# Page harei (23/6), Tổng Bí thư Nguyễn Phú Trọng saong dom urang dalam Kapul urang Quốc hội khóa 14 bal Hà Nội taom gaok cử tri quận Hai Bà Trưng, khan brei thau ka kmbang nyaom ka 3, quốc hội khóa 14. Pok panuac ndom di van taom gaok, Tổng Bí thư Nguyễn Phú Trọng lac, kadha praong hadei di bruk sua tangi saong javap jeleiy di Quốc hội nan lac dom kadha njauk hu salih bahrau khang dalam rai diuk.

# Di jabat Chủ tịch, Phó akoak taneh ia Đặng Thị Ngọc Thịnh barau taduan raok kapul urang jakar hu công tỉnh Cà Mau dalam tuk kapul nao ravang ban ine  Hà Nội saong tame Lăng sirah Chủ tịch Hồ Chí Minh. Ndom biai di var raok, Phó akaok taneh ia Đặng Thị Ngọc Thịnh thau dhar phuan dom bruk tuh pren di urang hu kong di tỉnh Cà Mau dalam bruk mesruh khik caga negar, peih paha bangsa.

# Page harei 23/6, pak Hà Nội, Bộ Lao động, Thương binh saong Xã hội pambuak haong Kapul Caritas (Cộng hòa Liên bang Đức) peih nyaom biai hu angan iew lac “Pambuak bruk dunya piah jul patagok quyền di urang jaoh jo”. Ini lac sa dalam dom bruk ngak piah caga ka pathau khan pakat negar akaok meti ka bruk peih ngak Công ước Liên hợp quốc ka Quyền di urang jaoh jo di Việt Nam tal Ủy ban Liên hợp quốc ka Quyền di urang jaoh jo dalam tukvak anak tal.

# Công an quận Lê Chân, ban sit Hải Phòng brei thau barau taong tayah sa  kapul bhian klaik radaih patuh, taphia nan mek khik hình sự Đỗ Duy Cường ka bruk klaik drap ar. Urak ini, công an quận Lê Chân hu mek khik 3 sruh radaih patuh lac tang vật di dom mbang klaik di Cường saong đồng bọn, taphia nan daok duah thau, ngak cambaih dom urang hu pambuak tal piah langyah tui  adat hukum.

# Cục thi hành án dân sự tỉnh Sơn La bahrau peih bruk am cuh klaak jaik 18 kg jru phien, labaih 3,3 kg heroin saong chất gây nghiện methamphetamine, gam haong dom tang vật karei. Ini lac dom pandap panda di 12 vụ án ma túy saong 5 vụ án karei hu peih ngak tui njauk adat hukum.

# Harei 23/6, dom thí sinh dalam taneh ia yam tame harei pakacah ka 2 meng bài pakacah tổ hợp Khoa học tự nhiên saong Ngoại ngữ, pakacah tui jalan trắc nghiệm. Di var pagaiy, thí sinh pakacah bài pakacah tổ hợp Khoa học tự nhiên (hu dom môn Vật lý, Hóa học, Sinh học), tukvak ngak bài pakacah lac 150 minit, var bair harei pakacah môn Ngoại ngữ, tukvak ngak bài 60 minit.

# Mentri ilamo Padhih saong rivang ma-ini bahrau brei thau Angan dom inem krung ilamo phi vật thể pakat negar. 7 inem krung ilamo phi vật thể hu công nhận daok dalam 3 janih lac: Lễ hội meng ka, bruk ngak thủ công meng kang, adat cambat tanarakun; dalam nan hu: Lễ hội Nàng Hai di urang Tày, Lễ hội Đền Lảnh Giang, Lễ hội Đền Chiêu Trưng, Lễ hội Katê di urang Chăm, Nghệ thuật ngak lam am di urang Cam palei Bàu Trúc, Lễ hội Trò Chiềng, Lễ daoh mbang uan ala phun kapah di urang Thái.

Khaw tin dunya

# Rajaei Mỹ barau brei padheih blei tame ralo limo that di Braxin kayua dom bruk gah hacih saat pandap mbang dalam tuk bruk srau kadau di ralo oh khik caga chat luong patuh tabiak meng bilan 3 barau blaoh ngak jhak oh takik tal thoat binguk taneh ia Nam Mỹ ini.

# Pak mbang nyaom akaok meti di rajaei bahrau, raja-ei di Tổng thống Pháp Em-ma-nu-en Ma-crông (Emmanuel Macron) hu brei thau dự luật pacang cakak khủng bố bahrau ngan haong ralo jalan ngak khang jang. Ini hu mong yau sa kham merat bahrau abih di Tổng thống Pháp dalam mbang methuh pacang cakak khủng bố.

# Di mbang nyaom thượng đỉnh Liên minh Châu Âu (EU) barau blaoh, Thủ tướng Anh Thê-rê-xa Mây (Theresa May) ba tabiak bruk bo amuk ieu lac “ công bằng”, saong sanya khik caga quyền lợi di 3 triệu công dân EU urak ini daok diukrai di Anh. Bruk ini hu dom urang dang akaok Liên minh châu Âu pok meyaom, ndom lac sa “khởi đầu siam dalam tuk ginum biai Anh tabiak truh Liên minh châu Âu (Brexit), min jeng hu panuac lac daok rilo bruk njauk langyah./.