# Di gah langiu mbang nyaom ka 5, Quốc hội mbang 14, ralo urang Quốc hội caong khin, tui jalan salih bahrau dalam ginum biai, sua tangi, dak padang hukum, Quốc hội hu ralo jalan ngak piah langyah dom kadha bo cử tri sangka. Pak mbang nyaom ini, sa dalam dom kadha bahrau nan lac paglaong chất lượng mbang sua tangi tui  jalan ngak lac sua tangi 1 minit, javap jaliey 3 minit. Abih di nyu nan lac salih bahrau bruk sua tangi saong javap jaleiy patagok bruk ndom biai nao mai dalam bruk ngak di Quốc hội.

# Urang QH Nguyễn Bá Sơn (Đoàn Đà Nẵng) caong khin Quốc hội meda ginum biai saong brei panuac piah ngak camabih dom asal kadha dalam harak pathau khan taong yaom pabak bruk patago kinh tế - xã hội saong kadung jien karja 2017; Bruk patagok kinh tế - xã hội saong kadung jien karja dom bilan akaok thun 2018. Tui urang QH ini, yaom lac jalan patagok kinh te dom bilan akaok thun ini hu rilo hadah hadai, min njauk ginum biai dom jalan ngak piah patagok kinh tế khang kajap jang di tukvak tal.

 # Urang QH Nguyễn Ngọc Phương – Phaok akaok kapul urang Quốc hội mbang 14 tỉnh Quảng Bình brei thau, bruk lac bí thư pakat tỉnh oh njauk lac menuac dalam tỉnh meda rik daong lângyh bruk cục bộ, bè phái saong jeng lac jalan pasiam veik dom yếu kém di bruk ngak urang jakar dalam tukvak tapa.

# UBND tỉnh Phú Yên barau tabiak bruk brei labaih 18,3 tỷ đồng piah daong ka urang raong hadang hùm di ban sit Sông Cầu gaok khat lihik kayua hadang hùm raong meng lồng metai rilo. Tui nan, urang raong hadang hùm gaok khat lihik meng labaih 70%  hu daong 3 triệu đồng ka 100 m3 lồng raong; khat lihik meng 30 - 70% hu daong 2 triệu đồng ka 100 m3 lồng raong. 

 # Yaom pabui hơi di pasak raong glang Đồng Nai tagok glaong tal tanut  46.000 – 48.000 đồng/kg. Yau nan min, Hiệp hội raong glaong Đồng Nai hu panuac kakei urang raong glang njauk duah thau ka darak pasar, plaih patagok bruk raong ba tal pablei oh abih yau thun 2017. 

Khaw tin dunya

   # Tui urang jakar ngak praong gah Quốc phòng Nhật Bản, bruk sangka di dunya daok tuh tame nyaom biai thượng đỉnh Mỹ - Triều tui kuhria rah tabiak di harei 12/6 tal. Ini lac mbang taom gaok akaok mereip di sa Tổng Thống daok par bruk di Mỹ saong sa urang dang akaok Triều Tiên. Nhật Bản hu panuac caong lac dom mbang ginum biai meda ba mai siam mekre dom bruk praong pambuak tal danakdak tên lửa saong hạt nhân di Triều Tiên.

# Công-gô daok peih bruk klauk jru pacang cakak jit Ebola pak Mơ-ban-da-ca (Mbandaka), labik hu tal 4 urang metai. Bruk ba tabiak lac klauk jru ka dom urang akaok mereip lac dom urang ngak gah y tế trước dahlau di tuk pamaong tal dom urang mbuan taom gaok haong dom urang njaom mbak ruak.

# Bộ Thống nhất Hàn Quốc brei thau, harei 21/5 sa mbang tra mintri ini ba tabiak angan urang vak nao ba tin bruk yah klak mblang thử hạt nhân Pung-gi-ơ-ri (Punggye-ri) min gah Triều Tiên jeng oh njauk hatai. Dahlau nan, Triều Tiên khan brei thau meda yah klak mblang thử hạt nhân ini meng harei 23 tal 25 /5 saong meda brei dom urang vak meng 5 taneh ia dalam nan hu Hàn Quốc, Mỹ ba tin ka bruk ngak ini./.