# Tui Mentri Jien padai, hadei di Tết lac tukvak di lễ hội, nan ye bruk nao mai, mbang menyum pak gah langiu, kaya angui duh ka lễ hội akaok thun daok caong hu ralo jang. Piah khik grap tanat yaom kaom darak pasar dalam bilan 3 saong quý II/2018, Mentri Jien padai pandar dom mentri, ngành, puk palei pasang iek bruk pablei salih, darak pasar, yaom kaom, khik siam bruk cung cầu piah grap tanat yaom kaom darak pasar.

#“Tết pala phun miet miet hadar  dhar phor Wa Hồ” di dom tỉnh, ban gah barak hu peih ngak dalam dom harei akaok thun bahrau Mậu Tuất 2018, song dom  tỉnh gah merong  di tuk pahadar harei menek  Wa, harei 19 bilan 5. Tổng cục Lâm nghiệp, Mintri ngak nong song patagok palei pala brei thau, Tết pala phun  Mậu Tuất 2018: hu pala 195 ribau  ha glai song 50 triệu phun phân tán.

# Piah cakrok patagok chuỗi an toàn pandap mbang menyum, tal urak ini, dom puk palei dalam negar padang hu labaih 760 chuỗi cung ứng, dalam nan hu jaik 400 chuỗi xác nhận pandap panda hu pasang iek tui quy chuẩn ngak nong siam mekre. Thun 2018, Mentri ngak nong saong patagok palei pala hu pok tagok raja-ei patabiak 2 Nghị định ka bruk ngak nong hữu cơ saong patagok hợp tác xã. Meyah hu brei tapa, dom Nghị định nan, lac jalan adat piah tacei pato ka bhap bani saong doanh nghiệp ngak tabiak dom janih pandap siam, taphia di nan patagok bruk pasang iek piah langyah dom bruk ngak suan.

# Bhum Tây Nguyên dok yam tame tuk tabung glong di bilan thu. Tỉnh Kon Tum hu labaih 600.000 ha glai. Piah pacang khuah glai, dom đơn vị dalam tỉnh  hu padang yaok pluh chốt, bilai pasang iek menuac tame tabiak glai , patagok bruk tui iek piah samar mboh bruk lih mek glai song am hamu puh ngak ka pui mbang tame glai. Taphia di nan, dom po glai song karja dom pakat di tỉnh Kon Tum hu dom jalan ngak cambaih laih piah ieu pataom samar di abih gah pandam pui tuk khuah glai.  

# Palih ruah sinh viên đại học hệ chính quy thun 2018, ralo sang bac hu peih prong dom môn pilih ruah, dalam nan hu ralo ngành pilih ruah dom môn cagar veik haong ngành pato pakai, yau ngành kỹ thuật, công nghệ, kế toán...meng dom môn Văn- Sử- Địa. Ralo chuyên gia ndom lac, thí sinh njauk sahneng kuhria kayua bruk karei gauk di dom ngành bac saong dom môn pakacah meda ngak ka dom adei oh tui samu danak dak pato pakai hadei di nan.

Patui veik khaw tin dunya

# 4 tỉnh di Inđônêsia bahrau tabiak bruk khẩn cấp anak bruk pui khuah glai meda rah tabiak khang jang. Khuah glai yaok thun di Indonêsia ba tal rilo sauk pui, ngak jhak tal pren yava bhap bini di  Indonesia jang yau dom negar dok jiak tapen di  Đông Nam Á. Bruk báo động khẩn hu ba tabiak di Ri-au (Riau), Nam Sumatra (di palao Sumatra) song dom tỉnh Tây song Trung Kalimantan (di palao Borneo) piah palagaih ka bruk pacang khuah glai jang yau taduan hu bruk dong brei meng rajaei trung ương.

# Urang pal akaok Đảng Dân chủ dalam quốc hội Mỹ harei 21/2 hu panuac iew  quốc hội phê duyệt 300 triệu đô la brei ka Cục điều tra Liên bang Mỹ (FBI) piah pacang cakak veik dom kham merat di negar langiu ba tangin tame bruk palih ruah urang ka quốc hội saong raja-ei bilan 11 thun 2018. Panuac iew nan hu ba tabiak dalam tukvak hu ralo huac kanda ka bruk Nga duah jalan ba tangin tame bruk buh phiếu anak tal.

# Meng harei  21 - 22/02/2018, Pasak ilamu  En Xa-uy (El Sawy) di Ai Cập peih harei pataom ilamu Sakia mbang ka 15 di ban ine Cai-rô (Cairo). Dalam harei pataom ilamu Sakia 2018, đại sứ quán Việt Nam tại Ai Cập hu caga siam ka gian hàng parang iek  ngak brei mban peih bruk song tuai damuai biak caik hatai tapa danak dak  daoh tamia biak gheih, mekre./.