# Page harei 23/3, adat raok Tổng thống Hàn Quốc Moon Jae-in rivang pakat Karja tal Việt Nam hu rah tabiak di bal ine Hà Nội. Ini lac mbang rivang Việt Nam akaok meti di Tổng thống Moon Jae-in. Mbang rivang caong khin jhul patagok talei rohim pambuak bruk di Việt Nam-Hàn Quốc. Hàn Quốc nan lac sa dalam dom gah pambuak bruk ngak mbang kinh tế prong daog akaok di Việt Nam ( dang akaok  gah đầu tư, dang ka 2 gah pambuak bruk patagok thương mại, du lịch). 

# Bruk jao Giải Âm nhạc Cống hiến mbang ka 13 – thun  2018 kayua Báo Thể thao & Văn hóa  (Thông tấn xã Việt Nam) peih ngak bahrau rah tabiak di  Cung văn hóa Hữu nghị Việt Xô. Yam tapa 7 đề cử, Giải thưởng "Music video di thun" hu pok brei  tác phẩm “Em gái mưa” di Mr Siro, hu ca sĩ hương tràm daoh. danak dak thính phòng giao hưởng angan lac  “Ia harei di hulin” tui sap doh di Nghệ sỹ Ưu tú Đăng Dương song hu pok brei Giải thưởng "danka dak di thun".

# Bruk peih mbaok harei pataom bingu Anh đào – Mai vàng Yên Tử thun 2018 ngan haong kadha “pambuak bruk saong patagok – Labik mai di jak jeng siam mekre” hu peih tabiak di Pasak ilamo Trúc Lâm Yên Tử (bal Uông Bí, tỉnh Quảng Ninh). Ini lac mbang ka 6 tỉnh Quảng Ninh pambuak haong Hiệp hội ilamo dunya Nhật Bản Wanokai peih harei pataom bingu Anh đào saong lac mbang ka 3 hu bruk pambuak gauk haong bingu Mai vàng Yên Tử.

# Sở padang ngak ban Đà Nẵng bahrau hu panuac kakei bhap bini oh blei dom boh sang chung cư di  karja ngak pô dok hu ieu pablei  . Urak ni di ban Đà Nẵng rah tabiak bruk pablei salih, sang nhượng, dalam nan hu ieu pablei di angaok  mạng dom boh sang  chung cư kayua karja  ngak pô hu Ubbhap bini ban  Đà Nẵng brei ka bhap bini pah piah dok. Meyah bhap bini mboh bruk pablei salih  chung cư suan hukum brei khan chip ka jabat  chức năng.

# Tỉnh Quảng Ngãi bahrau ba tabiak  bruk pachreih tui tuk baoh taneh 2018 ngan haong kadha "Go More Green – Harei ini dahlak diuk hijao jang". Ong Trần Phước Hiền, Akaok Sở Công thương tỉnh Quảng Ngãi brei thau, tỉnh hu ralo bruk ngak siam pachreih tui bruk tuk baoh taneh piah pathau khan, jak ba dom kapul nyaom, menuac urang patak pataom năng lượng, khik caga môi trường saong ứng phó haong bruk biến đổi khí hậu di dunya.

# Labaih 1 tỷ đồng jien bac  meng  học kỳ 2, thun bac  2016-2017 tal urak ni sang bac  đại học Kiên Giang oh ka jao ka  sinh viên. Dom  sinh viên mek hu tanut joi min hu rai duik kan kandah brei thau bruk suai brei pok jien bac daok ngak ka bruk bac daa di dom adei gaok kan kandah. Dalam tuk sang bac oh brei tavak jien học phí. Ong Nguyễn Văn Thành, Phó Hiệu trưởng sang bac  đại học Kiên Giang ndom lac hu bruk suai damuai dalam bruk brei pok jien bac ka sinh viên. Tui  ong Thành, makna lac kayua kadung jien karja ba brei suai, nan ye urak ni sang bac daok pasang iek piah brei ka dom adei.

Khaw tin dunya

# Quốc hội Mi-an-ma bahrau nyaom biai piah ba tabiak angan dom ứng cử viên piahpilih ruah pok ngak Tổng thống negar ini, salih ka ong Tin Chô (U Htin Kyaw) bahrau likau padeih meng kreh adit hadei di 2 thun pal quyền kayua pren yava trun. Tui panuac khan meng Quốc hội Mi-an-ma, nyaom palih ruah di Hạ viện meda palih ruah tabiak sa phaok Chủ tịch piah hu mbaok tame mbang pakacah ngak Tổng thống ngan haong 2 phaok  Tổng thống urak ini lac ong Min Xuế (U Myint Swe) saong ong Hen-ri Van Thi-ô (Henry Van Thio). Tui Hukum negar, Mi-an-ma meda duah ka bahu urang pal akaok bahrau dalam 7 harei ngak bruk kuhria meng di tuk Tổng thống Tin Chô likau padeih di harei 21/03.

# Akaok mnitri  Lao động Thái Lan Sang-sing-keo (Adul Sangsingkeo) brei thau, negar ni dok pandar  công nghệ quét mống mắt (IRIS) piah nhận dạng, khik ramik urang ngak  nhập cư. Bruk pandar công nghệ quét mống mắt dong ka dom jabat  chức năng Thái Lan ngak  thủ tục xác minh angan je, brei adat ka dom urang ngak nhập cư dahlau di harei  31/3.

# Mentri Quốc phòng Mỹ brei thau, Hạ viện bahrau phê chuẩn kadung jien karja brei ka Jabat tên lửa phòng vệ Mỹ thun 2018 nan lac 11,5 tỷ đô la Mỹ. Ini lac tanut glaong di abih oh ka mboh meng dahlau mai brei ka gah ini. Urak ini Hạ viện jeng brei tapa sa yaom jien 1,3 ribau tỷ đô la Mỹ ka dom jabat hành chính piah pacang cakak bruk rajaei kareik pabah mbang dalam melam 23/3)./.