# "Bhap bani bangsa Khmer ngan haong ilamo Nam Bộ" nan lac angan ieu di dom bruk ngak "kraong aia miền Tây" daok rah tabiak di palei ilamo – rivang ma-in dom bangsa Việt Nam, Đồng Mô, Sơn Tây, Hà Nội. dalam nan, bruk ngak praong piah yaih khan bruk mbang huak di bangsa Khmer hu dom nghệ nhân Khmer Sóc Trăng ngak veik biak gheih. Dom bruk ngak “Kraong aia miền Tây” rah tabiak tal abih bilan 8/2016.

       # Pahadar 71 thun cách mạng bilan 8, harei negar 2/9 saong 71 thun harei t công an bhap bini VN, melam 21/8, hu rah tabiak danak dak daoh tamia, taom gaok ndom biai nao mai “dom chiến công nao gam saong thun bilan” saong pataom iek veik bruk jak ba roh duah, pathau khan kỷ vật sajarah dak rai công an bhap bini. Hadei di labaih 3 thun peh tabiak, mban peih bruk taduan hu labaih 5 ribau hiện vật, kỷ vật sajarah di gah công an bhap bini, dalam nan hu 200 kỷ vật hu palih ruah, pabak tame parang iek di miuyim.

       # Trung ương Đoàn Dam dara cộng sản Hồ Chí Minh, Ủy ban An toàn giao thông Quốc gia pambuak haong Tỉnh đoàn Đắc Lắc saong Công ty Honda Việt Nam bahrau peih  Harei ilamo giao thông saong peih bruk pakacah “Dam dara ngan haong Ilamo nao mai angaok jalan”. Tỉnh Đắc Lắc lac labik prong, pasak di bhum Tây Nguyên; bhap bani bangsa takik hu thau saong ngak njauk adat hukum nao mai angaok jalan mbak daok biar. Kayua YAU nan ye  MBUAN ba tal bala. Tapa dom bruk ngak di harei nyaom meda rik daong pacang cakak dom kadha ba tal bala, ngak brei salih bahrau siam dalam dam dara uranaih saong bhap bani ka bruk ngak njauk tui dom adat hukum tuk nao mai angaok jalan. 

        # UB bhap bini huyện Bát Xát, tỉnh Lào Cai barau mbaoh tangin tame dự án pasiam veikbaoh tatua tuan nao palei Sùng Hoảng, xã Phìn Ngan, tui yaom jien ngak abih labaih 400 triệu đồng meng kadung jien dự phòng di huyện, piah pabak bruk nao mai di bhap bini bhum gaok bala meng langik tasik, abih di nyu nan lac dom adei anek saih nao bac hu siam mekre salamat dalam thun bac barau.

         # peih ngak Quyết định ka 18/2011/QĐ-TTg harei 18/3/2011 di Thủ tướng raja-ei ka sarak ngan haong urang hu angan je dalam bhap bani bangs takik, tỉnh Hòa Bình hu sangka iek glang ka 1.638 urang hu angan je di 11 huyện, bal dalam tỉnh.

         # Urak ini di tỉnh Bình Phước daok hu 6 dự án salih taneh glai tapa ngak bruk karei (abih tih 653 ha) njauk padeih ngak hadei di bruk tacei pato kreik pabah mbang glai tự nhiên di thủ tướng rajaei. Sở ngak nông saong patagok palei pala Bình Phước brei padeih taong abih dom dự án ini piah pasang iek, pathau khan tagok UB bhap bini tỉnh hu jalan langyah.

        # Meng labaih 3 ribau mét vuông taneh, dahlau diah sang sa-ai  Nguyễn Thị Mỹ Linh daok di ấp 3, xã Hòa Mỹ, huyện Phụng Hiệp, tỉnh Hậu Giang tok thau pala padai, tabau. Yau nan min, jien mek tame tok ginup  mbang yaok harei. Atah di ini labaih 1 thun, tapa  tapuk, báo ndom ka bruk raong ada langik di  urang nong dom  tỉnh gah Barak brei jien mek tame glaong nan ye sa-ai hu tabiak tal Ninh Bình, Hưng Yên piah duah thau, bac megru jalan raong anek athur glai ini. Hadei di nan buh tabiak labaih 100 triệu đồng piah blei 3 rituh drei ada langik si mebaoh saong  1 ribau baoh nhờ lò ấp piah raong. Kayua tareng roh duah, bac megru ilamu di dom urang nong raong ada langik di gah Barak nan ye tal urak ini sa-ai hu jak jeng haong bruk raong bahrau ini. 

        Patui di ini dom khau tin dunya:

       # Cảnh sát TL daok caga tabiak mbaok lực lượng đặc biệt piah langyah bruk urang gam peih radaih gam me-in Pô-kê-mon Gâu. Bruk ngak nan piah patrun bala rah tabiak tuk nao mai angaok jalan. 

      # Sa mbaik tatua di  huyện Tu Thủy, tỉnh Giang Tây, gah timur Trung Quốc bahrau jaleih ngak ka 3 urang metai, 2 urang njauk rambuis. Tui dom urang jakar, tuk mbaik tatua jaleih hu sa sruh radaih patuh saong sa sruh  ô tô daok nao angaok tatua. Klau urang angaok sruh radaih ô tô daok gar dalam radaih hu brei thau lac metai blaoh, dua urang angaok radih patuh njauk rambuis hu dom urang cứu hộ ba tame sang iek ruak. 

      # Akaok UB Châu  âu Giăng Clốt Giăng-cơ ndom lac, bhap bini Thổ  NHI$  kỳ tok di hu mbang tui bruk miễn thị thực tame dom taneh ia daok dalam liên minh châu âu meng bilan 10 tal meyah TNK pabak hu taong abih dom yêu cầu di khối ini, dalam nan hu bruk pasiam veik hukum pacang khủng bố./.