# Huyện Vĩnh Cửu, tỉnh Đồng Nai bahrau hu pok brei angan lac chuẩn palei pala bahrau. Vĩnh Cửu nan lac tuyện thuần nông, bhum atah bayah hu ralo bhap bani Chơro di tỉnh Đồng Nai. Jien mek tame kuhria tui akaok manuac di huyện Vĩnh Cửu hu 56 triệu đồng/urang/thun, tagok labaih 2,7 mbang dut haong thun 2011. Baoh sang kathaot dalam huyện Vĩnh Cửu trun khang, meng từ 7,6% dalam thun 2011 trun daok 0,74% thun 2017. Dalam bruk cakrok ngak nong, palei pala, Vĩnh Cửu padang hu bhum pala kruac bung labaih 900 ha, jien mek tame meng 800 triệu tal 2 tỷ đồng/ha/thun; labaih 2.800 ha pa-aok mek jien tame hu meng 400 tal 600 triệu đồng/ha/thun. 

# Meng thun 2011-2017, tỉnh Bà Rịa- Vũng Tàu hu labaih 8.000 urang ngak hu pato bruk ngak nong. Hadei di tuk tame dom tan pato bruk, urang ngak di palei pala hu bruk ngak tagok duk saong bruk ba tabiak, chất lượng urang ngak palei pala dalam tỉnh dak harei dak siam jang. Tapa nan, rik daong tame bruk patagok kinh te – xa hoi di dom puk palei, abih di nyu nan lac di dom puk palei padang ngak palei pala barau.

# Piah palih ruah manuac urang halar tian duh ka Festival Huế 2018, rah tabiak meng 27/4 tal 2/5, meng akaok thun ini, Tỉnh Đoàn Thừa Thiên-Huế hu palih ruah meng  1.600 urang nan lac đoàn viên dam dara, anek saih, sinh viên bac megru, ngak bruk dalam tỉnh. Tapa pato pasram saong nao maong iek tapak, 300 urang halan hatian hu palih ruah nao ngak dalam Festival Huế thun ini. Dom urang halar hatian njauk hu ilamu ndom puac nao mai, thau ralo ka lễ hội, ilamo nghệ thuật Việt Nam, ilamo, anek manuac Huế; thau ka dak rai sajarah, inem krung, danh lam thắng cảnh Thừa Thiên-Huế; ndom puac siam sap negar langiu, thau sơ cấp cứu, thau langyah bruk rah tabiak…  

# Rah tabiak meng harei 18 tal harei 22/4, harei pataom tapuk Hải Châu, ban Đà Nẵng pachreih hu  230 rabau mbang urang puac mai ravang iek, blei; jien mek tame hu jaik 19 tỷ đồng. Harei pataom tapuk thun ini hu rilo gian pablei jang, praong jang biak rilo duk saong dom thun dahlau, ngan saong labaih 200 gian di 50 labik xuất bản saong phát hành. Jaik 400 rabau bản tapuk hu pablei tabiak dalam 5 harei tapa. 

# Pahadar 43 thun peih paha gah meraong, yasa taneh aia, (30/4/1975 -30/4/2018) saong mbang pataom sân khấu chuyên nghiệp pakat negar 2018, sân khấu kịch Trịnh Kim Chi hu ba phim “Rặng trâm bầu” tagok sân khấu. Vở diễn Rặng trâm bầu di tác giả Vũ Trinh - Chuyển thể meng bộ phim gam angan di  đạo diễn Bùi Đình Thứ hu mbaok di dom diễn viên NSƯT Trịnh Kim Chi, Mỹ Dung, Chánh Thuận, Lê Khâm, Thành Vinh, Nhựt Huy, Uyên Nhi, Duyên Mỹ, Công Hậu, Khánh Vân, bé Huyền Mỹ…gam haong dom diễn viên, học viên di sân khấu Trịnh Kim Chi.

Khaw tin dunya

  # Harei 22/4 labaih 1.000 mikva urang Việt meng grauk puk palei di Cộng hòa Séc saong dom taneh ia châu Âu hu pataom tame harei pacit da-a Pô Hùng mbang yaka 7 hu peih ngak di pasak pablei salih Sa Pa di ban ine Praha. Thun ini, mbang akaok meti harei pacit da-a hu Hội đồng hương Phú Thọ di Cộng hòa Séc peih ngak saong bruk pambuak gauk di Liên hiệp kapul urang Việt Nam di châu Âu, kapul urang Việt Nam di Cộng hòa Séc, saong hu bruk daong di Đại sứ quán Việt Nam di  Cộng hòa Séc.

      # Mentri Quốc phòng Hàn Quốc bahrau brei thau meda brei padeih dom danak dak pathau khan di labik tapen negar haong Triều Tiên, meng harei 23/4, piah ngak jeng labik siam mekre, sron mbon dahlau di nyaom biai pakat glaong dua gah Triều Tiên mbang akaok meti dalam labaih sa pluh thun tapa, tui kuhria meda rah tabiak di harei  27/4 tới.   

# Harei 20/4, urang bhapbini di ban ine Arab Saudi – taneh ia hu dom Hukum Islam biak catang – hu tuh mai rạp chiếu bóng akaok meti hu peih pambang  hadei di labaih 30 thun saong piah maong bộ phim bom tấn barau abih mai meng điện ảnh di taneh ia Mỹ - “Black Panther”. Bruk peih akaok ini tok caik ka tuai hu daa mai maong phim “Black Panther” di Hollywood, barau lac sa dalam kadha jhul khang bruk patagok sa xã hội cởi mở jang di sa urang Hoàng thái tử 32 thun lac Mohammed bin Salman./.