# Mentri pato megru bahrau brei thau ka Dự thảo Thông tư patabiak danak dak sap Yuan brei ka urang Việt Nam di negar langiu. Danak dak hu padang ngak piah ba mbuan laghaih ka bruk pato, bac sap Yuan saong pasang iek taong yaom, daong ka dom urang Việt Nam di negar langiu – abih di nyu nan lac rai rah dam dara, caong khin hu ginup ilamu sap Yuan piah ngak bruk, bac megru saong roh duah. Ini jeng lac sa bruk ngak biak hu makna piah pachreih urang Việt di negar langiu pamaong tal palei negar. 

# Mbang pakacah THPT pakat negar thun 2018 di hội đồng pakacah tỉnh Gia Lai hu 37 libik pakacah, neh rabha jeng 4 cụm. Tui nan, labaih 12 rabau thí sinh hu caik pakacah di 553 haduk. Ông Phạm Văn Căn, Chánh văn phòng Sở pato megru Gia Lai brei thau, hội đồng pakacah hu dak padang 63 kapul dut iek peih bruk dut iek chéo dom libik tut angan pataom tame pakacah piah duah mboh bruk suan, drah samal ramik pasiam, pabak, khik caga quyền lợi thí sinh. Gam saong nan, gah pato megru daok pasram, paglaong ilamu, peih bruk taong yaom năng lực, parabha thí sinh piah pasram; pambuak bruk saong dom sang bac, puk palei duah iek, dut iek khik caga cơ sở vật chất.

# Uỷ ban bhap bani tỉnh Phú Yên bahrau parabha 18 tỷ đồng piah daong brei ka urang raong hadang hùm di bal sit Sông Cầu hu hadang metai di kreh thun dahlau. Jien daong ini mai meng Kadung jien Trung ương brei pabak ka tỉnh Phú Yên. Tui nan, urang raong hadang hùm njauk khat lahik labaih 70% hu daong 3 triệu đồng/100 m3 lồng raong; khat lahik meng 30% tal 70% hu daong 2 triệu đồng/100 m3 lồng raong.

# Urak ini, tỉnh Bình Thuận hu 1 huyện saong 49 xã hu chuẩn palei pala barau, dalam nan hu 4 xã harat bhapbini bangsa takik. Xã ngak hu chuẩn palei pala barau daok rik daong paglaong chất lượng raidiuk bhapbini. Urak ini, jien mek tame di yaok urang hu 34,5 triệu đồng sa urang sa thun, tagok 1,7 triệu đồng duk saong thun dahlau. Ông Nguyễn Hữu Phước - Phó Giám đốc Sở ngak nong saong patagok palei pala tỉnh Bình Thuận brei thau: Tui bruk ba tabiak tal thun 2020 tỉnh Bình Thuận njauk hu 60% dom xã ngak hu chuẩn palei pala barau, jaik 58/96 xã saong hu bình quân 16,5 tiêu chí, oh daok xã halei ala 9 tiêu chí. Piah ngak hu bruk ini Bình Thuận jeng ba tabiak jalan ngak biak cambaih laih.

# Tukvak ini, yaom panat Thái di ralo tỉnh, bal dalam bhum taneran kraong CL trun jaik 5 mbang dut haong 1 bilan dahlau. Tui ralo urang nong di tỉnh Hậu Giang, urak ini panat Thái janih 1, prong labaih 10 kg/ sa baoh daok tok 8.000 đồng tal 10.000 đồng/kg; panat Thái janih 2, teik trak meng 8 tal 10kg/sa baoh daok tok  5.000 đồng/kg; panat Thái janih 3 teik trak ala 8kg/sa baoh daok tok jaik 3.000 đồng/kg. Makna ngak ka yaom panat Thái laik yaom nan kayua urang blei salih takik blei piah pablei tapa Trung Quốc.

Khaw tin dunya

# Mintri jien padai Trung Quốc brei thau meda trun kak je bruk blei xe hơi meng taneh ia lingiu saong linh kiện ô-tô meng harei 1/7 tal, piah peih pambang darak pasal saong jhul khang patagok gah ngak ô-tô.

# Raja-ei Thụy Điển daok pabak dom baoh tapuk tacei pato mesruh metak ka taong abih 4,8 triệu baoh sang dalam negar ini, mbang akaok meti dalam luac 30 thun mai ini khan brei ka taong abih bhap bani thau lac mbuan rah tabiak sa bruk mesruh metak. Baoh tapuk tacei pato angaok nan hu angan "Meyah khủng hoảng atau mesruh metak rah tabiak", hu brei thau meng dom jabat Pacang caga Bhap bani Thụy Điển dalam nan tacei pato bhap bani dom kadha njauk ngak dalam tuk "rai diuk bhian harei di dom urang ini srau dhau". 

# Jit ruak Ebola di CHDC Công gô daok rah tabiak jhak. Tal harei 21/5 hu abih tih 51 urang njaom ebola hu mboh di CHDC Công Gô, dalam nan 27 urang metai. Tui panuac khan meng gah y tế dunya, abih tih 7 rabau 540 liều văc xin ebola thử nghiệm hu ba nao tal CHDC Công Gô piah caga bruk jaik si patuh veik jit ebola di taneh ia ini./.