dalam tỉnh.

# Gam saong dom puk palei bhum Tây Bắc, tỉnh Sơn La jeng daok dalam dom harei la ar trak, la ar praong. Nhiệt độ trung bình tuk page ala 15 độ C; melam saong page dah, meng 6 tal 8 độ C. Dom libik bhum glaong khan lac meda hu băng giá, ia takon. Urang raong glang hu pacang plaih la ar ka tapon athur raong meng bruk caga piah kaya mbang ye: pong neran, phun patei saong patham bạt vil tam dar var raong.

# Daok pak Điện Biên,  2 xã Sín Chải saong Tả Sìn Thàng di huyện Tủa Chùa, dalam page harei 21/12 hu mboh bruk đóng băng. Langik la-ar, hu ralo aia kakuan sara, aia pataom jeng dom tal băng lapih angaok phun kayau, njam patam. Tui karja puk palei, urak ini oh ka mboh khat lahik trak gah kinh tế, bruk khik caga pren yava, khik piah pandap mbang ka athur raong hu  dom xã caga bloh hadei di tuk hu dom panuac brei thau dahlau ka mbang la-ar rah tabiak.

# Pahadar 73 thun harei padang bol bala bhap bini Việt Nam saong 28 thun harei pataom Quốc phòng toàn dân, Đại sứ quán Việt Nam, dom gah lambaok saong bhapbini Việt kiều di Campuchia hu peih bruk caik bingu, cuh gilau di Đài Hữu nghị Việt Nam-Campuchia di ban ine Phnom Penh.

# Pak bal Đà Lạt (Lâm Đồng), mBan tacei pato gah Nhân quyền di Raja-ei saong Ban Tacei pato bruk Thông tin Đối ngoại Trung ương hu peih nyaom biai pathram “Paglaong kein laba bruk thông tin, pathau khan ka quyền anek manuac di Việt Nam”.

# Hadei di ribuk ka 12, rilo sang xưởng dalam tỉnh Khánh Hòa khut tayah urak ini jeng oh ka ngak bruk veik hu, ngak kan kandah tal bruk ngak di jaik 3 rabau urang ngak. Oh hu bruk ngak, rilo urang padheih cang bruk ngak meng 3 tal 6 bilan. Uỷ ban bhapbini tỉnh Khánh Hòa tacei pato dom gah, puk palei drak samal daong dom doanh nghiệp ramik pasiam dom khut khat di mbang ribuk 12, pasiam bruk ngak, ba  bruk ngak ka urang ngak.

# Tỉnh Quảng Bình hu mboh 42 công trình ba aia hacih daok klaak sraoh saong peih ngak oh hu kein laba. Dom công trình ini hu padang ngak meng ralo phun jien min ralo meng lac kadung jien karjar tapa dom danak dak bruk ngak negar saong phun jien mesre ODA.

Khaw tin dunya

# Sa mbang megaiy baoh taneh khang 5,2 độ rích-te barau rah tabiak di ban Ma-lớt- Iran, ngak ka rilo urang bhapnini taneh ia ini laik tame bruk srau kadau, min tal urak ini jeng oh ka mboh khan brei thau ka urang metai atau khat lihik halei. Rajaei Iran ieu urang bhapnini jhui duh hatai saong caga dom dư chất meda rah tabiak.

# Nga daok kuhria caga dom jalan ngak anak bruk  Mỹ saong dom negar karei ba tabiak bruk taong phạt tame Nga. Bilan 8 meng blaoh, Tổng thống Mỹ Đô-nan Trăm hu mboh tangin jeng hukum dom jalan taong phạt bahrau tame Nga, Iran saong Triều Tiên hadei di tuk dom dự luật ini hu quốc hội Mỹ brei tapa.   

 # Gilang pariak negar Trung Quốc khan brei thau, tỷ giá trung tâm di jien Nhân dân tệ mek hu tanut glaong di abih dalam 3 bilan tapa, daok dalam tanut jaik 6,6 yaok đô la Mỹ. Dom gah langyah ka jien padai lac,tapa nan brei mboh bruk tani tanat di darak pasal dunya ngan saong janih jien Nhân dân tệ./.