# Tui kuhria mboh di Cục An toàn Thông tin, Mintr Thông tin saong Truyền thông ye 95% dom bruk gah an toàn thông tin bhian mai meng anek menuac. Kayua yau nan ye, lingiu di bruk dom jabat njauk padang jalan pacang caga virus saong bhian rà quét virus, urang pandar komputer brei hu pathau khan, brei thau xử lý virus.

# Sang iek ruak Trung ương Huế barau peih nyaom biai alamu saong  brei tabiak quyết định padang pasak pagaiy –mbaok. Dom nha sỹ dang akaok ngành dalam taneh ia hu khan brei thau dom roh duah saong klah rabha alamu pandar dom kỹ thuật barau dalam iek dom ruak pagaiy –hàm –mbaok.

# Kapul ngak bruk di Ủy ban bhap bini ban raya Hồ Chí Minh  bahrau nao pasang iek bruk pasiam dom kan kandah meng jaleih tatua Long Kiểng, huyện Nhà Bè saong pandar dom gah chức năng samar ngak pasiam tatua, samar brei ka radaih di bhap bini pak nan nao mai mbuan lagaih di abih.  Tui kuhria bruk ramik pasiam saong brei radaih nao tapa tatua Long Kiểng hu ngak salah bloh dalam 10 harei tal.

# Nyaom roya Đảng bộ tỉnh An Giang mbang yaka X brei thau du lịch lac gah kinh tế praong di tỉnh ngan saong kadha” paglaong caong khin patagok, ndom nao gam saong bruk ngak sáng tạo, jhul khang patagok  du lịch”. Ini jeng lac tỉnh hu rilo bangsa, rilo agama ngan saong 4 bangsa: Kinh, Khmer, Chăm, Lo, hu rilo ilimo bangsa biak hu yaom.

# Dalam nyaom biai taong yaom bruk salih bahrau hành chính thun 2017 saong ba tabiak jalan ngak salih bahrau hành chính thun 2018, UBND tỉnh Hậu Giang ba tabiak bruk lac padang dom jabat ngak bruk karja haci hacih, khang kajap, hu ilamu, naih gheih, ngak bruk hu siam lagaih, kein laba.

Khaw tin dunya

# Akaok Mintri jien padai dom taneh ia dalam bhum pandar jien euro barau brei tapa pok jien daong 6,7 tỉ euro ka Hy Lạp hadei di tuk rajaei Athens peih ngak rilo bruk salih barau gaok tranh cãi ba tal dom bruk tabiak jalan saong đình công dalam taneh ia.

# Venezuela hu panuac phản đối dom jalan trừng phạt di Liên minh Châu Âu (EU) pamaong tame 7 urang ngak praong di rajaei Tổng thống Nicolas Maduro, saong daok hu panuac lac khối ini pang tui Mỹ. Lingiu di nan, Venezuela jeng hu panuac chỉ trích bruk neh rabha bangsa di Nhà Trắng.

# Hạ viện Mỹ barau brei tapa jalan ngak katut tukvak piah daong dom bruk ngak di rajaei liên bang tal harei 8/2 tal, padheih bruk rajaei taneh ia ini njauk kareik bambang dalam 3 harei tapa, dalam nan jeng hu bruk dui atah tukvak danakdak bảo hiểm pren yava ka uranaih veik 6 thun tra./.

Musa saong Thuy Linh lang tapa sap Cam